Mąątɛ̨nɛ̨ 74:1 - Yálá laawoo hɛɓɛ (dc)

¹ Asafə nwɔ nu mąąkwɛli woo. Yálá! Ə́ ku pili kpɔ ti kwɛaa la lə mɛ̨nį ɓa, lə liiholi ɓə ə́ ɉee ə́ wɔ lɔi hu taatɛlɛɛ kpului ɓa?

Yálá laawoo hɛɓɛ

¹ Asafə nwɔ nu mąąkwɛli woo. Yálá! Ə́ ku pili kpɔ ti kwɛaa la lə mɛ̨nį ɓa, lə liiholi ɓə ə́ ɉee ə́ wɔ lɔi hu taatɛlɛɛ kpului ɓa?

Bible

¹ Óo Ɣâla, ya íyee kulâi kúmu a gɛɛ ŋí lé mɛni ma? Ya pâi kɛ̂i nɔ́ a ílii ŋwánaa íkpɔɔi-ƃelai dîa?

Mąątɛ̨nɛ̨ 74:1 Referans Kwoze

Dutɛrɔnome 29:20

Yai-Laa a mąą nu huwu kulɔ Israɛlə nuhuwuɠaa kəlee lɔwai, ə nwun na pili, bələ ɓə, mįnɛ̨i ŋɛ̨i bɛ̨ɛ̨ dɔ́n ɉɛɓɛ́i ŋɛ̨i hu, ɉu mɛ̨nįɠaa a nɛɛ la ma.

Mąątɛ̨nɛ̨ 100:3

'Ka gɔ́lɔn kaa, Yai-Laa ɓə a gu wɔ Yálá, Ya ɓə gu pɛli, bɔɔ ɓaa a guɔ, gu ɓo a nwɔ nu huwu, a ɲəi gwɛnąn ɉu taatɛlɛɛ.

Mąątɛ̨nɛ̨ 79:13

Ɛlɛɛ, kuɔi ŋɛ̨i a ə́ wɔ nu huwui, kuɔi a ə́ wɔ ɓɛlaa kwənąn ɉu taatɛlɛɛɠaa, kuɔ pɛli ə́ laa tɛi a yələ kəlee; kuɔ ə́ mąątɛ̨nɛ̨ wələɠaa too, gbɛlai hva kɛ mą.

Mąątɛ̨nɛ̨ 95:7

Mąąhɔlɔɓo gu wɔ Yálá li, gu kaa a nu huwui a ɲąąkɔn, a daatɛlɛɛ kpului a ɲɛ̨i kɛ mą. Əgɛ, háákələi, ka nwoo mɛ̨n, 'ka bɔ mɛ̨nį kɛ!

Mąątɛ̨nɛ̨ 44:9

Ku kɛi tuwɔ Yálá mąątɛ̨nɛ̨ wələ tooi, kuɔ ə́ laa tɛ a wələ, a yələ kəlee.

Lukə 12:32

«Kaai ka káá a nu kpulu logolo, ka hvo ɲɔw. Mąąhɔlɔɓo, ə laa a ka Nąn ə tɔɔlaai tɛɛ ka pɔ.

Izikiɛ 34:31

«Ka kaa a nwɔ́ taatɛlɛɛɠaai a nwɔ́ kalai taatɛlɛɛɠaa, kaai a nu kanŋaa; ɲą́ą́n, ŋą́ ɓo a ka wɔ Yálá. Mɛ̨nį kəlee ŋą Hééɓomun Yálá woo li.»

Ɉeremi 31:37

Yai-Laa woo ka, yɛ diɛ: «Akɛ nu a pɛli yələkɔlɔn goloon gɔɔn ɉii, akɛ nu a pɛli lɔi kpon ɉukwɛa pələ kɔ́ɔn ɉii, akɛtii, ɲą́ą́ gbɛli, ŋį́ pɛli gíli kulɔi Israɛlə nuą hu, di túwɔ́ hɔn mąą mɛ̨nį ɓa. Ɲą́ą́ Yai-Laa nwóó li!»

Ɉeremi 23:1

Yai-Laa woo ka, yɛ diɛ: «Kpalo ɓɛlai nwɔ́ taatɛlɛɛ mɛ̨i kaa nuą diɛ, diɛi tii daa nwɔ́ taatɛlɛɛ kpului lɛɛ laa, pulu yɛ di paa, diɛ taɠa taɠa.»

Mąątɛ̨nɛ̨ 79:5

Yai-Laa, niiholii tii kaa pai lɛɛi ɉu lə yələ ə həli, a doloi tii a nu líikələn gwəi yɛ nwɔ̨n?

Mąątɛ̨nɛ̨ 77:7

Kwiihąą, ŋą́ kɛ gíliŋąhiɛ nwɔ́ wələɠaa diɛ, níi a holi, gɛ́ mɛ̨nį tamąą mąąni kɛ kɛ gbɔ́wɔ ɓa, gɛ́ kɛ mą:

Mąątɛ̨nɛ̨ 42:11

Gɔ́lɔ́ kəlee aa kpɔną mą́ą́, ɲówóɠaa diɛ nálán, da tuwɔ lɔ kɛi mą́ą́: «Ə́ wɔ Yálái kaa mįnɛ̨?»

