Mąątɛ̨nɛ̨ 89:3 - Yálá laawoo hɛɓɛ (dc)

³ A tɛ̨ą, gáá kpɔ moi, gɛ́ diɛ: «Ə́ wɔ mɛ́ni lɛlɛ pələ hvilɛn ŋąąi kpɔ tin tin, yá ə́ wɔ tɛ̨ą mɛ̨nį hee yələkɔlɔn ɉu a yələ kəlee.»

Yálá laawoo hɛɓɛ

³ A tɛ̨ą, gáá kpɔ moi, gɛ́ diɛ: «Ə́ wɔ mɛ́ni lɛlɛ pələ hvilɛn ŋąąi kpɔ tin tin, yá ə́ wɔ tɛ̨ą mɛ̨nį hee yələkɔlɔn ɉu a yələ kəlee.»

Bible

³ Í mò yɛ̂i, “Ŋá kpanaŋ-woo kɛ̀ ǹúui yêei ŋá zìɣe zui. Ŋá ŋ́gono tèe ŋátii kɛ́-nuui Deeƃé yêei,

Mąątɛ̨nɛ̨ 89:3 Referans Kwoze

Mąątɛ̨nɛ̨ 132:11

Yai-Laa ə nwoo kwɛlɛ Davidə ɓa, tɛ̨ą li, hvo pai həɠəi nwoo pulu, ə kɛ mą: «Ə́ kwəi lon da ɓə, gáá pai ɉeei ə́ wɔ tɔɔkpəlin mɛ̨i,

Gɛlaɠaa 2:30

Kɛlaa, ə kɛ a Yálá kwəi mɛ̨nį hukulɔ mun, gili ə kɛ kpɔ ɉu yɛ diɛ, Yálá aa nwoo kwɛlɛ mą, aa gwɛla yɛ mą: gáá pai ə́ huwu ta heei ə́ wɔ tɔɔ kpəlin hu.

Mąątɛ̨nɛ̨ 89:28

Ɲą́ą́n gáá pai gɛi a non nupɔlɔ laamun; a yɛnɛ̨ɛ̨ heeɓoɠaa kəlee di wɔ Heeɓomun Gɛnɛ̨ yɛnɛ̨ɛ̨ nąą kəlee.

Tɔɔɓɛlaa dɔlɔɔ 8:16

Ə kɛ ną́n ma: ‹Ə həɠə volói ŋɛ̨i ə nwɔ nu huwu Israɛlə kulɔ la Eziptə lɔi hu ɓa, və́ kɛi taa ta həɠə ɉu Israɛlə nuą lɔwai ɓɛi ŋą pɛlɛ́ tɔɔ laa a náá mąąwiɛ pɛlɛ́. Kɛlaa ŋą́ Davidə həɠə ɉu ŋą́ ɉee nwɔ́ nu huwu Israɛlə nwun na.›

Samia Veerɛi 23:5

Kɛlɛi bələ ɓə Yálá ə gɛ la a nwɔ́ pɛlɛ́i! Mąąhɔlɔɓo, mįnɛ̨i kwa yaa ku ɉəɠə, ga ma a yələ kəlee da nwɔɔ, da bɔ liɛwooɠaai a mɛ̨i kaa. Mɛ̨nįi lɔpee gəlee hu, a yee tɛɛ mąą tɛɛ bɔ́, ə mą kɛ nííɓa mɛ̨nį hu, ya ɓə a gəlee hu nɛɛ mą́ą́.

Hebreu 7:21

Jesus nwɛi, kwɛla mɛ̨nį ə kɛ ɉu, gu Nąmu ə gwɛla mąą mɛ̨nį hu, yɛ mą: mɛ̨nįi ŋą́ mo hva ɉəɠəi mą: «Ə́ kaa a ɉaláá laa həli mun, a yələ kəlee mɛ̨nį.»

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Samia Veerɛi 3:9

Yálá ə Avnɛrə hon a pələi lɔpee, akɛ mɛ̨nįi Yai-Laa ə gwɛla la Davidə ɓa, ŋą́ wala gɛ ma.

Maafîu 3:17

Woo ta ə kulɔ yələkɔlɔn ɉu, yɛ mą: «Nui ŋɛ̨i kaa a nííɓa Lon, ŋą́ą́ nííɓa mɛ̨nįɠaa kəlee lɛɛ mą.»

Ɉeremi 30:9

Yai-Laa di wɔ Yálái ɓə di kaa pai tí mą, Davidə ə ɓo a di wɔ tɔɔmun yai gáá pai ɉeei di nwun na.

Mąątɛ̨nɛ̨ 89:39

Kɛlaa, ə́ wɔ nui ə́ ɉəɠə ɉu, yɛ́ ɓə ə́ pulu tɔɔ mą, ə́ mɛlɛkpɛɛ mą, yɛ́ ə́ liiholi bɔ,

Mąątɛ̨nɛ̨ 78:70

Ə nwɔ tímun Davidə həɠə ɉu a níiɓamun, ə ɉəɠə taatɛlɛɛ kumun ɉu;

Azaya 42:1

Nwɔ́ tímun ga, yai dɔ́ɔ́ bulu, ŋą́ ɉəɠə mɛlaa lɔwai, gbíni ɓa mun ni, ya ɓə ŋą́ nwɔ́ Nį́i too ɉu, gaa pai hįį takpɛliɠaa di wɔ kiti mɛ̨nį kulɔi pɔ̨nɔ̨ŋą.

Mąątɛ̨nɛ̨ 89:19

Ku mąąkpɛ gbala kaa ə́ yee, Yai-Laa! Ku wɔ tɔɔmun ə ɓo, Israɛlə nwɔ Mąąhəɠə mun yee kɔ́nma.

Nwun mąąɓo 2:1

Yai-Laa nwɔ malaka ə həɠə Gilgalə, ə pa Bokimə, yɛ Israɛlə lonnii diɛ: «Ɲą́ą́ ɓə ka kulɔ Eziptə lɔi hu, ŋą́ pa a kaa nɔi ŋɛ̨i hu, yai ŋą́ naakwɛlanmo ka kalaɓɔlɔni diɛ. Ŋą́ mo diɛ, gɛ́ diɛ, mįnɛ̨i gu lɔwai, vá gala.