Mąątɛ̨nɛ̨ 97:1 - Yálá laawoo hɛɓɛ (dc)

¹ Yai-Laa kaa a tɔɔmun. Lɔi, 'pili yələi a kwəinɛ̨ɛ̨, Gboloyá hɛ̨ąi kahinŋaa kəlee, 'di kwəinɛ̨ɛ̨ kulɔ!

Yálá laawoo hɛɓɛ

¹ Yai-Laa kaa a tɔɔmun. Lɔi, 'pili yələi a kwəinɛ̨ɛ̨, Gboloyá hɛ̨ąi kahinŋaa kəlee, 'di kwəinɛ̨ɛ̨ kulɔ!

Bible

¹ Yâwɛɛ káa a kâloŋ. Ŋ̀éniɛi su-ƃelai kélee, ka koi-nɛ̃ɛ kula. Káai máŋ dîŋ-ŋai sui, ka lii-nɛ̃ɛ kula.

Mąątɛ̨nɛ̨ 97:1 Referans Kwoze

Kolosə 1:13

Aa gu kulɔ kpinį ŋą luwɔlaa yəi, aa gu lɔ nwɛlikɛmąą lon ŋą tɔɔlaa hu.

Mąątɛ̨nɛ̨ 99:1

Yai-Laa kaa a Heeɓomun, yɛnɛ̨ɛ̨ nuą 'ka ɲɔw mą! Gaa heenin mąąkpɛ malakaɠaa nwun mɛ̨i pələ. Lɔi ə tɔɔ takpa takpa.

Mąątɛ̨nɛ̨ 93:1

Yai-Laa ɓə a Heeɓomun, mąąɲįnɛ̨n mə a mąąhəɠə! Yai-Laa aa mąąyili, aa ɉuyili a huwalawalalaa. A tɛ̨ą lɔi tɔɔi kpɔ tin tumun və mą.

M̀ɛni-lɛɛi 11:17

diɛ kɛ mą: «Ku kaa Ə́ mąmąɓoi gu Námu Yálá huwalawala kəlee nąmu, yɛ́i laa, yɛ́i wɔlɔ kɛ laa, hvó gaai, yáá ə́ kɛ mɛ̨nį kɛ a yɛ́ huwalawalalaa kɛnɛ̨ɛ̨i, ɛlɛɛ, Yáá Ə́ wɔɔ tɔɔlaai hee.

Markə 11:10

Tɔɔlaa yii gaa pai, lúwɔ́ kaa mą. Lúwɔ́ kaa ku nąn Davidə nwɔ tɔɔlaai ɓa. Mąąwiɛ kaa Yálá ɓa yələkɔlɔn ɉu.»

Sofoni 2:11

Yai-Laa kaa pai gbɔwɔ lɛi diɛ a vaŋą, ə yɛnɛ̨ɛ̨ haliɠaa kəlee nwun ɲɛɛ. Yɛnɛ̨ɛ̨ lɔiɠaa kəlee, ə mą kɛ, yiiɠaai di kaa kwɛaala, di kaa pai kwɛli hvilɛn ɉii mą, ɓɛɠaai di kaa laa.

Azaya 49:13

Yələ kɔ́lɔn, 'tómą a kwəinɛ̨ɛ̨, lɔi, 'ə́ mąną, yeeɠaa, 'ka tómą kpɔ a kwəinɛ̨ɛ̨ kɛnɛ̨, mąąhɔlɔɓo, Yai-Laa kaa nwɔ nuąi lii laai, di mąąwɛliɛi kɛ, aa di ɲɛ̨imąąwɛli kaa.

Zɛnɛse 10:5

Nu huwui tii ɓə di taɠa taɠaa gahinŋąą ɓa. Hį́í wooi da mo, ya ɓə di ɉee di wɔ lɔi ɓa a nɔi laa.

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Maafîu 6:10

Ə́ wɔ tɔɔlaa ə pa. Ə́ liiɓa ə kɛ lɔi mɛ̨i yɛ bələi gaa kɛi la yələkɔlɔn ɉu.

