Mąątɛ̨nɛ̨ 96:3 - Yálá laawoo hɛɓɛ (dc)

³ 'Ka mąąwiɛ pələ hukulɔ lɔiɠaa hu, da gɛ mɛ̨nį ɲɛ̨i kɛ̨nɛ̨ɠaa, nu huwu kəlee lɔwai.

Yálá laawoo hɛɓɛ

³ 'Ka mąąwiɛ pələ hukulɔ lɔiɠaa hu, da gɛ mɛ̨nį ɲɛ̨i kɛ̨nɛ̨ɠaa, nu huwu kəlee lɔwai.

Bible

³ Ka ŋɔwála-wala-laai maa mɛni ƃó ǹûai kélee dîa.

Mąątɛ̨nɛ̨ 96:3 Referans Kwoze

Mąątɛ̨nɛ̨ 22:27

Kpɔwɔ mąąyɛɛ nuą da kɔ̨nɔ̨n mįi, di pilɛ ɉu. Diɛi da Yai-Laa kwɛlii, da Yai-Laa laa mąątɛ̨nɛ̨. «Yíipoo, da yɛnɛ̨ɛ̨ ɲąąnɛ̨ɛ̨, 'di kɛ kaa!»

Lukə 24:47

Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Maafîu 28:19

'Ka li yɛnɛ̨ɛ̨ nąą kəlee, ka nu kəlee kalan, ka di kɛ a nwɔ́ kalan nɛa. Ka di mąąwaa Ną́n Yálá da Non da Kili-Mąąhəɠɛɛ laa hu.

Zakari 9:10

Gaa pai kɔ-kɔ-wotolo mɛ̨nį kpɛɛi Ɛfraimə lɔi hu, yɛ kɔ-kɔ-wotolo mɛ̨nį kpɛɛ Ɉerusalɛmə. Gaa pai gɔ-kɔ kilɛn ɉu yalii, ɛlɛɛ, yɛ liilaa yɛnɛ̨ɛ̨ loloɓo a lɔi kəlee nwɔɔ. Nwɔ heeɓolaa kaa pai həɠəi gboloyá ta ɓa, ə həli da kpɛli ɓa, yɛ həɠə ɲá kɛnɛ̨ ɓa, yɛ həli nɔi kpɛlai.

Mise 4:2

Lɔi tamąą kaa pai nąą hiɛ həɠəi, diɛ kɛ diɛ: 'Ka pa gu tɛ Yai-Laa nwɔ Yeei nwuɔ̨, Ɉakɔbə nwɔ Yálái yəi bɛlɛ́n, gaa pai nwɔ pələɠaai lɛi guɔ, guɔ hiɛ nwɔ pələɠaai mɛ̨i, mąąhɔlɔɓo, Siɔn ɓə kili mɛ̨nį a kulɔ laa, Ɉerusalɛmə ɓə Yai-Laa woo a kulɔ laa.

Azaya 49:6

Yɛ mą́ą́: «Ə́ kɛ mɛ̨nį ɲə́i a nwɔ́ tímun, yɛ́ Ɉakɔbə huwu muhəɠə, yɛ́ pənə, yɛ́ pa a Israɛlə huwu kpəli, yili kolɔɔ ɓə, Ŋą́ą́ nwɔ̨nɔ̨ ə́ kɛ a huwu takpɛliɠaa di wɔ kɛɛ pɔ̨nɔ̨, lɔi kpɛlai kəlee yɛ nwɔ́ ɓalo mɛ̨nįi hɔlɔɓo ə́ yə́i.»

Mąątɛ̨nɛ̨ 9:2

Yai-Laa, gáá ə́ hɛɠɛɛɓoi, gwə́i tɔ̨nɔ̨ mɛ̨i, gaa pai ə́ kɛ mɛ̨nį ɲɛ̨i kɛnɛ̨ɛ̨ɠaa kəlee hu kulɔ.

Mąątɛ̨nɛ̨ 57:9

'Ə́ muhəɠə ɲɛ̨́i pɔ̨nɔ̨ hɛn. 'Ka ka muhəɠə, gwɛnįn da bɛlɛgwəi. Gɛ́ pɛli hvóló nwun ɉii.

Mąątɛ̨nɛ̨ 150:2

'Ka mąątɛ̨nɛ̨ gɛ mɛ̨nį kpɛa-kpɛa mąą mɛ̨nį ɓa, 'ka mąątɛ̨nɛ̨, gɛnɛ̨ pələ ɓa!