Mąątɛ̨nɛ̨ 95:6 - Yálá laawoo hɛɓɛ (dc)

⁶ 'Ka lɔ! 'Ka gu gu mąą pɛlɛ, 'ka gu kwɛli hvilɛn mą. 'Ka gu pu gu kpəlin na, gu pɛli Yálá, Yai-Laa lii la!

Yálá laawoo hɛɓɛ

⁶ 'Ka lɔ! 'Ka gu gu mąą pɛlɛ, 'ka gu kwɛli hvilɛn mą. 'Ka gu pu gu kpəlin na, gu pɛli Yálá, Yai-Laa lii la!

Bible

⁶ Ká pá kú pîlaŋ kúŋugbe ŋá kúkpɛtɛ Ɣâlai Yâwɛɛ kɔ́ɔ mu kú vɛli,

Mąątɛ̨nɛ̨ 95:6 Referans Kwoze

Filipə 2:10

ya ɓə a gɛ, Jesus laa hu, nu kəlee a pu nwungbə la, di gwɛli hvilɛn mą, yələkɔlɔn ɉu, lɔi mɛ̨i, da lɔi mu;

Mąątɛ̨nɛ̨ 100:3

'Ka gɔ́lɔn kaa, Yai-Laa ɓə a gu wɔ Yálá, Ya ɓə gu pɛli, bɔɔ ɓaa a guɔ, gu ɓo a nwɔ nu huwu, a ɲəi gwɛnąn ɉu taatɛlɛɛ.

Danîa 6:10

Nwoo tii ɓoɔ pulu, tɔɔmun ə hvaa mą, ə ɲee pɔɔ too dɔ́n tii hu.

Mąątɛ̨nɛ̨ 95:1

'Ka pa, 'ka gu tómą a kwəinɛ̨ɛ̨ Yai-Laa pɔ pələ. 'Ka gu gu yee lɔwa gu ɓalo kwɛni ɓa.

Ifisiɛŋ 3:14

Yili mąą mɛ̨nį ɓə gɛi, ŋą́ kɛ pui la nwúngbə la Ną́n Yálá ɲɛ̨i ɓa,

Azaya 54:5

Mąąhɔlɔɓo, Yálái ə́ pɛli, ya ɓə a ə́ hilɛ, naa ɓaa Yai-Laa Mɛ̨nį Kəlee ŋą Hééɓomun; Israɛlə nwɔ mąąhəɠə mun ɓə ə́ nwun mąąɓooi, naa ɓaa yɛnɛ̨ɛ̨ piliɛ gee mɛ̨i nwɔ Yálá.

Korɛntə dɔlɔɔ 6:20

Nu ta ɓə ka nwun mąąɓo a ɉɔ̨nwɔ̨ kɛnɛ̨. 'Ká Yálá mąąwiɛ kan a ka kɔlɔ.

Kɔlɔnikɔ Veerɛi 6:13

Hvo gaai, Salomɔn aa kɛ hɛn da tɔɔ gwəli hɛ̨ąi a kwɛli kpɔlu, gwɛaa a yee laa mą lɔɔli, goloon ɉu ə ɓo a yee laa mą lɔɔli, muhəɠɛɛ a yee laa mą haaɓa, ə tɛ ɉɛn tii mɛ̨i, ə pu nwungəla; Israɛlə nu kpɔn gəlee ɲɛ̨i ɓa. Ə ɲee haɠa ɲələi pələ,

Lukə 22:41

Yili pulu ə mąą tawolo tɛ, yɛ nu a kwɛni pili, ɓɛi a too laa, ə pu laa nwungbəla la yɛ Yálá hvɛli.

Piɛrə dɔlɔɔ 4:19

Yili ɓa, nuąi di kaa mɔ̨nɔ̨ mįi yɛ bələi Yálá liiɓa kaa la, mąąnɛ̨ɛ̨ di di nįį kalihvaɓo hɛn gəlee pɛlimun, a kulɔ nwoo ɓa, mą, a mɛ̨nį lɛlɛɛ kɛɛ.

