Mąątɛ̨nɛ̨ 89:1 - Yálá laawoo hɛɓɛ (dc)

¹ Ɛzra mun Etan nwɔ nu mąąkwɛli woo.

Yálá laawoo hɛɓɛ

¹ Ɛzra mun Etan nwɔ nu mąąkwɛli woo.

Bible

¹ Óo Yâwɛɛ, ŋa pâi kɛ̂i nɔ́ wule toôi é pîlaŋ íwɔlɔ-wɔlɔ wɛli kɛ-maai ma a ɣele kélee. Ŋa pâi kɛ̂i nɔ́ íteniŋ ƃô-laai maa tûŋ toôi kúlônii da díwɔ̂ lonii-ŋai dîa.

Mąątɛ̨nɛ̨ 89:1 Referans Kwoze

Mąątɛ̨nɛ̨ 101:1

Davidə nwɔ hvɛ́li woo. Gáá bɔ ŋą wɛlikɛmąąlaa da kítí hąŋąą, di mąątɛ̨nɛ̨ wələ too, gɛ́ hvɛli kɛ Yɛ́, Yɛ́i a Yai-Laa.

Mąątɛ̨nɛ̨ 119:90

Ə́ haŋąąi a yələ kəlee, ə́ lɔi laa, ɛlɛɛ gaa lɔ naai.

Woolaa 3:23

Di gaa lɔ a di nįnɛ̨ yələwala kəlee. Yai-Laa! Ə́ wɔ kulɔ nwoo ɓalaa hu kɛnɛ̨i

Mąątɛ̨nɛ̨ 89:8

Nu mąąhəɠɛɛɠaa di wɔ ɲąąkpɔn hu, da ɲɔw Yálá ɓa diɛ nwumɛ̨ mą, ɲɛ̨i mąą ɲɔwuɔi dɛɛ hɛn kpɔ gwɛlɛ gəlee diɛ.

Mąątɛ̨nɛ̨ 89:33

ŋą di wɔ kulɔ nwoo mu laai hutɔɔ a hvaɠa, ŋį́ di wɔ mɛ̨nį ɲɔ̨n kulɔ di hu a kɛlɛɓo,

Mąątɛ̨nɛ̨ 36:5

A kɛ ɲəi gbin ɲą, mɛ̨nį ɲɔ̨n nɔ ɓə gɛ gili a too gwəi, ganąnŋąą pələ ɲɔ̨nwɔ̨ɔ̨ ɓa a wəlii kpɔlɔlaa; hva gɛ hvo ɲee kulɔ mɛ̨nį ɲɔ̨n ɉu.

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

Mąątɛ̨nɛ̨ 106:1

'Kánikookwəi! 'Ka Yai-Laa laa tɛ, mąąhɔlɔɓo nwɔ mɛ̨nį lɛlɛɛi nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 89:49

Gbɛɛ ɓə a pɛli yɛnɛ̨ɛ̨ kɛi, hva haa, gbɛɛ a pɛli gbɔwɔ kulɔi ɲąmuą taa yeei?

Mąątɛ̨nɛ̨ 92:2

Mɛ̨nį ɲąąnɛ̨ɛ̨ ɓaa a Yai-Laa laa tɛ mɛ̨nį, ɛlɛɛ, guɔi Ə́ laa toɔ a wələ ɲąąnɛ̨ɛ̨ ɓə tai, Hɛn Gəlee Mɛ̨imun Yálá!

Mąątɛ̨nɛ̨ 71:8

Ə́ mąątɛ̨nɛ̨ woo lɔ ɓə ná, gɛ́ túwɔ ə́ mąąwiɛ mɛ̨ni noloɓoi a yələ kəlee.

Mąątɛ̨nɛ̨ 89:24

Mąąhɔlɔɓo, gáá pai ɲowoɠaa hu taɠai dɔwɔ, nuąi da wɛlikpɛɛmąąlaa kulɔ la, gɛ́ di kɛlɛ.

Mąątɛ̨nɛ̨ 59:16

Di kaa lia tɛɛ lɔ ɉu-ɉu, diɛ di kɔ̨nɔ̨n gwɛli, da wala pilɛ, da yíi lɔ hvaai di nwun ɉu.

Mise 7:20

Ə́ kaa pai Ɉakɔbə hon ɉii a wɛlikɛmąąlaa, Yɛ́ Abrahamə kɔ́ a ə́ wɔ nɛ̨ɛ̨laa; yili ɓə ə́ mo ku nąnni diɛ, Yɛ́ ə́ kwɛla ɉu kpɔ a tɔwɔ-tɔwɔ yələɠaa.

Azaya 25:1

Yai-Laa! Yɛ́ ɓə a nwɔ́ Yálá, gáá Ə́ laa mąąwiɛi, gɛ́ Ə́ laa too a wələ, mąąhɔlɔɓo, mɛ̨nįɠaai kpɔ wɔlɔ, Ə́ gili tee Ə́ kwəi, Yáá gəlee pɔ mɛ̨nį kɛ, dai lɔpee mąą hvo hvalin ni.

Mąątɛ̨nɛ̨ 88:11

Akɛtii, Yá pɛli kwɛlɛɛn mɛ̨nį ta kɛi haa nuą mąą mɛ̨nį hu? Haa nuą da mɔ̨ɔ̨ pɛli nwun ɉii, diɛ ə́ Laa mąąwiyɛ?

Kɔlɔnikɔ Maa-ŋuŋ 2:6

Zera lonnii laa ka: Zimri, Etan, Heman, Kalkolə da Dara; di kɛ a nu lɔɔli.

Tɔɔɓɛlaa dɔlɔɔ 5:11

Gili kɛnɛ̨ɛ̨i kɛ dɛɛ gilimąą nuąi diɛ, dɛɛ Ɛzra mun Etan ɓa, dɛɛ Heman ɓa, dɛɛ Kalkolə ɓa da Darda; diɛi kɛ a Maholə lonnii. Salomɔn laa ə tɛ gwɛlɛ lɔiɠaa kəlee hu.