Mąątɛ̨nɛ̨ 78:55 - Yálá laawoo hɛɓɛ (dc)

⁵⁵ Ə nuą kpɛ di tɔwɔ, ə di wɔ lɔi ɲąąkwɛlɛ diɛ, nɔi ə lɛɛ a di kwɛlin; ə Israɛlə nu huwu hee di wɔ pɛlɛ́ɠaai mu.

Yálá laawoo hɛɓɛ

⁵⁵ Ə nuą kpɛ di tɔwɔ, ə di wɔ lɔi ɲąąkwɛlɛ diɛ, nɔi ə lɛɛ a di kwɛlin; ə Israɛlə nu huwu hee di wɔ pɛlɛ́ɠaai mu.

Bible

⁵⁵ È kɛ̀ dítuɛ pere gɛ́ lɔii ŋuŋ-ŋa kpɛ̀ díperêi díkɛ lì. È lɔii-ŋuŋ-ŋa su-ƃela dílɔii kûla díyêei, é ŋáa kɔ́lɛ Eezuɛ sii-ŋai dîa.

Mąątɛ̨nɛ̨ 78:55 Referans Kwoze

Mąątɛ̨nɛ̨ 44:2

Yálá, mɛ̨nį ɲɛ̨i kɛnɛ̨ɠaai wɔlɔ ə́ gɛ, a ku nąnni di wɔɔ yələi, daa ɉu kulɔ kuɔ, ə too ku wəlii, a gbakolo koloi tii wɔlɔ ə́ gɛi.

Zasua 13:7

Yii hu kɛa, nɔi ŋɛ̨i ɲąąkwɛlɛ yɛ pɛli kɛi a nu huwu mɛ̨inąąn ŋɛ̨i da Manase bələ tɔ̨nɔ̨ di hee lɔi.»

Zasua 23:4

Kaa kpinįi ka ɲɛ̨i ɓa mɛ̨nį li, kaa diɛ, nu huwuɠaa ŋɛ̨i kɛ heeni ɓɛ, ŋą́ą́ di heeiɠaa ɲąąkwɛlɛ ka huwuɠaa diɛ, diɛi ŋį́ di huwolo a kɔ́, ə həɠə Ɉurdɛn ɓa, ə həli la gboloyá kɛnɛ̨ ɓa, voló tooi pələ.

Zasua 19:51

Nuą hee taaɠaa ka tii, ɉaláá laa həli mun Eleazarə, Nun lon Ɉosue, da Israɛlə lonnii di wɔ pɛlɛ nąmįną, di nɔi ɲąąkwɛlɛ mɛ̨nį kɔ́ a kpɛ̨ɛ̨, Silo daai Yai-laa lííla, gee kaa kələ laaləi; bələ ɓə di kpɛɛ la a nɔi ɲąąkwɛlɛɛ.

Lonon mo 33:54

Ka káá pai nɔi ɲąąkwɛlɛi ka huwuɠaa lɔwai, kaa gɔ́ a kpɛɛn, huwu yii gɛnɛ̨, nwɔ lɔi a kɛnɛ̨, huwu yii golɔɔ, nwɔ lɔi a kolo. Nu kəlee kaa pai lɔi hɔlɔɓoi ɓɛi gbɛɛn a ɉee laa. Mąąnɛ̨ɛ̨ ka ɲakwɛlɛ ka huwuɠaa lɔwai, a ka káá pələ.

Zasua 21:43

Nɔi Yai-Laa ə naakwɛlanmo yɛ gaa dɛɛi Israɛlə galaɓɔlɔni pɔ, ə gəlee tɛɛ Israɛlə lonnii pɔ, di hee laa.

Mąątɛ̨nɛ̨ 44:3

Ə́ yee ə lɔiɠaa kulɔ, di nąmįną yəi, yɛ́ ku nąnni hee laa, ə́ lɔiɠaa mɔ̨nɔ̨ɓo, yɛ́ pɛli ku nąnni heei kulɔi a nɛlɛɛ.

Azaya 34:17

Yaa kpinįi ɓə gbɛɛn bili, yɛ nu tɛi tɛi kɔ́, yaa kpinįi ɓə nɔi kɔ́ɔn diɛ, yɛ lɛɛ di yəi a di pɔɔ a yələ kəlee mɛ̨nį, di ɓo laa heeni a kwɛlan gəlee da nwɔɔ.