Mąątɛ̨nɛ̨ 96:10 - Yálá laawoo hɛɓɛ (dc)

¹⁰ 'Ka mo lɔi kəlee hu kaa diɛ: «Yai-Laa ɓə a Heeɓomun. Ə lɔi hvilɛn gbɔ gbilin, tumun və mą. Yai-Laa a nu huwuɠaa kiti tee tɛ̨ą pələ mɛ̨i.»

Yálá laawoo hɛɓɛ

¹⁰ 'Ka mo lɔi kəlee hu kaa diɛ: «Yai-Laa ɓə a Heeɓomun. Ə lɔi hvilɛn gbɔ gbilin, tumun və mą. Yai-Laa a nu huwuɠaa kiti tee tɛ̨ą pələ mɛ̨i.»

Bible

¹⁰ Ka m̀ó ǹɔii ŋuŋ-ŋai dîa kâai, “Yâwɛɛ káa a kâloŋ. Ǹɔii seɛɛ̂i zeêi. Va kûla naa. A pâi núu kélee ŋɔmɛnii ŋá têei a bɔriɛ́ɛ.”

Mąątɛ̨nɛ̨ 96:10 Referans Kwoze

Mąątɛ̨nɛ̨ 93:1

Yai-Laa ɓə a Heeɓomun, mąąɲįnɛ̨n mə a mąąhəɠə! Yai-Laa aa mąąyili, aa ɉuyili a huwalawalalaa. A tɛ̨ą lɔi tɔɔi kpɔ tin tumun və mą.

Mąątɛ̨nɛ̨ 67:4

Nu kanŋaa di 'ə́ hɛɠɛɛɓo, Yálá! Nu kanŋaa, 'di pɛlɛ di kee ɓa, 'di ə́ hɛɠɛɛɓo!

Mąątɛ̨nɛ̨ 9:8

Yai-Laa nwɛi, gaa laa a yələ kəlee, aa nwɔ tɔɔ kpəlin hee kpɔ tin-tin, kiti mɛ̨nį ɓa.

Gɛlaɠaa 17:31

Hvo gaai, aa kuu ta hee, yɛ gaa pai yɛnɛ̨ɛ̨ nuą kəlee kiti teei a ɉaŋąa, a Nui ə ɉəɠə ɉu. Ə nɛ nu kəlee ɓa, yɛ mɛ̨nįi tii hvo pai ɉəɠəi mą, a nui ə nwun, ə gulɔ haa nuą lɔwai.»

Mąątɛ̨nɛ̨ 98:9

'Ka gɛ tii Yai-Laa tɔwɔ, mąąhɔlɔɓo, gaa pai lɔi kiti teei, gaa pai yɛnɛ̨ɛ̨ kiti teei a tələnmolaa, ə mą kɛ nu huwuɠaa.

M̀ɛni-lɛɛi 19:11

Yili pulu, ŋį́ yələkɔlɔn gaa naa ɓoɔ, hoo kwɛlɛɛ ta ə kulɔ laa, nui kɛ heeni mɛ̨i, naa ɓaa a: Tələnmo, da Tɛ̨ą. A kiti tee, ɛlɛɛ, yɛ kɔ́ kɔ́ a ɉaŋąą.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

M̀ɛni-lɛɛi 19:6

Ɛlɛɛ, ŋį́ nuą huluun nwoo mɛ̨n, ə ɓo yɛ yálee kpɛa-kpɛaa huluun dín, ɛlɛɛ, ə ɓo yɛ tulɔ tuwɔ tín gɛnɛ̨ɛ̨, diɛ kɛ mą: «Kánįkookwəi! Mąąwiɛ, Hééɓó kəlee Nąmu, ku wɔɔ Yálá Huwalawala Kəlee Nąmu, aa nwɔ tɔɔlaai too pono ɲą.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.

Galatə 1:16

ə Non nɛ mą́ą́, ə gɛ, ŋį́ mąą wɛlɛɛ lɛlɛɛ laa həli huwu takpɛliɠaa diɛ, və́ nwún dɔɔ a nui lɔpee ta;

Malasi 1:14

Kpalo ɓɛlaai hvulu mun ma, yai a daatɛlɛɛ hilɛ kɔ́lɔi pɔ̨nɔ̨ɔ̨ lɛlɛɛɠaa a di həɠə ɉu a Yálá nwɔɔ, yɛ di lɛɛ ɲəi daatɛlɛɛ kwənąn ɉu, yiiɠaai kiliin ɉi ɲɔ̨nwɔ̨ɔ̨ kaa mą, yɛ bili gee mɛ̨i, yɛ gulɔ a haláá mą́ą́. Kpalo ɓɛlaai mąą nu ɓa, mąąhɔlɔɓo, ɲą́ą́ Yai-Laa Mɛ̨nį Kəlee ŋą Hééɓomun, gáá a Yálái gaa a tɔɔmun, hį́i kəlee diɛ ɲɔw nwɔ huwalawala ɓa.

