Mąątɛ̨nɛ̨ 89:18 - Yálá laawoo hɛɓɛ (dc)

¹⁸ A tɛ̨ą, yɛ́ ɓə a di wɔ huwalawalalaai hɛn da hva tɔɔ na. Yɛ́ ku ɲɛ̨i pono a ə́ yəi mɛ̨inɛ̨ɛ̨ɠaa.

Yálá laawoo hɛɓɛ

¹⁸ A tɛ̨ą, yɛ́ ɓə a di wɔ huwalawalalaai hɛn da hva tɔɔ na. Yɛ́ ku ɲɛ̨i pono a ə́ yəi mɛ̨inɛ̨ɛ̨ɠaa.

Bible

¹⁸ Óo Yâwɛɛ, yá ƃa kúmaa kɔ̃ɔ-nuui. Eezuɛ Ŋɔɣâla Maa Waai, yá ƃe kúkâloŋ tɛ̀ɛ kúpɔ.

Mąątɛ̨nɛ̨ 89:18 Referans Kwoze

Mąątɛ̨nɛ̨ 47:9

Yálá kaa heeni lɔiɠaa nwun mɛ̨i, Yálá aa hee nwɔ tɔɔkpəli mąąhəɠɛɛi hu.

Mąątɛ̨nɛ̨ 71:22

Mąą yələi tii, gáá pai ɲéé pui nwɔ́ bɛlɛgwəi gwɛnįn ɲą, gɛ́ ə́ laa tɛ, nwɔ́ Yálá, yɛ́ ká ə́ wɔ wɛlikɛmąąlaai; gɛ́ nwɔ́ gwɛnįn yɔw ə́ mąą mɛ̨nį ɓa, yɛ́i a Israɛlə nwɔ Yálá mąąhəɠɛɛi.

Azaya 33:22

Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.

Azaya 43:3

Mąąhɔlɔɓo, ɲą́ą́i a Yai-Laa, ə́ wɔ Yálá ɓaa a ɲą́ą́, Israɛlə nwɔ Mąąhəɠəmun, ə́ nwun mąąɓomun. Ŋą́ Eziptə kɛ a ə́ mąąhaláá hɛn, gɛ́ ə́ nwun mąąɓo la, ŋį́ Nubi da Seva di tɛɛ a ə́ mąąhvalin;

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Azaya 1:4

Kpalo ɓɛlaa yɛ́, nɛ̨ŋɛ̨n ɉəɠə lɔi, a nwąnąlɔ nu huwui tii; a ɉįi túwɔ́ pələ ɲɔ̨nwɔ̨ɔ̨ ti; Ka mɛ̨nį ɲɔ̨n gɛ nuą lonnii ŋɛ̨i, kaa həɠə Yai-Laa pulu, kaa Israɛlə nwɔ Mąąhəɠəmun mɛlɛ too, kaa ka pulu tɔɔ mą.

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Azaya 43:14

Yai-Laa woo ka, yai a ka nwun mąąɓo, Israɛlə nwɔ Mąąhəɠəmun, yɛ diɛ: Gáá kɔ́ pɛlɛi Babilonə ɓa, ka mąą mɛ̨nį ɓa, gɛ́ nąą nuą kəlee kɛ a nuąi da pu kɔ́ tɔwɔ, a tɛ̨ą, Kalde nuą kaa pai kɛi pui; kələnŋąą hu, ɓɛi di yee looa wooɠaa ə kɛi tɔɔ laa a kwəinɛ̨ɛ̨.

Azaya 29:19

Yili pulu, kpɔwɔ mąąyɛɛ nuą diɛ di kwəinɛ̨ɛ̨ Yai-Laa laa hu, ɛlɛɛ yeehowolo nuą diɛ ɓələn, Israɛlə nwɔ Mąąhəɠəmun mąą mɛ̨nį ɓa.

Mąątɛ̨nɛ̨ 44:4

Di wɔ kɔ-kɔ-ɓɔwa hvə nɔi tɛɛ di pɔ, di wɔ kuláálaa vəi gɔ́ nɛ̨ɛ̨ diɛ; kɛlaa, ə́ yee hvąŋą kɛnɛ̨i ɓə, ə́ yee kɔ̨nwɔ̨n mə, ə́ ɲɛ̨́ilai nwɔ nwɔ̨n nən ɓə, mąąhɔlɔɓo, di wɛli ə kɛ yɛ́.

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Azaya 30:11

'Ka həɠə bələ mɛ̨i, 'ka bələ mąą laa, 'ka Israɛlə nwɔ Mąąhəɠə mun həɠə ku ɲɛ̨i mu.»

Mąątɛ̨nɛ̨ 62:6

A tɛ̨ą, níi wolo, hee kpɔ a ə́ wəli pulu layiɛ, Yálá kwɛlɛ tai, ya ɓə gílitɔɔ mą.

Samuɛlə dɔlɔɔ 2:1

Anə ə Yálá hvɛli yɛ mą: Yai-Laa nwɔ lúwɔ́ haalai, gwə́inɛ̨ɛ̨i; Yai-Laa nwɔ lúwɔ́ haalai, ŋą́ą́ nwún muhəɠə, Gɛ́ pɛli yɛ́lɛ́i ɲówoɠaa diɛ. Gwə́inɛ̨ɛ̨i! Yálá aa kpɔnmąą tɛɛ bɔ́.

Mąątɛ̨nɛ̨ 148:14

Aa nwɔ nu huwui hvaŋą tɛ, aa ɲɛ̨i pɔ̨nɔ̨, ɲee pɔnuą kəlee nwun muhəɠə mɛ̨nį li, diɛi ɓaa a Israɛlə lonnii, a nu huwui tii nɛɠɛɛ mą. 'Kánikookwəi!