Mąątɛ̨nɛ̨ 79:10 - Yálá laawoo hɛɓɛ (dc)

¹⁰ Lə mɛ̨nį ɓa hį́i takpɛliɠaa da kɛ kɛi diɛ: «Di wɔ Yálái kaa mį?» Mąąnɛ̨ɛ̨ nuąi tii kili ə pu ɉu ku ɲɛ̨i ɓa, diɛ ə́ wɔ tínuąi tii di di paa, yili gwələ kaa pai kulɔi.

Yálá laawoo hɛɓɛ

¹⁰ Lə mɛ̨nį ɓa hį́i takpɛliɠaa da kɛ kɛi diɛ: «Di wɔ Yálái kaa mį?» Mąąnɛ̨ɛ̨ nuąi tii kili ə pu ɉu ku ɲɛ̨i ɓa, diɛ ə́ wɔ tínuąi tii di di paa, yili gwələ kaa pai kulɔi.

Bible

¹⁰ Lé mɛni ƃé ǹɔii-ŋûŋ-ŋai da kúmarê kɛ̂i la dîyɛɛ “Káɣâlai kɔɔ?” Tɔɔ kú íkaa í ǹɔii-ŋûŋ-ŋai kula maa kɛ́ nyii-ŋai ínûai ŋãa pûi.

Mąątɛ̨nɛ̨ 79:10 Referans Kwoze

Mąątɛ̨nɛ̨ 42:10

Gɛ́ ŋą́ kɛ Yálá ɓa: Mą́ą́kɔ̨nwɔ̨ Kwɛni ɓaa a Yɛ́. «Lə ɓə kɛ yaan, yáá lɛ̨ą mą́ą́? Gɛ́ li a ɲɛ̨́imąąwɛliɛ, ɲówóɠaa diɛ hee ɉú?»

M̀ɛni-lɛɛi 18:20

Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.

Mise 7:10

Ɲówo kaa pai nąą kaai, yɛ nwumɛ̨; yai tii kɛi kɛ mą́ą́: «Ə́ wɔ Yálái Yai-Laa kaa mį?» Ɲɛ̨́i kaa pai tɛɠɛ ɓoi ɉu, di kaa pai dan ɉii yɛ pələ pɔ palaya.

Mąątɛ̨nɛ̨ 115:2

Lɔi takpɛliɠaa di hvo nəi pa tɔɔ diɛ kɛ mąi: «Di wɔ Yálái kaa mįnɛ̨?»

Mąątɛ̨nɛ̨ 94:1

Yai-Laa! Nwąną kulɔ Yálá! 'Ə́ kpɔwɔ lɛ! Nwąną kulɔ Yálá!

Mąątɛ̨nɛ̨ 42:3

Yálá ə́ mąą pulu aa ɉón, Yɛ́i a Yálá hvulúmąą. Lə yələ ɓə ŋą́ pai lɔi la, gɛ́ tɔɔ Yálá lííla?

Lɛɛ gbɔwɔ ɓa 7:5

Eziptə nuą di kaa pai gɔlɔn ɉii diɛ ɲą́ą́ ɓə gáá a Yai-Laa ɓɛlɔwai ŋą́ ɲee haŋą la, gɛ́ nwɔ́ nuąi kulɔ di wɔ lɔi hu.»

Lɛɛ gbɔwɔ ɓa 6:7

Ŋą́ ka kɛ a nwɔ́ nu huwu, ŋį́ kɛ a ka wɔ Yálá. Ka gɔlɔn kaa: Ɲą́ą́ gáá a Yai-Laa, gáá a ka wɔ Yálá, yai ka kulɔ pɔlɔtɛ laa hu Eziptə.

Lomaŋ 12:19

Nwɛ́likɛmąą nuą, ká hvo ka nwąną kulɔ kaa kpinįi. Kɛlaa, ka Yálá lɛɛ laa ə ka nwąną kulɔ. Mąąhɔlɔɓo, Yálá yɛ diɛ: «Ɲą́ą́ ɓə ŋą́ nuą nwąną kulɔ gɛ́ mɛ̨nį kwələ kulɔ.»