Izikiɛ 34:8

Yii kpɔ gáá a vúlu, Mɛ̨nį kəlee ŋą Hééɓomun Yálá woo li; yii daa too nwɔ́ taatɛlɛɛ kpului hu, yii daa lɛɛ a lɔwɔ huwɔɠaa kɔ̨nɔ̨n, mąąhɔlɔɓo di laahɔn mo mun və kɛli mą, yii nwɔ́ taatɛlɛɛ pulu nuąi di hvo li li nwɔ́ taatɛlɛɛ kpului pulu diɛ gwɛli, kɛlaa daatɛlɛɛ pulu nuą diɛ di kpɔwɔ ɲąąkɔn, ɛlɛɛ, di hvo daatɛlɛɛ kpulu ɲąąkɔn ɉii;

Mąątɛ̨nɛ̨ 78:1

Asafə nwɔ nu mąąkwɛli wələ. 'Ŋą́ nu huwu, 'ə́ wəli tɔɔ nwɔ́ tɔ́n nwooi ɓa, 'ə́ wəli tɔɔ nwooɠaai kulɔi ná, ə too ə́ wəlii.

Mąątɛ̨nɛ̨ 60:10

Moabə kaa a nwáá-hɛnɲąŋą, gɛ́ nwɔ́ kɔ́lɔi pili Edɔmə mɛ̨i, ɛlɛɛ yɛ́, Filisti lɔi, yá pɛli mɔ̨ɔ̨ tómąi, yɛ ə́ yee aa tɛɛ mą́ą́?

Mąątɛ̨nɛ̨ 60:1

Nwələ ɲɛ̨itɔwɔmun. Yagbudɛn mɛ̨i wələ. Davidə nwɔ nu mąąkwɛli wələ woo.

Mąątɛ̨nɛ̨ 42:9

Hvóló ɲą, Yai-Laa ə kɛi ɉón a tələnmolaa, kwiihɛ̨ą, ŋą́ kɛi Naa tɛ a wələ woo, gɛ́ Yálá hvɛli, yai tii a nwɔ́ yɛnɛ̨ɛ̨.

Mąątɛ̨nɛ̨ 18:8

Nąąlɔwai, lɔi hu ə pu mą, ə kpɛlin, yeeɠaa kɔ́wɔ hvilɛn ɉiiɠaa di kpɛlin, di hu ə pu diɛ, ɓɛlɔwai ə níi ɲąnwąną la.

Mąątɛ̨nɛ̨ 10:1

Yai-Laa, lə ɓə kɛ yai ə́ kaa kwɛaa la, yɛ́ ə́ loo a mɔ̨nɔ̨ yələɠaa?

Lɛɛ gbɔwɔ ɓa 32:11

Kɛlaa, Moisə ə nɛ̨ɛ̨mąą hvə Yai-Laa ɓa, yai a nwɔ Yálá yɛ mą: «Ə́ líílaa! Yai-Laa, lə mɛ̨nį ɓa yá ə́ lii ŋąnwąną nuąi ŋɛ̨i pɔ? Yɛ́ lɔ ɓə di kulɔ Eziptə lɔi hu a ə́ wɔ yee walawala laa, yii hɛn da hva tɔɔ na.

Tɔɔɓɛlaa veelɛ 21:14

Gwɛ́lin aa lɛɛ laa a nwɔ́ nu huwu kpəli, gáá pai di tooi di yowoɠaa yee ŋą, di kaa pai kɛi a di yowoɠaa di wɔ kɔ́ hon.

Mąątɛ̨nɛ̨ 50:1

Asafə nwɔ wələ woo. Yáláɠaa di wɔ Yálá, Yai-Laa aa hvaa; aa lɔi nuą kəlee təli ɲąąkpɔn ma. Ə həɠə voló kulɔi pələ, ə həli dooi pələ.

Mąątɛ̨nɛ̨ 77:8

A kɛ tii Yai-Laa kaa mɔ̨ɔ̨ pai lənəi nwɔ nu huwui ɓa li? Hvo kɛa pai di ɲɛ̨imąąwɛli kaai?

Mąątɛ̨nɛ̨ 80:5

Yai-Laa Mɛ̨nį Kəlee ŋą Hééɓomun Yálá! Ə́ kaa pai lɛɛi Ə́ líiholii, yɛ́ ə́ lii tee ə́ wɔ nuąi di wɔ hvɛliwooɠaai diɛ, ə lɛɛ ɉu mįnɛ̨ lɔwai?

Mąątɛ̨nɛ̨ 85:6

Yɛ́ mɔ̨ɔ̨ ə́ lɛɛ a ə́ líiholiɛ ku pɔ a yələ kəlee mɛ̨nį? Yɛ́ ə́ wɔ líiholii hu kwɛa lɔ a kwɛlan gəlee?

Azaya 64:8

Yai-Laa, 'hvo ə́ liiholi, hvo dɛɛ ɲɛ̨n ɉu, hvo nɛ̨ŋɛ̨n gili too lɔ ə́ ŋą a yələ kəlee. Kɛlaa ɓɛ kaali! Ə́ wɔ nu huwu ɓaa a ku kəlee!

Woolaa 5:22

Akɛtii, ku pili kpɔlɔɔ ɓə tii Ə́ moi? Ku túwɔ́ pələ aa ə́ liiholi aa tɛɛ gɛi ɓa? Hvo ku pili kpɔ tɛ̨ɛ̨tɛ̨ɛ̨; pələ laa ɓo kani ku tɔwɔ!