Mąątɛ̨nɛ̨ 92:1 - Yálá laawoo hɛɓɛ (dc)

¹ Mąątɛ̨nɛ̨ wələ. A wələi da doo a túwɔ́ yələ.

Yálá laawoo hɛɓɛ

¹ Mąątɛ̨nɛ̨ wələ. A wələi da doo a túwɔ́ yələ.

Bible

¹ Ǹɛ̂lɛɛi a gɛɛ kú sɛɣɛ-fei tɛɛ Yâwɛɛ pɔ́. Ǹɛ̂lɛɛi kú ƃaa kɛ́ maa wule too Ŋ̀âla Kɛ́tɛi ma,

Mąątɛ̨nɛ̨ 92:1 Referans Kwoze

Mąątɛ̨nɛ̨ 147:1

'Kánikookwəi! Nɛlɛɛ ɓaa, gu gu wɔ Yálái laa tɛ, Gu wɔ Yálái laa toɔ a wələ ɲąąnɛ̨ɛ̨ ɓə kɛnɛ̨,

Mąątɛ̨nɛ̨ 107:1

'Ka Yai-Laa laa tɛ, mąąhɔlɔɓo nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei və mą.

Ifisiɛŋ 5:19

'Ká kɛ Yálá mąątɛ̨nɛ̨ wooɠaa ɓoi gee ɓa, 'káá Yálá laa tɛ wələɠaa too, da kalan nwələɠaa, 'ká kɛ wələɠaa tooi káá gu Nąmu laa tɛ la, a ká lii kəlee.

Mąątɛ̨nɛ̨ 135:3

Kanikookwəi! Yai-Laa nwɔ mɛ̨nį lɛlɛɛi! 'Ka naa too a wələ, nwɔ mɛ̨nį ɲąąnɛ̨ɛ̨i kɛ̨nɛ̨!

Mąątɛ̨nɛ̨ 33:1

Tələnmo nuą! 'Ka ka yee lɔwa Yai-Laa ɓa! Mąątɛnɛ̨ woo mąąnɛ̨ɛ̨ nu haŋąąɠaa la.

Mąątɛ̨nɛ̨ 73:28

Nwɛ́i nwɔ́ yɛnɛ̨ɛ̨ ɲąąnɛ̨ɛ̨ lɔ ɓaa: Ŋį́ kɛ Yálá kwɛlɛ. Ną́mu Yai-Laa kwɛlɛ ɓə ŋį́ gɛ a mą́ą́kilɛi, gɛ́ pɛli gɛ mɛ̨nįɠaa kəlee noloɓoi.

Mąątɛ̨nɛ̨ 107:8

'Di Yai-Laa hɛɠɛɛɓo kani, nwɔ wɛlikɛmąąlaa mąą mɛ̨nį ɓa; da mɛ̨nį ɲɛ̨ikɛnɛ̨ɠaai ə gɛ nu kanŋaa diɛi;

Mąątɛ̨nɛ̨ 52:9

Ka gbakoloi kaa li! Yai hvo Yálá kɛ li a mąą kɔ̨nwɔ̨ kwɛni, Kɛlaa gilitɔɔi kɛ nwɔ hɛngɔw kɛnɛ̨ pələ ɓa, yɛ nwun dɛ nwɔ tuwɔ pələ ɲɔ̨nŋąąi hu.

Danîa 5:18

Oo tɔɔmun, Yálá yii gaa hɛn gəlee nwun mɛ̨i, ə tɔɔlaa, kɛnɛ̨ laa, ɓɛlɛ kɛ maa da mąąwiɛ tɛɛ ə́ nąn Nabukodonosorə pɔ.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Mąątɛ̨nɛ̨ 107:15

'Di Yai-Laa laa tɛ kani, nwɔ wɛlikɛmąąlaa mąą mɛ̨nį ɓa, da gbalo mɛ̨nįɠaai ə gɛ nu kanŋaa diɛ, mąą mɛ̨nį ɓa.

Mąątɛ̨nɛ̨ 54:6

Nwɛ́i, Yálá ɓə gaa a nwún mąąɓomun, nuąi da búlu tɔɔɓo, Ną́mu kaa di pɔ.

Mąątɛ̨nɛ̨ 92:8

Nwąnąlɔ nuą, di wɔ yɛnɛ̨ɛ̨ ɲąą ə mą nɛ̨ɛ̨ yɛ kala tiliin, mɛ̨nį ɲɔ̨n gɛ nuą kɛ mɛ̨nį hu ə mą kɛ nɛ̨ɛ̨i, gaa lɔ a di nwun na pili mɛ̨nį, ɲali bulu hvo mą.

Mąątɛ̨nɛ̨ 50:23

Nui a mɛ̨inɛ̨ɛ̨ hu kɔlɔnŋąą kɛ a nwɔ haláá hɛn, gaa mą́ą́wiɛi, ɛlɛɛ, nui a ɉiɛ pələ ɲɛlɛ kɛ, ya ɓə ŋą́ Yálá ŋą ɓalo mɛ̨nįi ɲąąnɛ̨ɛ̨ lɛ mą.

Mąątɛ̨nɛ̨ 82:6

«Gáá kpɔ moi kaa: yáláɠaa ɓaa a kaa, ka káá kpɔ a yələkɔlɔn ɉu Yálá lonnii.

Hebreu 13:15

Yili ɓa, Jesus pɔ pələ, 'ká gu mąąwiɛ haláá kulɔ Yálá ɓa a yələ kəlee, mukulaa ɓaa: 'Ká gu kɛ lɔ Naa tɛi.

Hebreu 4:9

Vįitɔɔ yələ ta kaa laa a Yálá nwɔ nuąi di wɔ.