Mąątɛ̨nɛ̨ 92:12 - Yálá laawoo hɛɓɛ (dc)

¹² Nuąi kɛi mą́ą́hɛn, ŋą́ą́ di looii kaa; nwąnąlɔ nuąi diɛ di kɔ́ pɛlɛ mą́ą́, nwə́li aa di woo mɛ̨n.

Yálá laawoo hɛɓɛ

¹² Nuąi kɛi mą́ą́hɛn, ŋą́ą́ di looii kaa; nwąnąlɔ nuąi diɛ di kɔ́ pɛlɛ mą́ą́, nwə́li aa di woo mɛ̨n.

Bible

¹² Dɔ̃yâ-ƃelai da ƃûu ƃò yɛ̂ɛ tóu wuru, díkɛ ƃɔ̀lɔ a ǹɛ́lɛɛ yɛ̂ɛ sîda wuru-ŋai díkaa Lɛƃanɔŋ.

Mąątɛ̨nɛ̨ 92:12 Referans Kwoze

Mąątɛ̨nɛ̨ 1:3

Gaa yɛ wului daa ɉin ya kwɛlɛ, yɛ ɓá a mái lɔwai, naa hva kpala ɲą a yələ lɔpee ta, gɛ mɛ̨nį kəlee hu a nɛ̨ɛ̨ mą.

Ɉeremi 17:8

Gaa yɛ wului dɔɔ ya kwɛlɛ, ɉamu yɛ li ɲá lii ɓa, hvóló hva ɓɔ ɉu, naa tɛlin ŋąą lɔ a yələ kəlee. Hvóló ə mą hɔɔ kwɛlan dɔ̨nɔ̨ yee mu, hva mɛ̨nį ta kɛ mą, dɛlin gaa lɔ ɉu a yələ kəlee. Má hva kpɛɛ ɉu.

Mąątɛ̨nɛ̨ 104:16

Yai-Laa nwɔ wuluɠaai diɛ pilɛ, ə mą kɛ Liban kpitiliɠaai ə di hin.

Mąątɛ̨nɛ̨ 52:8

Tələnmo nuą kaa pai nąą kaai, diɛ ɲɔw, diɛ yɛlɛ mą, diɛ kɛ:

Lonon mo 24:6

Di kaa yɛ yee lɔwai lɔiɠaa. Diɛ li lɔ dąną dąną yɛ yá kɛnɛ̨ kwɛlɛ nɔw yɛa, yɛ alowɛsə wulu Yai-Laa ə ɉin, yɛ yá kwɛlɛ kpitili.

Amɔsə 2:9

Kɛlaa, ɲą́ą́ ɓə Amɔrə nuą kpɛ di pɔ lɔi, diɛi tii di hee laa. Nuąi tii kwɛa pələ ə kɛ yɛ kpitili, di walawala kpɔ yɛ hɛan. Ŋą́ di ɓa pola di ŋą, ŋį́ di hamu tee di mu.

Azaya 65:22

Di hvo kɛa pai pɛlɛ tɔɔi, nu ta kpɛli yɛ lɔ mu, di hvo kɛa pai tíi kɛi, nu ta kpɛli yɛ mą mįi. Mąąhɔlɔɓo, bələi lɔ wulu a lamu la, bələ lɔ ɓə nwɔ́ nuąi kaa pai lamui la. Nííɓa nuą kaa pai kulɔi, di yee kɛ kóló dɔlɔ ɓa.

Mąątɛ̨nɛ̨ 72:7

Nwɔ tɔɔlaa lɔwai, Tələnmolon ə kɛ ɲąąnɛ̨ɛ̨ hu, yii kpɔ ɲąnin gaa ni hvələi, nwun na nɛ̨ɛ̨ ə kɛ nɔi!

Azaya 55:13

Towələ wuluɠaa kaa pai ɓɔn ɉii, ɓɛi ɲąąlən ə kɛ laa; tow yɛ kulɔ ɓɛi didi-hɔ̨ɔ̨-hɔ̨ɔ̨ ə kɛ laa, yili kaa pai kɛi a Yai-Laa laa tɛ mɛ̨nį, a gɔlɔn ɉɛn, a yələ kəlee da nwɔɔ, gili hva kpɛɛ nuą ŋą.

Tɔɔɓɛlaa dɔlɔɔ 6:29

Bɛlɛ́ kɔ́lɔ ɓa, da ɉu pələ, ə mąąkpɛ malakaɠaa mąąnįnįn ɉəɠə naa kəlee, da gwala laa mąąnįnįn, da wulu powa lɛlɛɛɠaa.

Mąątɛ̨nɛ̨ 92:7

Kilikpɛɛɲəimun hva gbaɠala kaa, nui gili hva mɛ̨nį hukpɛ, hva pɛli ɲąą kaa.

Mąątɛ̨nɛ̨ 148:9

Yee kpɛa-kpɛa da yee kpu-kpuɠaa kəlee, ɓá wuluɠaa da kpitiliɠaa kəlee,

Mąątɛ̨nɛ̨ 37:34

'Ə́ kilitɔɔ Yai-Laa ɓa, lɛɛ nwɔ pələi mɛ̨i; gaa pai ə́ kɛnɛ̨i, yɛ́ lɛɛ a nɔi nąmu, ə́ kaa pai nu ɲɔ̨nwɔ̨ɔ̨ɠaa kaai diɛ di kulɔ a di nwun.

Mise 7:10

Ɲówo kaa pai nąą kaai, yɛ nwumɛ̨; yai tii kɛi kɛ mą́ą́: «Ə́ wɔ Yálái Yai-Laa kaa mį?» Ɲɛ̨́i kaa pai tɛɠɛ ɓoi ɉu, di kaa pai dan ɉii yɛ pələ pɔ palaya.