Mąątɛ̨nɛ̨ 78:5 - Yálá laawoo hɛɓɛ (dc)

⁵ Ə Ɉakɔbə hiɛ pələ lɛ mą, ə tɔ́n naa Israɛlə lɔi hu, dɔ́n ti ə kɛi ku nąnni kpaan; diɛ mɛ̨nįɠaai tii lɛ di lonnii diɛ.

Yálá laawoo hɛɓɛ

⁵ Ə Ɉakɔbə hiɛ pələ lɛ mą, ə tɔ́n naa Israɛlə lɔi hu, dɔ́n ti ə kɛi ku nąnni kpaan; diɛ mɛ̨nįɠaai tii lɛ di lonnii diɛ.

Bible

⁵ È tɔ̂ŋ-ŋa tɛ̀ɛ Eezuɛ-ŋai pɔ́, nyii-ŋai díkaa a Zeeka ŋɔsuui su-ƃelai. È m̀o dîa a gɛɛ dí dɔ̂ŋ-ŋai ŋí lɛ́ dílônii dîa

Mąątɛ̨nɛ̨ 78:5 Referans Kwoze

Dutɛrɔnome 6:7

Kaa pa kɛi ɉukulɔi ka lonnii diɛ; ka kɛ moi diɛ, ka kɛ ka yəi bɛlɛ́n, ə mą kɛ hiɛ pələ pɔ, ka kɛ laani, ka mą kɛ tɔɔni.

Ifisiɛŋ 6:4

Káái a lon gaa-nuą, 'ká hvo ká lonni hon a di liikələn bələ di kwəi. Kɛlaa, 'ká di kulɔ ɉu, káá di hutɔɔ, 'káá di liɛwoo kɛ a wooɠaai a həɠə gu Nąmu pɔ.

Mąątɛ̨nɛ̨ 81:5

Israɛlə yíi pələ li, Ɉakɔbə nwɔ Yálá ɓə gu tí la.

Dutɛrɔnome 4:45

Israɛlə lonnii kulaa Eziptə lɔi hu, dɔ́nŋąą, da díɓoɠaai Moisə ə di hukulɔ diɛ, yaa li.

Azaya 38:19

Nui lɔ vulú kɔ́lɔi, yaa tɔ̨nɔ̨ lɔ ɓə a ə́ laa tɛ, yɛ bələi gáá gɛi la haa kəlee. Lon gáá nąn gaa pai ə́ wɔ wɛlikɛmąąlaa hu kulɔi nonnii diɛ.

Azaya 8:20

A kɛ tii, 'ka ɉɛɓɛ́ hu kaa, da mąąkwɛli woo, da wala hvaa yɛ bələi ɉɛɓɛ́i tii hu woo kaa la, a kɛ tii yələ hvo ɓɔli di mɛ̨i.

Dutɛrɔnome 11:19

Ka ka lonnii kalan na, kaa mo diɛ kɛlɛ-kɛlɛ; ka kɛ heeni ka yəi bɛlɛ́n-oo, ka kɛ pələ pɔ-oo, ka kɛ hiɛ ɓa-oo, ka kɛ laani-oo, ka kɛ tɔɔni-oo,

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Lomaŋ 3:2

Dɔlɔ kaa mą nąą kəlee. Hvo gaai, Ɉuifəɠaa ɓə tɔlɔɔ Yálá ə naa woo tɛɛ di pɔ.

Mąątɛ̨nɛ̨ 147:19

A nwoo lɛ Ɉakɔbə ɓa, ə nwɔ tɔnŋaai, da nwɔ tíɓoɠaai tɛɛ Israɛlə pɔ.

Mąątɛ̨nɛ̨ 19:7

A muhəɠə yələkɔlɔn bələ tɔ̨nɔ̨, ə nwɔ gilɛ həɠə yələ kwəi nąą kəlee, ə naa kulɔ bələ tɔ̨nɔ̨; hɛn da hva pɛli kulɔ wəleen ɲəi.

Lɛɛ gbɔwɔ ɓa 40:3

Ə́ mįnɛ̨ kəhi hee mu, ə́ gəhi lɔ ə́ ɉee ɉəɠə ɓɛla pulu pələ.

Lɛɛ gbɔwɔ ɓa 25:21

Ə́ gəhi laa kalan bɛlɛ gəhi mɛ̨i, mįnɛ̨ kwɛni ɓɛlai gáá pai dɛɛi ə́ pɔ, ə́ naa gəhi hu.

Mąątɛ̨nɛ̨ 119:152

Mɛ̨nįɠaai ə́ mo, gbaɠala kaa mą́ą́ a ɉu kwɛaa, a nwooɠaai ə́ mo a yələ kəlee mɛ̨nį.

Lɛɛ gbɔwɔ ɓa 25:16

Gwɛni ɓɛlaɠaai gáá pai dɛɛi ə́ pɔ, yá naa gəhi hu.

Lɛɛ gbɔwɔ ɓa 40:20

Gwɛni ɓɛlaɠaai Yálá ə díɓoɠaa pɛ̨ɛ̨ mą, ə di laa mįnɛ̨ kəhi hu, ə gəhi kpəŋə wuluɠaa lɔ mą, ə naa kalan bɛlɛ mɛ̨i.

Lɛɛ gbɔwɔ ɓa 12:27

Ka kɛ diɛ: ‹Yai-Laa nwɔ pakə haláá li, yai ku gulɔ mą, ɓɛlɔwai ə kɛi Eziptə nuą kɛlɛ la, yɛ Israɛlə nwɔ pɛ́lɛ́i nwun mąąɓo.›» Israɛlə lonnii kəlee di pɛlɛ nɔi ɓa, di kwɛli hvilɛn.

Dutɛrɔnome 31:13

Ɛlɛɛ, di lonnii tii gbaɠala hvo diɛ, di kaa pai bələ mɛ̨n ɉii, di Yai-Laa ka wɔ Yálá mąąwiɛ pələ mąąkwɛli, ka yíi hvóló kəlee hu, nɔi ŋɛ̨i ka káá lii heei ɉu Ɉurdɛn ya pulu.»

Dutɛrɔnome 32:46

ə mo diɛ, yɛ diɛ: «Nwooɠaa ŋɛ̨i ŋį́ ka kalan na háákələi, ka ɉon a ka nwąnąąi; gaa a gu lɔwai kɛla. Ka ka lonnii kalan a dɔ́n nwooɠaa ŋɛ̨i hon mɛ̨nį.