Mąątɛ̨nɛ̨ 90:2 - Yálá laawoo hɛɓɛ (dc)

² Gɛɛ hvó yeeɠaa tɔɔ, hvó lɔi kpalan naa, da yɛnɛ̨ɛ̨ bili-pili gee mɛ̨i, wɔ́lɔ́ wɔ́lɔ́ ɓa, wɔlɔ-wɔlɔ ɓa, Yɛ́ lɔ ɓə ɓaa a Yálá.

Yálá laawoo hɛɓɛ

² Gɛɛ hvó yeeɠaa tɔɔ, hvó lɔi kpalan naa, da yɛnɛ̨ɛ̨ bili-pili gee mɛ̨i, wɔ́lɔ́ wɔ́lɔ́ ɓa, wɔlɔ-wɔlɔ ɓa, Yɛ́ lɔ ɓə ɓaa a Yálá.

Bible

² Í lɛ́ɛ pâi ǹyée kpaya-kpayai kpɛtɛ̂i, kpaa máŋ ǹɔii da ŋ̀éniɛi, íkaa nɔ́ a Ɣâla wɔ́lɔ-wɔlɔ da wɔ́lɔ-wɔlɔ. Yá nɔ́ ƃa Ŋ̀ɔlɔ-wɔlɔ da wɔ́lɔ-wɔlɔ Ɣalai.

Mąątɛ̨nɛ̨ 90:2 Referans Kwoze

Hebreu 13:8

Jesus Kristə kaa lɔ a gɛ pələ yələ kəlee, wɛi, háákələi, ə lɛɛ ɉu, wɔlɔ-wɔlɔ ɓa.

Zɛnɛse 1:1

Yálá ə gbɛa tɔlɔɔ yələkɔlɔn da lɔi di pɛli.

M̀ɛni-lɛɛi 1:8

Ɲą́ą́ ɓə a dɔlɔɔ, ɛlɛɛ, a gbɛlai, Hééɓo laa Kəlee Nąmu Yálá woo li! Yai kɛ laa, yai laa Yiihu, ɛlɛɛ, yai pai, yai a Hééɓomun.

Mąątɛ̨nɛ̨ 93:2

Ə həɠə gɔwɔ tɔɔ yələ ɓa, ə́ wɔ tɔɔkpəlin hvilɛn ŋąą kpɔ gbilin, wɔlɔ-wɔlɔ ɓa wɔlɔ-wɔlɔ ɓa, Yɛ́ lɔ ɓə laa.

Habakukə 1:12

Yai-Laa ə həɠə kpɔ yɛnɛ̨ɛ̨ pɛli yələ ɓa, ə həli la yiihu ɓa, kɛlaa yɛ́ lɔ ɓə a nwɔ́ Yálá? Nwɔ Yálá mąąhəɠɛɛ, yili ɓa ku hvo pai haai! Yai-Laa, yɛ́ ɓə a ku mą́ą́kpɛ kwɛni. Yɛ́ ɓə nuą tii həɠə ɉu, ə́ di kɛ a ku hutɔɔ hvaɠa, di ə́ nwąną kulɔ kuɔ.

Mąątɛ̨nɛ̨ 33:9

A mɛ̨nį ɓo lɔ, bɔ mɛ̨nį ə kɛ, ə kɛ lɔ diɛ: «'Ka kɛ», gəlee daa mą kɛ.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Azaya 44:6

Israɛlə nwɔ Mɛ̨nį Kəlee ŋą Hééɓomun Yai-Laa, woo ka, yai a Israɛlə nwun mąąɓomun, Yai-Laa, huwalawala kəlee Nąmu, yɛ diɛ: ɲą́ą́ ɓə a dɔlɔɔ, ɲą́ą́ ɓə a ɲąąkpɛɛi, ə kulɔ ɲą́ą́ búlu, yálá takpɛli hvo laa.

Zôo 15:7

Ə́ kaa mɔ̨ɔ̨ a Adamə, yaai di gulɔ nu kəlee tɔwɔ? Di ə́ kaa mɔ̨ɔ̨ yeeɠaa tɔwɔ?

Mąątɛ̨nɛ̨ 146:6

Ya ɓə Yələ kɔ́lɔn da lɔi di pɛli, gboloyá, da di hu hɛnŋąą kəlee, ə ɓo lɔ yələ kəlee, a tɛ̨ą mąąkɔ̨nwɔ̨ mun.

Mąątɛ̨nɛ̨ 103:17

Kɛlaa Yai-Laa nwɔ wɛlikɛmąąlaa kaa a yələ kəlee mɛ̨nį, nuąi da mąąwiɛ di mɛ̨i; ɛlɛɛ, a yiliɠaai lonnii di wɔ lonnii hon a wɛlikɛmąąlaa;

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Azaya 45:22

'Ka ka ɲɛ̨i tínɛ̨n bɔ́ pələ, ka ɓalo, kaai kpɔ tii lɔi hɔ̨nwɔ̨n ɉu kəlee ɓa, mąąhɔlɔɓo, ɲąą ɓə gáá a Yálá, dakpɛli hvo laa.

Lɛɛ gbɔwɔ ɓa 8:6

Tɔɔmun yɛ Moisə ɓa: «Tinąą.» Moisə yɛ mą: «Ŋą́ą́ mɛ̨n, bələi tii ə́ mo la, gáá gɛi tii, ə gɛ, ə́ kili ə pu ɉu yɛ́, nu lɔpee ta hvo laa, yii gaa yɛ Yai-Laa ku wɔ Yálái.

Zôo 36:26

Yálá kɛnɛ̨ pələ mąąkpɛɛ, gu hva pɛli gbaɠala kaa, nu hva pɛli nwɔ kwɛlan nonon ɉii.

Mąątɛ̨nɛ̨ 102:13

Kɛlaa, Ə́ wɛi, Yai-Laa, Ə́ kaa lɔ a Heeɓomun a yələ kəlee, Ə́ kili ə ɓo lɔ nuą ɲą a kwɛlan gəlee.

Danîa 7:9

Ɲɛ́i ə lɛɛ lɔ laa, di tɔɔ kpəlinŋaa hvilɛn, hulɔgolo pɔlɔ-pɔlɔ. Ta ə pa ə hee ɉu. Ɉulɔgoloi tii mąą həɠə kwəlɛɛ kɛ yɛ wee kwələ, nwun nəɠa yɛ ɓo yɛ yee hunwɔ. Nwɔ tɔɔ kpəlin yɛ ɓo yɛ nwɔ̨n nən. Gɔwɔɠaa diɛ ɓo yɛ nwɔ̨n dəŋą.