Mąątɛ̨nɛ̨ 78:7 - Yálá laawoo hɛɓɛ (dc)

⁷ 'Di wɔ kilitɔɔmąąlaa a kɛ Yálá ɓa, 'di hva lɛ̨ą Yálá kɛ mɛ̨nį kpɛa kpɛaɠaa diɛ; 'di nwɔ tiɓoɠaai kɛ.

Yálá laawoo hɛɓɛ

⁷ 'Di wɔ kilitɔɔmąąlaa a kɛ Yálá ɓa, 'di hva lɛ̨ą Yálá kɛ mɛ̨nį kpɛa kpɛaɠaa diɛ; 'di nwɔ tiɓoɠaai kɛ.

Bible

⁷ A kɛ̀ tí, da pâi lâai a Ɣâla, gɛ́ mɛni-ŋai maa kíli kɛ́ ƃò díkili ŋá, díkɛ ŋɔtɔ̂ŋ-ŋai mɛi kâa,

Mąątɛ̨nɛ̨ 78:7 Referans Kwoze

Dutɛrɔnome 5:29

Ə li kɛmun da naa kɛ di kwəi, diɛ ɲɔw Mą́ą́, diɛ nwɔ́ tíɓoɠaai kəlee kɛ a yələ kəlee, yili ə li kɛ a di wɔ nwun na nɛ̨ɛ̨, da di lonnii, kpɛɛ hvo li kɛ mą.

M̀ɛni-lɛɛi 14:12

Nu mąąhəɠɛɛɠaai di yee kąnąnŋąą Yálá ŋą tíɓoɠaa diɛ, ɛlɛɛ, da Jesus ŋą laa na laa ɓa, di hvaŋąlɔ yələ ka.

Zɔ̂ŋ Maa-ŋuŋ 5:3

Mąąhɔlɓo, bələi Yálá ŋą wɛlikɛmąąlaa kaa la, bələ ka: Ya ɓaa, gwa gu yee kąnąn nwɔ tíɓoɠaai diɛ. Ɛlɛɛ yaan, ŋą tíɓoɠa tii di hvo a tíɛ̨ wia,

Dutɛrɔnome 4:9

Ka ka kpɔwɔ hon a nɛlɛɛ, mɛ̨nįɠaa kpɔ ka gaa a ka ɲɛ̨ikɔw, nąą kili hvo kpɛɛ ka ŋą ka yíi hvóló kəlee hu; ka hvo lɛ̨ą mą, ka mɛ̨nįɠaa tii hukulɔ ka lonnii diɛ da ka mąnįn bulu mąnįnŋąą kəlee.

Mąątɛ̨nɛ̨ 103:2

Nį́i, Yai-Laa mąąwiɛ, 'Hvó lɛ̨ą ɲəi mɛ̨inɛ̨ɛ̨ ta lɔpee ɓa.

Mąątɛ̨nɛ̨ 91:14

Yii kpɔ aa kanąn mą́ą́, ŋą́ gulɔ ɲəi kɛ, ŋą́ mąąkɔ̨nwɔ̨, mąąhɔlɔɓo ə gɔ́lɔn.

Mąątɛ̨nɛ̨ 40:4

Ə wələ nįnɛ̨ pu ná, a Yálá mąątɛ̨nɛ̨ wələ woo. Nu tamąą kaa pai nąą kaai, di ɲɔw, diɛ di kilitɔɔ Yai-Laa ɓa.

Dutɛrɔnome 8:11

Ka gɛ a nɛlɛɛ, ka hvo lɛ̨ą Yai-Laa ka wɔ Yálái ɓa, ka hvo nwɔ tɔ́n da nwɔ lɔi hu yíi ɓo pələɠaa lɛɛ; diɛi gáá di tɛɛi ka pɔ háákələi.

Dutɛrɔnome 8:2

Bələ kwɛaai Yai-Laa ka wɔ Yálá ə ka hvilɛn mɛ̨i kwɛlan bow nąąn ɲee mu, nɔi pun ɉu, yɛ mɔ̨nɔ̨ lɔ ka pɔ, ka gəlee nąą kili too ka ŋą. Ka hukɔɔn ga tii ə kɛi mo, yɛ ka kwəi kɔ́lɔn; akɛ ka káá pai nwɔ tíɓoɠaa kɛi, a wala kɛ tii, akɛ ka káá pai ɓoi diɛ ka di too.

Piɛrə dɔlɔɔ 1:21

Yaa ɉáálai, káá laa Yálá la, yai nwun, ə gulɔ haa yəi, ə gɔ a mąąwiɛlaa, gɛ pələi tii, ká wɔɔ laa na laa, da wɔɔ kilitɔɔmąą laa kɔwɔ hvilɛnŋąąi la Yálá ɓa.

Korɛntə dɔlɔɔ 11:24

ɛlɛɛ, gbɛɛ a Yálá hɛɠɛɛɓoɔ, ə ɉu yali, yɛ diɛ: «Yii kaa a gɔ́lɔ, yai a ká wɔɔ, 'ká yii kɛ káá ną́ą́ kili too la ká ɲą.»

Mąątɛ̨nɛ̨ 146:5

Nui Ɉakɔbə nwɔ Yálá tɔɔ bulu, nwun na nɛ̨ɛ̨ ɓə, a nui tii a gilitɔɔ Yai-Laa ɓa, yai a nwɔ Yálái.

Mąątɛ̨nɛ̨ 105:5

'Ka ka kiliŋąhiɛ gbalo mɛ̨nįɠaai Ə gɛ diɛ, da gwɛlɛɛin mɛ̨nįɠaai ə kɛi gɛ, da gití wooɠaai kɛi kulɔ na.

Mąątɛ̨nɛ̨ 62:5

Mąąhɔlɔɓo, di kwəi kiliɠaa kaa lɔ a nu ɓowo mɛ̨nį, di liiɓa ɓaa diɛ lɛɛ kɛ, da lúwɔ́ too a di laaləi, diɛ nɛ̨ŋɛ̨naa kɛ, di kwəi pələ.

Dutɛrɔnome 6:12

Ka gɛ a nɛlɛɛ, ka hvo lɛ̨ą Yai-Laa ɓa, yai ka kulɔ Eziptə lɔi hu, nuwɔ pɛlɛ́i tii mu.

Dutɛrɔnome 6:21

Ka kɛ ka lonnii diɛ: «Ku kɛ a Eziptə tɔɔmun nwɔ luwɔɠaa Eziptə lɔi hu; kɛlaa, Yai-Laa ə ku kulɔ Eziptə lɔi hu a vaŋą kɛnɛ̨.

Dutɛrɔnome 6:25

Bələi gwa kɛ la a tələnmo nuą, bələ ka tii; Ya ɓaa gu nwɔ tíɓoɠaai tii kəlee kɛ Yai-Laa gu wɔ Yálái ɲɛ̨i ɓa, yɛ bələi ə gu tí la.»

Mąątɛ̨nɛ̨ 105:45

Əgɛ, di di yee kanąn lɔ nwɔ tɔ́n nwooɠaai diɛ, diɛ nwɔ tíɓoɠaai kɛ. 'Kánikookwəi!