Mąątɛ̨nɛ̨ 86:10 - Yálá laawoo hɛɓɛ (dc)

¹⁰ Mąąhɔlɔɓo ə́ kɛnɛ̨i, yɛ́ kpalo mɛ̨nįɠaa kɛ, yɛ́ kɔw tanɔ̨n gbən lɔ ɓə Ə́ kaa a Yálá.

Yálá laawoo hɛɓɛ

¹⁰ Mąąhɔlɔɓo ə́ kɛnɛ̨i, yɛ́ kpalo mɛ̨nįɠaa kɛ, yɛ́ kɔw tanɔ̨n gbən lɔ ɓə Ə́ kaa a Yálá.

Bible

¹⁰ Íwala-walaai, íkɛ mɛni kpaya-kpaya ŋa kɛ̀. Ya tɔnɔ kpéŋ ƃa Ɣâla.

Mąątɛ̨nɛ̨ 86:10 Referans Kwoze

Markə 12:29

Jesus ə nwoo pulu pənə, yɛ mą: «Dɔ́n yii gɛnɛ̨ ɓa ya ka: ‹Israɛlə ə́ wɛli tɔɔ, gu Ną́mu Yálá ɓə gaa a Yálá tɔ̨nɔ̨ gbən.

Azaya 37:16

«Yai-Laa Mɛ̨nį Kəlee ŋą Hééɓomun, Israɛlə nwɔ Yálá yɛ́i heenin mąąkpɛ malakaɠaa lɔwai, yɛ́ tanɔ̨n gbən ɓə ɓaa a yɛnɛ̨ɛ̨ tɔɔlaaɠaa kəlee di wɔ Yálá, yɛ́ ɓə yələ kɔ́lɔn da lɔi di pəli.

Mąątɛ̨nɛ̨ 72:18

Mąąwiɛ ə kɛ Yai-Laa Israɛlə nwɔ Yálái ɓa; yaa tɔ̨nɔ̨ lɔ ɓə a kpalo mɛ̨nį kɛ.

Korɛntə dɔlɔɔ 8:4

Akɛtii, huwɔi daa gulɔ a haláá hali ɓa, gwa pɛli da mįi? Gu gɔlɔn guɔ, hali lɔpee ta hvo yɛnɛ̨ɛ̨, ɛlɛɛ, yálá takpɛli hvo laa, ə kulɔ Yálá yaa tanɔ̨n gbən bulu.

Dutɛrɔnome 32:39

Ka ka ɲɛ̨i hee kani, yiihu, ɲą́ą́ lɔ ɓə, ɲą́ą́ dɔ̨nɔ̨ gbən nɔ ɓə, kwa hɛn da ku hvo kpɔn ni ma. Ɲą́ą́ ɓə ŋą́ nu paa, Ɲą́ą́ ɓə ŋą́ nu lɛɛ yɛnɛ̨ɛ̨. Ŋą́ nwolo, ɲą́ą́ ɓə ŋą́ dɔɔ; Nu hvo mą, yii a gulɔ ɲə́i.

Lɛɛ gbɔwɔ ɓa 15:11

Yai-Laa, yáláɠaa lɔwai gbɛɛ gaa yɛ Yɛ́? Gbɛɛ ɓə gaa yɛ Yɛ́ mąąhəɠəlaa hu! Gɛ mɛ̨nįɠaa kɛnɛ̨ pələ mąąɲɔwuɔi, yɛ pɛli kwɛlɛɛn mɛ̨nįɠaa kɛi?

Azaya 37:20

Kɛlaa, Ə́ wɛi, Yai-Laa, ku wɔ Yálá, ku kulɔ ɲəi, ə gɛ yɛnɛ̨ɛ̨ tɔɔlɔiɠaa kəlee di pɛli ɉu kɔ́lɔn ɉi diɛ kɛ, yɛ́ tɔ̨nɔ̨ lɔ ɓaa a Yai-Laa.»

Ifisiɛŋ 4:6

Yálá tanɔ̨n, a nu kəlee Nąn, ə ɓo nu kəlee mɛ̨i, yɛ gɛ mɛ̨nį kɛ nu kəlee hu, ɉeɛ nu kəlee hu.

Gɛlaɠaa 4:30

Ə yee haŋą, ə gɛ, kpalo mɛ̨nį da kwəi pilimąą mɛ̨nįɠaa di kɛ ə́ nwɔ tímun Jesus laa hu.»

Mąątɛ̨nɛ̨ 86:8

Nwɔ́ mɛ̨nį Nąmu, yáláɠaa lɔwai, nɛlɛ kpɔ kpɔɔ ɓə gulaa yɛ́, Yálá! Ə́ kɛ mɛ̨nįɠaa, gɔɔn mąą hvo laa.

Zôo 11:7

Gaa ə́ kwəi ə́ Yálá kwəi kili kɛnɛ̨ pələ kɔ́lɔn, yɛ́ kɛ ə́ Huwalawala Kəlee Nąmu, nwɔ kiliŋąhiɛɠaa kɔ́lɔn?

Hebreu 2:4

Ɛlɛɛ, Yálá kpinįi ə nuą ti di wɔ kɛla woo lɛ a tɛ̨ą, a kwəi pili mąą mɛ̨nįɠaa, da kpalo mɛ̨nį huwu tamąą, ɛlɛɛ, a Kili-Mąąhəɠɛɛ yəi mɛ̨inɛ̨ɛ̨ɠaai ə ɲąąkwɛlɛ diɛ a niiɓa!

Azaya 45:5

Ɲą́ą́ ɓə gáá a Yai-Laa, dakpɛli hvo laa, ə kulɔ ɲą́ą́ búlu, ɲą́ą́ ɓə! Ə kulɔ ɲą́ą́ búlu, yálá takpɛli hvo laa. Ŋą́ yala tɔɔ ə́ hąą, ya pa hvó gɔ́lɔn.