Ɉaan 1:3

Nwoo tii ɓə Yálá ə hɛn gəlee pɛli la. Hɛnŋąą kpɔ yɛnɛ̨ɛ̨, da hvo pɛli li nwoo tii tɛɠi.

Ɛsdrasə 9:5

Yələwulii haláá kulɔi lɔwai, kpɔlɔɔn tii ŋį́ mo, ŋį́ muhəɠə, nwɔ́ həɠəɠaa tii nee ŋį́ ɉuɓɛla, ŋį́ di too gwána, ŋį́ pu nwun gbəla, ŋį́ ɲee haŋą Yai-Laa nwɔ́ Yálá pɔ pələ.

M̀ɛni-lɛɛi 22:17

Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.

Gɛlaɠaa 21:5

Nɔwɔ tɔ̨nɔ̨i ti tɛɛ pulu, ku kuɔ hiɛi kɔ́wɔ tɔɔ, galan nɛai ti da di nɛ̨ąni ə lɛɛ da di lonnii, di pa di ku tɔɔ pələi daa kpala. Kwa diɛni ku pu ku kpəlin na laa ɲá kwɛlɛ, ku Yálá hvɛli.

Azaya 17:7

Mąą yələi tii, nu a ɲɛ̨i tinɛ̨n gɛa ə ɉee bɛli mun bɔ pələ, yɛ Israɛlə nwɔ Mą́ą́həɠə mun gaa.

Mąątɛ̨nɛ̨ 72:9

Gbali lɔi hu nuą kaa pai kɛi kwɛli hvilɛn ɉii mą, ɲowoɠaa diɛ muluun gɔ̨mɔ̨.

Tɔɔɓɛlaa dɔlɔɔ 8:54

Vɛli ɓo wooɠaa tii kəlee da nɛ̨ɛ̨mąą hvə wooɠaa tii kəlee, Salomɔn ə naa həli Yai-Laa ɓa, a nwoo laa kulɔi. Salomɔn ə gɛ puu ni Yai-Laa nwɔ haláá kulɔi lííla ɲeeɠaa tɛɛ ɲələi pələ, ə muhəɠə,

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Gɛlaɠaa 7:60

Yili pulu, ə pu gbəlin na, ə tomą kpɔ a nwoo kɛnɛ̨ɛ̨, yɛ mą: «Ną́mu! 'Hvó nɛ̨ŋɛ̨n ŋɛ̨i pɛ̨ɛ̨ di nwuɔ̨.» Moi ə mo tii, ə haa.

Markə 14:35

Ə mąą tɛ woloɓo tɔwɔ ə pɛlɛ nɔi ɓa, yɛ Yálá hvɛli yɛ kɛ mą: akɛ yili a pɛli kɛi, nąąnɔ̨nwɔ̨ lɔwai tii hvo həli mą.

Maafîu 4:2

Jesus ə hvóló pow-nąąn da kpinį pow-nąąn gɛ, hvo hɛn da mį́į́. Pulu ə ɉon.

Osia 8:14

Israɛlə aa lɛ̨ą bɛlimun ma, aa gbɔwɔ nwɔ tɔɔ pɛlɛ́ɠaa tɔɔ. Ɉuda nwɛi, gaa nwɔ taaɠaai mąątinɛ̨n ɉii a di mąąkpɛ hįį. Kɛlaa, gáá pai nwɔ̨n bilii nwɔ taaɠaai hu, yɛ daa mąą kɔ̨nwɔ̨ pɛlɛ́ɠaa kələn.

Ikilisiati 12:1

Yɛ́i ŋɛ̨i a nunwunu! Ə́ nwunu yələi tii, 'hvó lɛ̨ą ə́ pɛli Yálá ɓa. Gɛɛ ə́ pɔlɔ yələ hvo kɛ həli mą, gɛɛ hvó pa kɛ diɛ: «Yɛnɛ̨ɛ̨ kun aa hee ɉú!» Ə́ kili lɛɛ ə́ pɛli Yálá hu.

