Mąątɛ̨nɛ̨ 78:8 - Yálá laawoo hɛɓɛ (dc)

⁸ Ə gɛ di hvo pa nəi kɛ yɛ di nąnni; a nu huwu mąąkwɛli laa walaai tii, a kulɔ nwoo mu nuą, a nu huwui gili mąąhvalin naa nɛ̨ɛ̨, a diɛi di hvo kɛi di kilitɔɔ Yálá ɓa.

Yálá laawoo hɛɓɛ

⁸ Ə gɛ di hvo pa nəi kɛ yɛ di nąnni; a nu huwu mąąkwɛli laa walaai tii, a kulɔ nwoo mu nuą, a nu huwui gili mąąhvalin naa nɛ̨ɛ̨, a diɛi di hvo kɛi di kilitɔɔ Yálá ɓa.

Bible

⁸ a gɛɛ dífe kɛ̀ yɛ̂ɛ dínâŋ pɔlɔ-ŋai nyii-ŋai kɛ̀ a dítɔɔ Ɣâla mai. Dílaa-laai su fé kɛ́ ní a gbanaŋɔɔ Ɣâla mɛni ma. Kili-kɛ-zu fé kɛ́ ní díyêei m̀ɛni ma.

Mąątɛ̨nɛ̨ 78:8 Referans Kwoze

Mąątɛ̨nɛ̨ 78:37

Di kili hvo kɛ tɔɔ li mą a neelee, di hvo kɛi di kilitɔɔ mįnɛ̨i da diɛni di ɉəɠə mą.

Lɛɛ gbɔwɔ ɓa 32:9

Yai-Laa yɛ nwɔ̨nɔ̨ Moisə ɓa: «Ŋą́ą́ nuąi ŋɛ̨i mąąkpɛɛ, di kaa a nuąi di wəli walawalaa.

Izikiɛ 20:18

«Ŋą́ mo di lonnii diɛ nɔi pun ɉu, gɛ́ diɛ: Ka hvo hvilɛn ka nąnni hiɛ pələ pulu, ka hvo di yii pələ pɔɔ kɔ́ɔn, ka hvo ka mąąliɓi a di wɔ haliɠaai.

Tɔɔɓɛlaa veelɛ 17:14

Kɛlaa, di hvo mɛ̨nįi tii mɛ̨n, di di kili walawala lɔ yɛ di nąnni, diɛi wɔlɔ lənə Yai-Laa di wɔ Yálái ɓa.

Dutɛrɔnome 31:27

Mąąhɔlɔɓo, ka kwɛli teɛi, ɛlɛɛ, ka nwun ɉu walawalaa mɛ̨nį nwɛi, yili kpaɠala ka mą́ą́ nii háákələi ka lɔwai. Vúlú kɔ́wɔ ŋą ɓə ka tɔɔlaa Yai-Laa la, gu hvo mun kɛ ɉáá pulu!

Gɛlaɠaa 7:51

«Ká wəlii kpɔlɔ nu huwui ŋɛ̨i, ká kili da ka wəli mąą kuu hvo kɛ li, yələ kəlee, ká tɔɔ lɔ tai-tai kilaa pono Kili-Mąąhəɠɛɛ la, ka káá kpɔlɔ yɛ ka nąnni.

Izikiɛ 20:8

Kɛlɛɛ di di kwɛli tee ɲə́i, di hvo di wəli tɔɔ nwóó ɓa; di ta lɔpee hvo ɲee kulɔ mowo mɛ̨nįɠaai tii hu, di hvo gɛ di hvo ɓo Eziptə haliɠaa diɛ. Ŋą́ kɛli kɛ kɛa diɛ: Gáá pai nwɔ́ líiholi yɛɛi di mɛ̨i. Vá nwɔ́ líiholi kpɛla bələi di pɔ, Eziptə lɔi hɛ̨ąi.

Kɔlɔnikɔ Veerɛi 30:7

'Ka gɛ yɛ ka nąnni da ka kaayɔwɔɠaa di woo kala di nąnni di wɔɔ Yálái Yai-Laa ɓa, yaan ə di lɛɛ laa diɛ di hukala; yɛ bələi gbaɠala kaa la kaa.

Dutɛrɔnome 9:24

Ə həɠə kpɔ ɲələi ŋį́ ka kɔ́lɔn na ma, ə həli la yiihu ɓa, ka kɛi lɔ ka kwɛli tee Yai-Laa ɓa.

Dutɛrɔnome 9:13

Ɛlɛɛ Yai-Laa yɛ mą́ą́: «Ŋą́ą́ nuą tii kaa, nu huwu nwun ɉuwalawalaa ɓaa diɛ!

Lɛɛ gbɔwɔ ɓa 33:5

Yai-Laa yɛ Moisə ɓa: «Mo Israɛlə lonnii diɛ, yɛ́ diɛ: ‹Nu huwu nwun nwalawala ɓaa a kaa, ŋį́ mą kɛ diɛ, gáá lɛɛi ka lɔwai, ə mą kɛ a hvóló tɔ̨nɔ̨ kpɛli, ŋą́ nəi ka hu kala. Ə həli kani kaa! Ka ɉɛli həɠəɠaa kulɔ ka kwąną, bələi gɛ́ ŋį́ pa ka hon na, gɛ́ pɛli bələ kaai.›»

Lɛɛ gbɔwɔ ɓa 33:3

Ka lɔ nɔi ti hu, ɓɛi hɛn gəlee a lɛlɛ laa; Ɲą́ą́ gbinį lee və́ pai lɛɛi ka lɔwai, gu hvo li laa, mąąhɔlɔɓo, nu huwu nwun nwalawalaa ɓaa a kaa; ə gɛ, və́ pa ka hu kala kpɔ tɛ̨ɛ̨tɛ̨ɛ̨ bələi.»