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Mąątɛ̨nɛ̨ 126:2

Nąąlowai Ku kɛ lɔ yɛlɛ mɛ̨nį hu, kwəinɛ̨ɛ̨ wələ lɔ ɓə kɛ ku la; Lɔiɠaa di kɛi kɛ diɛ: «Aiyoo Yai-Laa aa mɛ̨nį lɛlɛɛ kɛ diɛ!»

Mąątɛ̨nɛ̨ 96:13

'ka gɛ tii Yai-Laa tɔwɔ, mąąhɔlɔɓo, gaa pai, gaa pai lɔi ɲąąwooɓoi. Gaa pai yɛnɛ̨ɛ̨ ɲąąwooɓoi a tələnmolaa, da nu huwuɠaa, yɛ bələi ɉąŋąąi la.

Mąątɛ̨nɛ̨ 58:11

Tələnmolon, a nwąną kulɔi kaa, gaa pai kɛi kwəinɛ̨ɛ̨ kulɔi, gaa pai gɔwɔ mąą waai nu ɲɔ̨nŋaa ɲąmą hu.

Mąątɛ̨nɛ̨ 46:10

A kɔ́ɠaa kpɛɛ lɔi nąą kəlee, yɛ kilɛn ɉu yali, yɛ kpala hu yali; a kɔ́ kɔ́ wotoloɠaa kələn.

Mąątɛ̨nɛ̨ 18:49

Yá gúlɔ ɲówóɠaa yəi, yɛ́ ɲéé tɛɛ gɔ́yɔwɔɠaa diɛ; yɛ́ gúlɔ wɛa nuą yəi.

Kolosə 2:7

'Ká hamu ə hvilɛn kani Kristə mɛ̨i kpɔ kpąą, ká hu ə walawala a laa na laai di ká mąąkwɛli mą, ɛlɛɛ, káá ɓo la tii, a mɛ̨inɛ̨ɛ̨ hukɔlɔn nuą.

Mąątɛ̨nɛ̨ 59:13

Di ɓowoo ta hvo laa, yii nɛ̨ŋɛ̨n hvo kulɔ li ɉu, di nwun ə lɛɛ kan di wɔ kpɔwɔ ɲąą kɛnɛ̨ mɛ̨nįi tii hu; nɛ̨ŋɛ̨nnaa woo, da nɛɛ wooɠaai a kulɔ di la, di mąą mɛ̨nį ɓa.

Maafîu 3:2

Yɛ kɛ mą: «Ka kpəla mɛ̨nį ɲɔ̨n gɛɛ ɓa, ka ka túwɔ́ pələ mąąhvalin, Yálá-taa tɔɔlaai mąą aa kpuwɔ!»

Azaya 49:8

Yai-Laa woo ka, yɛ yɛ́: ŋį́ ə́ woo mu hon, a mɛ̨inɛ̨ɛ̨ yələ, ŋį́ ə́ mąąkpɔnmąąɓo, a nwun mąąɓo yələ, ŋį́ ə́ tɔɔ a dee, ə́ kɛ a kwa nuą ku lɔwai mįnɛ̨, yɛ́ nɔi tɔɔ, ka kwɛlin nɔiɠaai daa ɉu kala, yɛ́ pɛ̨nɛ̨, yɛ́ dɔɔ.

Mąątɛ̨nɛ̨ 46:6

Yálá kaa daa kwəi, ɲɔw hva pɛli tooi nąą nuą hu, Yálá a kpɔnmąą tɛɛ bɔ yələɓɔi pinɛ̨ɛ̨.

Mąątɛ̨nɛ̨ 7:9

Yai-Laa ɓə a lɔiɠaa kiti tee, Yai-Laa, gíti tee yɛ bələi də́lənmoɔi la, yɛ bələi gwə́i kwəlɛɛ la.

Mąątɛ̨nɛ̨ 9:9

Ya ɓə a yɛnɛ̨ɛ̨ ɲąąwooɓo a tələnmolaa, yɛ lɔiɠaa lɔwai mɛ̨nį ɓo a ɉąŋąnŋąą.

Azaya 52:7

Nuąi wɛlɛɛ woo lɛlɛɛ laa həli, di kɔ́wɔ lɛlɛɛi di mu, ɲeeɠaa ton na, diɛi di kaa liilaa woo laahəlii, diɛi da kɛ mɛ̨nį lɛlɛɛ woo laa həlii, diɛi da kɛ nwun mąąɓo loloɓoi; diɛi da kɛ kɛi Siɔn ɓa: Ə́ wɔ Yálái kaa tɔɔlaa kɛi.