Bib sou entènèt

Paj dakèy
Bib sou entènèt
Mąątɛ̨nɛ̨ 91:15

Mąątɛ̨nɛ̨ 91:15 - Yálá laawoo hɛɓɛ (dc)

¹⁵ A də́li, ŋą́ nwoo mu hon, gáá pai kɛi bɔ, mɔ̨nɔ̨ hu; ŋą́ nwun mąąɓo, ŋą́ naa tɛ.

Gade chapit la Kopi

Yálá laawoo hɛɓɛ

¹⁵ A də́li, ŋą́ nwoo mu hon, gáá pai kɛi bɔ, mɔ̨nɔ̨ hu; ŋą́ nwun mąąɓo, ŋą́ naa tɛ.

Gade chapit la Kopi

Bible

¹⁵ Da ńdòli, ŋa pâi díwoo su toôi. Ŋa pâi kɛ̂i díkɔlɛ dímɛni kpɔ̂lui kélee su. Ŋa pâi díŋuŋ ma ƃôi ŋá ƃaa kɛ́-maa tɛ́ɛ dípɔ.

Gade chapit la Kopi

tounen moute ⬆

Mąątɛ̨nɛ̨ 91:15
31 Referans Kwoze

Ɉeremi 33:3

«Vɛ́li, ŋą́ ə́ woo mu hon, gáá pai mɛ̨nį kpɛa kpɛa kulɔi pɔ̨nɔ̨ŋa ə́ ɲɛ̨i ɓa, a mɛ̨nįɠaai di looɔ, yiiɠaai hvo gɔlɔn.

Azaya 65:24

Nąąlɔwai, gɛi di hvo pa kɛ də́lii, ŋį́ gbɛa di woo pulu pənə, Di woo a lɛɛ nii di lá, ɉɛn di vɛlii, ŋį́ dɛɛ di pɔ!

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Mąątɛ̨nɛ̨ 138:7

Ŋą́ kɛ laanɔ̨nwɔ̨ kɛnɛ̨ hu, yá pənə ə́ nwɔ́ yɛnɛ̨ɛ̨ pu nįnɛ̨ koloi, yá ə́ yee hulɔ pɛlɛ ɲówóɠaa diɛ, ə́ ɓa-mįi-yee yɛ málo.

Ɉaan 12:26

Nui a kɛ ə tí mą́ą́, ə hvilɛn búlú. Ɓɛi gáá laa, nąą ɓə nwɔ́ tímun gaa laa. Ɛlɛɛ, nui a tí mą́ą́, Ną́n a mąąwiɛ.

Samuɛlə dɔlɔɔ 2:30

Yili mąą mɛ̨nį ɓa, Yai-Laa Israɛlə nwɔ Yálá woo ka: Ŋą́ ta mo tii, gɛ́ kɛ diɛ, ə́ wɔ pɛlɛ́i da ə́ nąn nwɔ pɛlɛ́i di kaa pai hiɛi ɲɛ̨i ɓa a yələ kəlee, kɛlaa, yiihu, Yai-Laa woo yili aa həɠə mą. Mąąhɔlɔɓo, nuąi da mą́ą́wiɛ, ŋą́ di mąąwiɛ, nuąi da tɛɠɛɓo ɉú, di ɓɛlɛ aa kpɛɛ diɛ.

Mąątɛ̨nɛ̨ 10:17

Yai-Laa, yá mąąwɛli nuą liiɓa mɛ̨nį kɛ; yá di liikpələ, yɛ́ ə́ wəli tɔɔ di woo ɓa.

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Hebreu 5:7

Jesus tii ɓə, gɛɛ ɓɛ lɔi mɛ̨i, ə kɛli Yálá hvɛli, yɛ mąąnɛ̨ɛ̨ ɲɛ̨iyá hu, yɛ tomą, nui a pɛli gulɔi haa yəi, bɔ pələ; ɛlɛɛ, nwɔ hvɛliwoo laa ə hon a nwɔ lɛɛ nwoo mu laa.

Mąątɛ̨nɛ̨ 23:4

Ə mą kɛ, gáá hiɛi haa ɓoloon ɉu kpiɲɛ̨ɛ̨ hu, ɲɔwi lɔpee hva gɛ́, mąąhɔlɔɓo, ə́ kaa bɔ́, yɛ́ tunwɔ̨n, yɛ́ gbɔ́n, diɛ ɓə da nį́ilɔ.

