Mąątɛ̨nɛ̨ 95:7 - Yálá laawoo hɛɓɛ (dc)

⁷ Mąąhɔlɔɓo gu wɔ Yálá li, gu kaa a nu huwui a ɲąąkɔn, a daatɛlɛɛ kpului a ɲɛ̨i kɛ mą. Əgɛ, háákələi, ka nwoo mɛ̨n, 'ka bɔ mɛ̨nį kɛ!

Yálá laawoo hɛɓɛ

⁷ Mąąhɔlɔɓo gu wɔ Yálá li, gu kaa a nu huwui a ɲąąkɔn, a daatɛlɛɛ kpului a ɲɛ̨i kɛ mą. Əgɛ, háákələi, ka nwoo mɛ̨n, 'ka bɔ mɛ̨nį kɛ!

Bible

⁷ kpɛ́ni fêi, ǹyaa ƃa Kúɣâlai, kú kɛ́ ƃò a ŋɔnûa, gbáaŋɔɔ kúmɛni ma. Ka káwoli tɔ́ɔ m̀ɛnii ma Ɣâla a m̀ôi:

Mąątɛ̨nɛ̨ 95:7 Referans Kwoze

Hebreu 4:7

Ə kuu nįnɛ̨ takpɛli tɔɔ, ya ɓaa a: háákələi; ə mo Davidə ŋą hɛɓɛ́i hu nąą ta, gwaa háá mo, yɛ mą: «Háákələi, ká Yálá laa woo mɛ̨n, 'ká hvo ká kili walawala.»

Hebreu 3:15

Moɔi ŋɛ̨i nwɔ̨nɔ̨, yɛ mą: «Háákələi, ka Yálá laa woo mɛ̨n, ká hvo ka kili walawala, yɛ ɲələi nuą di di kwɛli tee la.»

M̀ɛni-lɛɛi 3:20

Ɓɛ kaa, gáá tɔɔni bɛlɛ́ laaləi, gɛ gbon gɛlɛ. Nui a nwóó mu hon, ɛlɛɛ, ə bɛlɛ laa ɓo, ŋą́ lɔ bɔ bɛlɛ́n, ɛlɛɛ, kwa yaa ku ku yee lɔ kɔwɔ tɔ̨nɔ̨ hu.

Mąątɛ̨nɛ̨ 48:14

'Ka mąąkɔ̨nwɔ̨ hįi lɛlɛ pələ kaa, 'ka dɔɔɓɛlaa yíi pɛlɛ́ɠaa lono, nuąi pai lɛɛi ka pulu, kaa pɛli kɛi diɛ:

Piɛrə dɔlɔɔ 2:25

Mąąhɔlɔɓo, ká kəlee ká lanŋąąi kɛ yɛ ɓɛlaaɠaa, kɛlaa yiihu kɛa, káá ká ɲɛ̨i tínɛ̨n ká mɛ̨ikaamun bɔ pələ, yai a ɲɛ̨i kɛ ká nįiɠaa diɛ.

Mąątɛ̨nɛ̨ 74:1

Asafə nwɔ nu mąąkwɛli woo. Yálá! Ə́ ku pili kpɔ ti kwɛaa la lə mɛ̨nį ɓa, lə liiholi ɓə ə́ ɉee ə́ wɔ lɔi hu taatɛlɛɛ kpului ɓa?

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Kili-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Mąątɛ̨nɛ̨ 23:1

Davidə nwɔ Yálá mąątɛ̨nɛ̨ wələ. Yai-Laa ɓə a ɲą́ą́kɔnmun, hɛn da mąąkpaan va hee mą́ą́.

Hebreu 11:16

A tɛ̨ą, lɔi yii viɛlaɓoɔ, yai gaa yələkɔlɔn ɉu, ya ɓə di kɛli gwɛli. Yili ɓə gɛ, Yálá hva nwumɛ̨ naa heei a di wɔ Yálá, hvó gai, aa taa nįnɛ̨ ta tɔɔ, a di wɔɔ.

Hebreu 3:13

Kɛlaa yaamun, ká ká keeni hvaŋąlɔ a yələɓɔ pələ tɛitɛi, yii kpɔ ni háákələi kaa ɉui, əgɛ, ká ta hvo pa gili walawala, nɛ̨ŋɛ̨n yɛ mowo.

Maafîu 17:5

Ə lɛɛ lɔ moi tii, tulɔ kpinįn ɉu ponoɔ̨ ta ə yɛɛ di mɛ̨i; woo ta ə kulɔ ɉu yɛ mą: «Nííɓa lon ga ŋɛ̨i, ya ɓə ŋą́ą́ mą́ą́ mɛ̨nįɠaa kəlee lɛɛ ma. Mąąnɛ̨ɛ̨ ka ka wəli tɔɔ nwoo ɓa!»

Mąątɛ̨nɛ̨ 115:3

Ku wɔ Yálái kaa yələ kɔ́lɔn ɉu, mɛ̨nįi lɔpee a nɛ̨ɛ̨ mą, a gɛ.

Mąątɛ̨nɛ̨ 79:13

Ɛlɛɛ, kuɔi ŋɛ̨i a ə́ wɔ nu huwui, kuɔi a ə́ wɔ ɓɛlaa kwənąn ɉu taatɛlɛɛɠaa, kuɔ pɛli ə́ laa tɛi a yələ kəlee; kuɔ ə́ mąątɛ̨nɛ̨ wələɠaa too, gbɛlai hva kɛ mą.

Lɛɛ gbɔwɔ ɓa 15:2

Yai-Laa ɓə gaa a nwɔ́ huwalawala da nwɔ́ wələ, gaa a málomun, gaa a nwɔ́ Yálá, Ya ɓə ŋą́ Naa tɛ. Ną́n nwɔ Yálá li, gáá mąą wələ tooi.

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Mąątɛ̨nɛ̨ 100:3

'Ka gɔ́lɔn kaa, Yai-Laa ɓə a gu wɔ Yálá, Ya ɓə gu pɛli, bɔɔ ɓaa a guɔ, gu ɓo a nwɔ nu huwu, a ɲəi gwɛnąn ɉu taatɛlɛɛ.

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Mąątɛ̨nɛ̨ 67:6

Nu kanŋaa 'di ə́ hɛɠɛɛɓo, Yálá! Nu kanŋaa kəlee 'di pɛlɛ di kee ɓa, diɛ ə́ hɛɠɛɛɓo.

Hanwon 8:6

Ka ka wəli tɔɔ, mɛ̨nįi gáá moi kaa, viɛlaɓoɔi; kaa ka tii gáá pələ ɓoi kaa a ɉu pɔ̨nɔ̨ɔ̨.

Kɔlɔnikɔ Maa-ŋuŋ 16:14

Ya ɓə gaa a Yai-Laa, gu wɔɔ Yálá, Ya ɓə a lɔi kəlee ɲąąwooɓomun.

Mise 7:14

Ə́ wɔ nu huwui ɲąąkpɔn ə́ nįnįn mu, Ə́ wɔ taatɛlɛɛ kpului tii a ə́ kwɛlin; gaa lɛɛ dɔ̨nɔ̨ kanɉu kpomói, wuluɠaa lɔwai. Gɛ́ ə gɔ̨nɔ̨n ɉɔlɔɓo Basan da Galaadə, yɛ tɔlɔɔ-tɔlɔɔ yələ.