Gɛlaɠaa 11:23

Lii kɛa ə mo, ə Yálá nwɔ nɛ̨ɛ̨laa kɛ kóló kaa, gwəi ə nɛ̨ɛ̨, ə di hvaŋąlɔ yɛ diɛ; 'Ká kanąn gu Nąmu ɓa a ka lii kəlee.

Azaya 30:9

Kulɔ nwoo mu nu huwu ka tii, lɛɛ kɛ nuą ɓaa a diɛ, di hvo bɔ di hvo di wəli tɔɔ Yai-Laa ŋą tɔ́n nwoo ɓa.

Mąątɛ̨nɛ̨ 106:7

Ku nąnni di hvo yɛ́ kwɛlɛɛn mɛ̨nįɠaai, mukulaa kɔ́lɔn ni, Eziptə lɔi hu. Di lɛ̨ą yɛ́ mɛ̨inɛ̨ɛ̨ɠaa tamąą diɛ, di di kwɛli tee Veengbɔ̨nɔ̨ gboloyá kwɛlɛ.

Mąątɛ̨nɛ̨ 68:6

Təlilɛa di Nąn ni, kalanįnŋaa di wɔ tɛ̨ą ɓomun ni, Yálá li! Bələ ɓə gaa la, nwɔ pɛlɛ́ mąąhəɠɛɛi mu.

Zôo 11:13

Ə́ wɛi, yá pa kɛa ə́ kpɔɔ hɔlɔɓoi, yɛ́ ə yee lɛ bɔ pələ,

Kɔlɔnikɔ Veerɛi 30:19

Nuąi tɔɔ a di nwąnąi di Yálá liiɓa kwɛli, a di nąnni di wɔɔ Yálái Yai-Laa, ə mą kɛ di mąą hvo həɠə li, di pɛli lɛɠɛi ɉɛn mąąhəɠɛɛɠaa diɛ: «Yai-Laa, yai nwɔ mɛ̨nį lɛlɛɛ, ə di mąąhvaalɛɛ!»

Kɔlɔnikɔ Veerɛi 20:33

Kɛlaa, bələi mąn ə kɛ la tii, hali kɔ́iɠaa di hvo kpɛɛ nɔi, ɛlɛɛ, nɔi lonnii kili kəlee hvo lɛɛ a ganąnŋąą di nąnni di wɔɔ Yálái ɓa.

Kɔlɔnikɔ Veerɛi 19:3

Kɛlaa, ə mą kɛ tii, mɛ̨nį lɛlɛɛɠaa kaa ə́ túwɔ́ pələ hu; hvo gaai, nwuluɠaai nuą di dɔɔ diɛ gɔ́, yáá gəlee kələn nɔi, ɛlɛɛ, yáá tɔɔ a ə́ nwąnąi, yɛ́ Yálá woo hon.»

Kɔlɔnikɔ Veerɛi 12:14

Roboamə ə túwɔ́ a ɲɔ̨nwɔ̨ɔ̨; hvo gaai, hvo kɛ nii lɔ li Yai-Laa kwɛliɛɛ hu.

Dutɛrɔnome 4:4

Ɛlɛɛ, kaa ŋɛ̨i a Yai-Laa nwɔ nuą ka káá ni yɛnɛ̨ɛ̨ háákələi.

Lɛɛ gbɔwɔ ɓa 34:9

Yɛ mą: «Yai-Laa nwɔ́ mɛ̨nį Nąmu, akɛ kpɔ ŋą́ą́ ə́ líí hon, Yɛ́ ɓo ku lɔwai, kwa nu huwu nwun nwalawalaa ŋɛ̨i, kɛlaa, ku wɔ túwɔ́ pələ ɲɔ̨n da ku wɔ nɛ̨ŋɛ̨n mąąhvaalɛɛ, ɛlɛɛ, ə́ ku kɛ kɛa a ə́ kwɛlin.»

Zasua 22:15

Di həli Rubɛn lonnii diɛ, da Gadə lonnii, ə mą kɛ Manase huwu bələ tɔ̨nɔ̨ Galaadə lɔi hu, di nwooɠaa ŋɛ̨i ɓo diɛ,

Samuɛlə dɔlɔɔ 8:8

Bələi lɔ di kɛi túwɔ́ la a ɲą́ą́, ə həɠə ɲələi ŋą́ di kulɔ la Eziptə lɔi hu, ə lɛɛ ɉu ə həli yiihu ɓa, diɛ nɛ́ɛ́ laa, diɛ tíɓo kɛ yálá takpɛliɠaa diɛ, bələ ka tii di kaa túwɔ́i la a ɲą́ą́.

Mąątɛ̨nɛ̨ 78:40

Di kɛi di kwɛli tee mą nɔi pun ɉu! Kpɔ gee mɛ̨i tamąą, Diɛ níikələn gwəi nɔi pun gələn ŋąą ti hu, kpɔ kɛlɛ-kɛlɛ.

Mąątɛ̨nɛ̨ 78:56

Kɛlaa, di hvaa tee yələkɔlɔn ɉu Yálá ɓa, diɛ nwoo kwɛli, di hvo gɛ di hvo nwɔ tɔnŋaai mąąwiɛ.