Mąątɛ̨nɛ̨ 89:15 - Yálá laawoo hɛɓɛ (dc)

¹⁵ Ə́ wɔ tɔɔkpəlin hvilɛn ŋąą tələnmolaa da tɛ̨ą di mɛ̨i; wɛlikɛmąąlaa da tɛ̨ą mɛ̨nį diɛ hiɛ ə́ ɲɛ̨i ɓa.

Yálá laawoo hɛɓɛ

¹⁵ Ə́ wɔ tɔɔkpəlin hvilɛn ŋąą tələnmolaa da tɛ̨ą di mɛ̨i; wɛlikɛmąąlaa da tɛ̨ą mɛ̨nį diɛ hiɛ ə́ ɲɛ̨i ɓa.

Bible

¹⁵ Lûwa káa diai dîa da laa maa tɛ̂ wule-ŋa too yâ díkɛ ífɛ̀lii.

Mąątɛ̨nɛ̨ 89:15 Referans Kwoze

Mąątɛ̨nɛ̨ 44:3

Ə́ yee ə lɔiɠaa kulɔ, di nąmįną yəi, yɛ́ ku nąnni hee laa, ə́ lɔiɠaa mɔ̨nɔ̨ɓo, yɛ́ pɛli ku nąnni heei kulɔi a nɛlɛɛ.

Mąątɛ̨nɛ̨ 4:6

Ɉaláái dɔn ə ɉuhvɛli, 'ka gulɔ a tələnmolaa, ɛlɛɛ, 'ka ka kilitɔɔ Yai-Laa ɓa.

Zôo 29:3

Ɓɛlɔwai Yálá nwɔ labon ə kɛi lən na nwún mɛ̨i, ɓɛlɔwai ŋį́ kɛi hiɛ la a kpinį, Yálá nwɔ kɛɛ pɔ̨nɔ̨i yɛ dénən dɔɔ.

Gɛlaɠaa 2:28

Bələi nu ya tɛɛ la ə́ yɛnɛ̨ɛ̨ kɛ, yaa yili lɛ mą́ą́, ya kɛ gwɛ́lɛ, yili ɓə a nááhvɛɛ a kwəinɛ̨ɛ̨.›

Azaya 2:5

Kaai ɓaa a Ɉakɔbə nwɔ pɛ́lɛ́i, 'ka tɛɛ ka gwə li, ka gu bɛlɛ gee ɓa, gu hiɛ Yai-Laa nwɔ kɛɛ pɔ̨nɔ̨i hu.

Mąątɛ̨nɛ̨ 100:1

Yálá hɛɠɛɛɓo wələ. Yɛnɛ̨ɛ̨ nąą kəlee, 'ka ka yee lɔwa Yai-Laa ɓa.

Lonon mo 6:26

Yai-Laa ə ɲɛ̨i pili ka mɛ̨i, ə liilaa tɛɛ ka pɔ.›

Lonon mo 23:21

Və́ mɛ̨nį ɲąąnwąnąą kaai Ɉakɔbə pɔɔli. Və́ mɔ̨nɔ̨ kaai Israɛlə nwɔ lɔi hu. Yai-Laa yai a nwɔ Yálá, gaa bulu, di kaa di yee lɔwai mą yɛ tɔɔmun.

Lonon mo 10:10

Ka wɔ hɛli hvólóɠaa, da ka wɔ ɲąnin nįnɛ̨ nwɔ hɛliɠaa, a wala kɛ tii hɛli mąąwiɛi takpɛliɠaa hu, ɓɛlɔwai ka kɛi haláá hɛn gələn na, kaa nɛ̨ɛ̨yɔwɔ laa haláá kulɔ, ka dúlúɠaai tii hvɛɛ, ə gɛ ka ka nąą kili too la Yai-Laa ka wɔ Yálái ŋą. Ɲą́ą́ Yai-Laa ka wɔ Yálá.»

Levetekɔ 25:9

Yili pulu, ɲąnin mɛ̨ihveelɛnąą nwɔ hvóló pow yələ yii gaa a nɛ̨ŋɛ̨n mąą hvaalɛɛ hvóló, ka túlú hvɛɛ ka wɔ lɔi nąą kɔ́lɔ kəlee.

M̀ɛni-lɛɛi 21:23

Daa-lee tii mąą kpaan və kɛ hvóló ɓa, ə mą kɛ, ɲąnįn, ɉu pono mɛ̨nį ɓa, gbala ə tɔɔ, Yálá ŋą mąąwiɛlaa ə kɛli ɉu pono, ɛlɛɛ, ŋą kpalan nən maa a Mɛlaa Lon.

Lomaŋ 10:18

Akɛti nuąi di hvo laa na, di hvo mɔ̨ɔ̨ nwɛlɛɛ lɛlɛɛi ti mɛ̨n? Kɛlaa di mɛ̨n gbɔ! Yɛ bələi Yálá lawoo hɛɓɛ́ kaa moi la yɛ diɛ: Di woo ə həli yɛnɛ̨ɛ̨ nąą kəlee, di wɔ kalan gɛ woo ə həli lɔi kpɛlai.

Lomaŋ 10:15

Nu ta a pɛli naa həlii ləi, akɛ, di hvo dɔɔ li? Yɛ bələi Yálá lawoo hɛɓɛ́ ə mo la, yɛ diɛ: «Nuąi nwɛlɛɛ lɛlɛɛ laa həli, di kɔ́wɔ lɛlɛɛi di mu.»

Hanwon 16:15

Tɔɔmun a yɛlɛ, yɛnɛ̨ɛ̨ nɛ̨ɛ̨ li, a ɲɛ̨i lɛlɛɛ hee nu ɓa, a kɛ yɛ weewaa tulɔ.

Mąątɛ̨nɛ̨ 90:6

a powa yələwala pɔ, mąą yɛ hvalin, yələwulii pɔ, ə yohva, ə kpala.

Mąątɛ̨nɛ̨ 97:2

Mąątinɛ̨ŋąąi a kpinį da tulɔ kpinįn, tələnmolaa da tɛ̨ą ɓə a nwɔ tɔɔ kpəlin kɔ́wɔ hvilɛn ɉɛn.