Mąątɛ̨nɛ̨ 149:2

Israɛlə ə kwəinɛ̨ɛ̨ kulɔ bɛlimun naa hu, Siɔn lonnii di hɛ́li pu di wɔ Heeɓomun mąą mɛ̨nį ɓa!

Zôo 35:10

Kɛlaa, nu ta hva kɛ diɛ: «Bɛ́li Yálá kaa mį? Yaai a kɛ wələ lɛi kuɔ kpinį,

M̀ɛni-lɛɛi 22:8

Ɲą́ą́ Ɉaan, ŋį́ mɛ̨nįɠaa tii mɛ̨n, ɛlɛɛ, ɲɛ̨́i ə tɔɔ ɉu. Yii kɛa ŋį́ gaa, ŋį́ mɛ̨n na, ŋį́ pɛlɛ níiɓa, əgɛ, ŋį́ gwɛli hvilɛn, malakai tii mɛ̨nįɠaa lɛ mą́ą́ gɔwɔ mu.

Gɛlaɠaa 20:36

Yii kɛa Polə ə nwooɠaai ti ɓo diɛ, ə pu gbəlin na, da diɛni di Yálá hvɛli.

Osia 6:1

'Ka pa ka gu pənə gwəli Yai-Laa pɔ, ya ɓə ɲɔ̨n bɛlɛ guɔ, ya ɓə pai gu kɔ́lɔi pɔ̨nɔ̨i, ya ɓə gu kɛlɛ, ya lɔ ɓə nwɔ̨nɔ̨ pai bala halii.

Maafîu 4:9

Yɛ mą: «Akɛ ya kwɛli hvilɛn mą́ą́, ŋą ɉɛnŋąą ŋɛ̨i kəlee tɛɛ ə́ pɔ.»

Kɔlɔnikɔ Veerɛi 29:28

Nɔi lonnii kəlee di gwɛli hvilɛn, nwələ yɛ hvaa dúlu woo yɛ tɔɔ, di lɛɛ gɛi tii, ə lɛɛ ɉu ɉaláá kələn ŋąą ə kpɛɛ.

Kɔlɔnikɔ Veerɛi 29:29

Yii kɛa di kɛi pa di yee laa kulɔi, tɔɔmun da nuąi kɛ nąą di di mąą pɛlɛ, di gwɛli hvilɛn.

Kɔlɔnikɔ Veerɛi 29:30

Yili pulu, tɔɔmun da galanɉonŋąą di mo Levi lonnii diɛ, di Yai-Laa mąątɛ̨nɛ̨ a Davidə nwɔ wələɠaai Asafə nwɔ wələɠaa, da gɛɛ kaamun nwɔ wələɠaai. Di mąątɛ̨nɛ̨ kpɔ a di kwəinɛ̨ɛ̨, yili pulu, di pu di kpəlin na di gwɛli hvilɛn.

Mąątɛ̨nɛ̨ 119:73

Ə́ bɛ́li a ə́ yee, ə́ ɉúwala wala, 'gɔ́ a kili, gɛ́ pɛli ə́ wɔ tiɓoɠaai hukpɛi.

Mąątɛ̨nɛ̨ 139:13

Yɛ́ ɓə nį́i too ɉú, Yɛ́ ɓə dóó néé kwəi.

Azaya 44:2

Mɛ̨nįi Yai-Laa ə mo, ya ka, yai a ə́ pɛlimun, yai ə́ pɛli ə́ too ə́ lee kwəi, yɛ kpɔnmąą tɛɛ ə́ pɔ, Ɉakɔbə, 'hvó ɲɔw, yɛ́i a nwɔ tímun, yɛ́i ə́ hutɔɔ, yɛ́i ŋį́ ə́ həɠə ɉu a nííɓa.

Azaya 64:8

Yai-Laa, 'hvo ə́ liiholi, hvo dɛɛ ɲɛ̨n ɉu, hvo nɛ̨ŋɛ̨n gili too lɔ ə́ ŋą a yələ kəlee. Kɛlaa ɓɛ kaali! Ə́ wɔ nu huwu ɓaa a ku kəlee!