Mąątɛ̨nɛ̨ 73:25 - Yálá laawoo hɛɓɛ (dc)

²⁵ Gbