Mąątɛ̨nɛ̨ 95:8 - Yálá laawoo hɛɓɛ (dc)

⁸ 'Ka hvo ka kili wala wala yɛ bələi ka gɛ la Meriba lɔi hu, yɛ ɲələi ka gɛ la Masa, nɔi pun ɉu.

Yálá laawoo hɛɓɛ

⁸ 'Ka hvo ka kili wala wala yɛ bələi ka gɛ la Meriba lɔi hu, yɛ ɲələi ka gɛ la Masa, nɔi pun ɉu.

Bible

⁸ “Káfe kɛ̀ a wolii kpɔ̂lɔ-ƃela yɛ̂ɛ kánâŋ pɔlɔ-ŋai kɛ̀ Mɛriƃa a tãi dí kɛ̀ la vɛ̃ɛ-kpâlaŋ su Massai.

Mąątɛ̨nɛ̨ 95:8 Referans Kwoze

Lɛɛ gbɔwɔ ɓa 17:7

Ə gɛɛnąą tii laa hee a: Masa da Meriba, yili mukulaa ɓaa: «hukɔɔn.» Mąąhɔlɔɓo, Yai-Laa hukɔɔn Israɛlə lonnii di mo di hvaa tee, mąą mɛ̨nį ɓa. Diɛ kɛ mą: «Akɛti, Yai-Laa kaa lɔ ku lɔwai ɓəi, a wala kɛ tii, hvo ɓɛ?»

Lonon mo 20:13

Di ɲái tii laa hee a Meriba yá, mąąhɔlɔɓo nąą ɓə Israɛlə lonnii di hvaa laa Yai-Laa ɓa. Yili yaan yɛ nwɔ mąąwiɛ lɛ laa.

Lonon mo 14:22

Nuąi ŋɛ̨i kpɔ nwɔ́ mąąwiɛlaa kaa, da mɛ̨nįi ŋį́ gɛ Eziptə lɔi hu, ə mą kɛ nɔi pun ɉu ɓɛ. Nuą ŋɛ̨i daa ɉúkɔɔn ɉii kɛ gee mɛ̨i pow, di hvo nwóó hon ni.

Lonon mo 14:11

Yai-Laa yɛ Moisə ɓa: «Nuąi ŋɛ̨i ɲɛ̨i kaa pai lɛɛi tɛɠɛɓoi ɉú, ə lɛɛ ɉu mįnɛ̨ lɔwai? Mįnɛ̨ lɔwai ɓə di kaa pai hvaai la mą di laa ná. Pələi mąn gáá kpalo mɛ̨nįɠaa kɛi la di lɔwai?

Samuɛlə dɔlɔɔ 6:6

Ka hvo ka kili walawala yɛ bələi Eziptə nuą da di wɔ tɔɔmun ni di gɛ la. Di mɔ̨nɔ̨ ɓoi Yálá ə mo, yili ɓə gɛ diɛ nwɔ nuąi lɛɛ la laa diɛ li.

Dutɛrɔnome 6:16

Ka hvə kɛa tɔɔ Yai-Laa ka wɔ Yálái la, yɛ bələi ka gɛ la Masa.

Hebreu 12:25

Ká gɛ a nɛlɛɛ, ká hvo ká wəli walawala nui ká təli nwoo tɔwɔ! Mąąhɔlɔɓo, akɛ, nuąi di wəli walawala di kilaa ponomun nwoo tɔwɔ ɓɛ lɔi mɛ̨i, di hvo kulɔ li nwun napili hui, gu hvomun kɛ guɔ kpɛlimąn, gu hva pɛli kulɔi nwun napili tɔ̨nɔ̨i ti hu, akɛ, nui yələi pələ, yɛ pələ ɓo guɔ, gwa gu pulu tɔɔ mą.

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Zûu 1:5

Bələi Yálá ə nwɔ nuąi nwun mąąɓo la yɛ di kulɔ Eziptə, ka ɉukulaa kɔ́lɔn kpɔ kɛnɛ̨. Ə mą kɛ tii, gáá ka kili pui ɉu gɛ́ kaa: yiiɠaai di di kili walawala, ə gəlee nwun napili.

Hebreu 3:13

Kɛlaa yaamun, ká ká keeni hvaŋąlɔ a yələɓɔ pələ tɛitɛi, yii kpɔ ni háákələi kaa ɉui, əgɛ, ká ta hvo pa gili walawala, nɛ̨ŋɛ̨n yɛ mowo.

Gɛlaɠaa 19:9

Kɛlaa, nu taɠaa di kɛli di kili walawala, di hvo kɛli tí, di hvo nwoo kaa a tɛ̨ą, yaamun, di kɛli Yálá nwɔ pələi laa ɲɔ̨nwɔ̨ɔ̨ɓo ɲąąkpɔn ɉu; yili ɓa, Polə da nuąi tii di taɠa. Yili pulu, ə galan nɛa həɠə, yɛ kalan gɛ diɛ hvoló tɛitɛi yee mu Tiranɔsə nwɔ lakwɛli kələi mu.

Lɛɛ gbɔwɔ ɓa 17:2

Nuą di hvaa pələ Moisə pɔ, diɛ kɛ mą: «Yá tɛɛ ku pɔ, ku ku kpələ la!» Moisə yɛ diɛ: «Ka káá hvaa pɛlɛi mą́ą́, lə mɛ̨nį ɓa? Lə mɛ̨nį ɓa, ka káá Yai-Laa hukɔɔn ɉii?»

Danîa 5:20

Kɛlaa, ɉu mɛ̨nį ə kɛnɛ̨, yɛ gbɔwɔ ɲąą kɛnɛ̨, gili walawalaa, yili ɓə gɛ, Yálá ə gulɔ dɔɔ kpəlin ɉu, ə mąąyɛɛ.

Lonon mo 14:27

«Ŋą́ą́ nuą ŋɛ̨i woo mɛ̨n, diɛ náá pələ ɓo. Gɛɛ kala nuą ŋɛ̨i, mįnɛ̨ lɔwai ɓə di kaa pai kpɛlai la mą?

Lɛɛ gbɔwɔ ɓa 8:15

Bənən gɛ nuą diɛ tɔɔmun ma: «Yii nwɛi, Yálá kɛ mɛ̨nį ka.» Ə mą kɛ tii, tɔɔmun ə gili walawala, mɛ̨nįi ŋɛ̨i Moisə da Aarɔn di ɉu hvɛli mą, hvo gɛ, yɛ pələi Yai-Laa ə gbɛa mo la.