Piɛrə dɔlɔɔ 1:21

Yaa ɉáálai, káá laa Yálá la, yai nwun, ə gulɔ haa yəi, ə gɔ a mąąwiɛlaa, gɛ pələi tii, ká wɔɔ laa na laa, da wɔɔ kilitɔɔmąą laa kɔwɔ hvilɛnŋąąi la Yálá ɓa.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Piɛrə dɔlɔɔ 5:4

Ɓɛlɔwai gbɔn mɛ̨i kaamun gɛnɛ̨ɛ̨ kaa pai pai la, ká káá pai mąąwiɛ ɓɔlɔ hɔlɔɓoi, yai hva haɠa.

Ɉaan 16:32

Lɔwai ta kaa pai həli, aa gbɛamun həli, ka káá pai taɠa-taɠai, ka ɲą́ą́ dɔ̨nɔ̨ nɛ́ɛ́, nu kəlee yɛ li a dee. Kɛlaa ə mą kɛ tii, ɲą́ą́ dɔ̨nɔ̨ hvəə, Ną́n gaa bɔ́.

Mąątɛ̨nɛ̨ 37:40

Yai-Laa a di mąąkpɔn mąąɓo; yɛ di yee la hvólóon, a di kulɔ nu ɲɔ̨nwɔ̨ɔ̨ɠaa yəi; yɛ di ɓalo, mąąhɔlɔɓo, Yai-Laa ɓə di gɛ a di mąąkilɛi.

Piɛrə dɔlɔɔ 3:22

yai tɛi ə mo yələkɔlɔn ɉu, ə hee Yálá ɓa-mįi-yee hu pələ, a yai, malakaɠaa, hééɓolaa kəlee da hvaŋą laa kəlee kaa ɲee mu.

Timote veelɛ 4:17

Gu Ną́mu nwɛi, ə tɔɔ búlú, ə hvaŋą tɛɛ bɔ́, ə gɛ, ɲą́ą́ bɔ́ pələ, nwɛlɛɛ woo laa ə həli, huwu takpɛliɠaa di mɛ̨n. Ɛlɛɛ, ŋį́ kulɔ yala hvulúmąą la.

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.

Azaya 58:9

Ya Yai-Laa təli nąąlɔwai, a ə́ woo muhon, ya tómą bɔ pələ, gaa pai kɛ́ yɛ́: «ɲą́ą́ ga.» Ya wɛa mɛ̨nį kulɔ ə́ yəi bɛlɛ́n, da nu mąą ɲɔw mɛ̨nį, da woo ɲɔ̨n ɉaa mɛ̨nį nu ɓa.

Ɉaan 12:43

Nuą tii di wɛi, mąąwiɛlaai a həɠə nuą pɔ, ya ɓə di kɛi gwɛli, ə tɛɛ yii a həɠə Yálá yəi mą.

Ɉaan 5:44

Nuą di wɔ mąątɛ̨nɛ̨ ɓə ka gwɛli, ka hvo Yálá nwɛi pɔ. Ka pɛli ka laa pələ kɛ ləi ná?

Zôo 12:4

Ŋą́ą́ kɛ a mɛlaa di wɔ yɛlɛ mąą hɛn. Ɲą́ą́i kɛi Yálá təli ə gɛ ə nwóó pulu pənə. Tələnmomun yii hɔn və mą, aa kɛ a yɛnɛ̨ɛ̨ nuą di wɔ yɛlɛ kulɔ ɉu hɛn.

Mąątɛ̨nɛ̨ 18:15

Ə nwɔ mɛ̨ɛ̨kɔwɠaai pili pələ kəlee pɔ, yɛ mąlą-mąlą kulɔ kɛɛnąą kəlee.

Zôo 5:19

A ə́ kulɔ mɛ̨nį ɲɔ̨n gəlee hu gee mɛ̨i mɛ̨ida, mɛ̨ihveelɛ naa, mɛ̨nį ɲɔ̨n ɲee hva kɛa pɛli yɛ́.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Swiv nou:

Lyen patwone

Piblisite

Piblisite