Zooɛ 2:17

Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Izikiɛ 36:23

Gáá pai náá kɛnɛ̨ɛi ŋɛ̨i mąąhəɠə pələ lɛi; yai daa mąąliɓi nɔiɠaa hu. A náái tii ka mąąliɓi lɔiɠaa hui; lɔiɠaa kaa kɛa pai gbaɠala kaai, diɛ kɛ, ɲą́ą́ ɓə gáá a Yai-Laa. Mɛ̨nį kəlee ŋą Hééɓomun Yálá woo li. Ɓɛlɔwai gáá pai mą́ą́həɠə pələ lɛi la ká mąą mɛ̨nį hu, di ɲɛ̨i ɓa.

Ɉeremi 51:35

Siɔn nuą ka kɛ diɛ: Nwúmɛ mɛ̨nį da nwɔ́ mąąwɛli mɛ̨nį, ə yɛɛ a Babilonə nwun, Ɉerusalɛmə, mo yɛ́ mą: ‹Ɲą́mą ə yɛɛ a Kalde nuą nwun.›»

Mąątɛ̨nɛ̨ 58:11

Tələnmolon, a nwąną kulɔi kaa, gaa pai kɛi kwəinɛ̨ɛ̨ kulɔi, gaa pai gɔwɔ mąą waai nu ɲɔ̨nŋaa ɲąmą hu.

Mąątɛ̨nɛ̨ 9:16

Hį́i takpɛliɠaa di wɔ lɔwai di dee, diɛ kpinįi, daa too ɉu, maaləi di dɛ, di kɔ́wɔ ɓə kɔ́ la.

Dutɛrɔnome 32:43

Yɛnɛ̨ɛ̨ nąą kəlee ə ɲee lɔwa nwɔ nu huwui ɓa. Mąąhɔlɔɓo, gaa pai nwɔ tínuą nwąną kulɔi, gaa pai nwąną kulɔi gɔyɔwɔɠaa diɛ; Yɛ nwɔ lɔi da nwɔ nuą mąąhəɠə.

Mąątɛ̨nɛ̨ 42:4

Kpinį da hvóló, gáá lɔ ɲɛ̨́iyá hu, gɔ̨nɔ̨n nɔ li, a yələ kəlee; da kɛ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 42:11

Gɔ́lɔ́ kəlee aa kpɔną mą́ą́, ɲówóɠaa diɛ nálán, da tuwɔ lɔ kɛi mą́ą́: «Ə́ wɔ Yálái kaa mįnɛ̨?»

Azaya 64:1

Yɛ nwɔ̨n gaa lɔwɔ kələn ɉi, yɛ nwɔ̨n a kɛli yáɠaa nɛ̨n, əgɛ ə́ yowoɠaa di pɛli ə́ laa kɔ́lɔn ɉi, lɔiɠaa hu a pu kɛ diɛ ə́ tɔwɔ.

Ɉeremi 51:24

Mɔ̨nɔ̨ɠaa kpɔ Babilonə da Kalde nuą di naa Siɔn ɓa, gáá gəlee kwələ kulɔi diɛ ka ɲɛ̨i ɓa. Ɲą́ą́ Yai-Laa nwóó li!

Woolaa 1:22

Gɛ́ di kɛ mɛ̨niɠaa kəlee, di too pɔ̨nɔ̨ŋa ə́ ɲɛ̨i, ə́ ə́ kɛ mɛ̨ni kɛ ɉu, yɛ bələi kpɔlɔɔ ə́ ɉɔn na nwɔ́ túwɔ́ pələ ɲɔ̨nŋaa mąą mɛ̨ni ɓa. Mąąhɔlɔɓo ɲíŋɛ̨ woo kɔ́lɔ hvo haai mą, ɛlɛɛ, níí yɛ ɲɔ̨n gɛ.