Mąątɛ̨nɛ̨ 80:13 - Yálá laawoo hɛɓɛ (dc)

¹³ Lə mɛ̨nį ɓa, ə́ nwɔ galaɠaai wolo? Nuąi kpɔ tɛɛi laa, diɛ maɠaa nwuɔ̨?

Yálá laawoo hɛɓɛ

¹³ Lə mɛ̨nį ɓa, ə́ nwɔ galaɠaai wolo? Nuąi kpɔ tɛɛi laa, diɛ maɠaa nwuɔ̨?

Bible

¹³ Lɔɔ ƃoi-ŋa da kɛ́ dáŋ tânii, gɛ́ ƃò a fɛnɛ-sãa kɔ́nɔ̃ŋ.

Mąątɛ̨nɛ̨ 80:13 Referans Kwoze

Ɉeremi 5:6

Yili mąą mɛ̨nį ɓa, yalaɠaa kaa kulɔi gban mu, diɛ wolo diɛ; húlúɠaa diɛ kulɔ gbaalə hu, diɛ di hu kala. Kwɛ́liɠaa diɛ di wɔ taaleeɠaa kwɛlɛ tɛ; hɛn kpɔ a kulɔ taai diɛ ɉu hvala-hvala. Mąąhɔlɔɓo, di wɔ kwɛli tee laa hu lɔ ɓə kɛnɛ̨i, diɛ di pulu tɔɔ la Yálá ɓa.

Ɉeremi 4:7

Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.

Ɉeremi 52:7

Di nɛ̨ɛ̨ mą, di wolo ɓɔ daa mąąkpɛɛ hįį ɓa, gɔ́ kɔ́ nuą kəlee di pu, di kulɔ taai a kwiihąą, bɛlɛ́ nwąną hveelɛ lɔwai kpon gɛɛnąą, tɔɔmun nwɔ nɔw yɛa kwɛlɛ, bələi mąn Kalde nuą daa kɛ daa mąątinɛn na daa doo gee hu. Di ɉon a Ɉurdɛn ɲa-ɓoloon bɔ pələ.

Ɉeremi 51:34

«Babilonə tɔɔmun Nabukodonosorə aa mį́i, aa gbɔ́lɔ kəlee yala ɉú, aa gɛ yɛ kɔ́wɔi da ɉu kɔ́mɔ̨, aa gbələ yɛ yileen, aa goo laa hvɛɛ a nwúlɔ, aa nówó pílii.

Tɔɔɓɛlaa veelɛ 17:20

Yili ɓə gɛ Yai-Laa yɛ Israɛlə huwu kəlee pili, ə di nwumɛ̨, ə di lɔ toomɛ̨i kɛ nuą yəi, ə naa kulɔ kɛa a di kpɛi ə mo ɲɛ̨i mu.

Mąątɛ̨nɛ̨ 89:42

Tɛɛ pələi nuą kəlee diɛ too mɛ̨i, gwɛlɛ nuą diɛ di laa pu ɉu.

Azaya 5:5

Mɛ̨nįi gáá pai gɛi, nwɔ́ viɲə yɛai ɓa, gáá nɛi kaa: galai tii dinɛ̨n ŋąą mą, gáá nwolo teei mą, taatɛlɛɛɠaa di di laa mįi laa, ŋą́ daɠa nuą di hiɛ ɉu.

Izikiɛ 19:12

Kɛlaa, di gulɔ a nwun a lii ɲąnwąną; di doo nɔi ɓa, hvaŋą ə həɠə hvóló kulɔi pələ, ə maɠaa kpala ma; nwonwo kpɛa kpɛaɠaai tii di kpala, nwɔ̨n ə di kələn.

Nahumə 2:3

Mąąhɔlɔɓo, Yai-laa aa Ɉakɔbə nwɔ mąąwiɛi hee ɉeei, yaa kpinįi ɓə gaa a Israɛlə nwɔ mąąwiɛ, toomɛ̨i kɛ nuą daa kɛ ɲəi hɛnŋąą kəlee kulɔ ɲəi, diɛ nwɔ tíiɠaai kəlee hukala.