Maafîu 3:3

Ɉaan-Batistə tii ɓə, Yálá kwəi mɛ̨nį hukulɔ mun Esai ə kɛi mąą mɛ̨nį ɓo, yɛ kɛ mą: «Woo ta kaa tɔɔi nɔi pun ɉu, yɛ kɛ diɛ: ‹Ka Ną́mu nwɔ pələi pɛli, ka bələ pəlɛɛɠaa kəlee haŋą.›»

Abdiasə 1:21

Di kaa pai yeetɛɛmąą kɛi di Siɔn yee tumun, nąą ɓə di kaa pai heei laa; Esau huwu nwɔ yeeɠaa ə lɛɛ di yee mu. Nąąlɔwai, tɔɔlaa a kɛ a Yai-Laa nwɔɔ.

Azaya 66:19

Gaa a tɛ̨ą gaa pai pɔɔkɔɔn da kɛi di lɔwai, hvo pai lɛɛi a yili, yiiɠaai pai kulɔi ɉu, gáá pai daɠaa tɛɛi hįį lɔi takpɛliɠaa lɔwai, Tarsisə, Putə da Ludə diɛ di wɔ kilɛnŋąąi ŋąątɛ, Tubalə, Yavan da gboloyá hu lɔiɠaai kwɛaala, diɛi di hvo mą́ą́ mɛ̨nį bələ mąni, diɛi di hvo ta nwɔ́ mąąwiɛi kaa li; di kaa pai nwɔ́ mąąwiɛi mąą loloɓoi hįįɠaa mɛ̨i,

Azaya 60:9

Mąąhɔlɔɓo, gboloyá hɛ̨ąi lɔiɠaa kaa di ɲɛ̨i hąŋąn bɔ́ pələ, Tarsisə kələnŋąą ɓə di ɲɛ̨itɔwɔ, di kaa həɠəi a nonnii kwɛala, diɛ pa a diɛ, da di wɔ waliɠaa, ɛlɛɛ di wɔ hɛniɠaa. Yai-Laa, ə́ wɔ Yálái mąąwiɛ mɛ̨nį ɓa. Israɛlə nwɔ Mąąhəɠəmun mąą mɛ̨nį ɓa, yai mąąwiɛ kɛ yɛ́.

Azaya 51:5

Nwɔ́ kiti mɛ̨nį aa lɛɠɛ, nuą ɓalo mɛ̨nį pa hiɛ ka, ɛlɛɛ ɲéé kaa pai huwu kəlee kiti teei, ɲą́ą́ ɓə gboloyá hu lɔiɠaa kaa pai di kilitɔɔi mą́ą́, di ɲɛ̨i kaa pai kɛi dɔ́ɠɔ.

Azaya 49:1

Gboloyá hɛ̨ąi lɔiɠaa, 'ka ka wəli tɔɔ nwóó ɓa, kwɛala lɔiɠaa, 'ka ka wəli tɔɔ kpɔ a nɛlɛɛ, Ŋą́ lɛɛ néé kwəi, Yai-Laa ə də́li, ŋį́ kɛ nii néé kwəi, náá ə ɓo na.

Azaya 42:4

Nwɛi, vįi hvo pai kpɛɛi, di hva ɲee pɛlɛ lɔi ɓa, hvo kɛ li a kiti mɛ̨nį hee gban ɲą lɔi mɛ̨i, ɛlɛɛ, gboloyá hɛ̨ąi lɔiɠaa ɲɛ̨i kaa nwɔ tɔ́n nwooɠaa tɔwɔ.

Azaya 41:5

Gboloyá hɛ̨ąi lɔiɠaa da gaa, diɛ ɲɔw, lɔi kpon ɉeei yɛ kpɛlin, da di ɲɛ̨i hee mą, diɛ nąą mąąkpɛɛ, diɛ kɛ ɉuwu ɉuwu.

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Mąątɛ̨nɛ̨ 2:11

'Ka tí Yai-Laa ɓa a ɲɔwmąąlaa, 'ka ka yee yɛɛ a gɔwɔ kaa kpɛlin.

Zakari 14:9

Mąą yələi tii, Yai-Laa a gbɔwɔ lɛ a yɛnɛ̨ɛ̨ kəlee nwɔ tɔɔmun, a kɛ tii, Yai-Laa yaa tanɔ̨n mə a kɛ laa, naa ə ɓo tanɔ̨n.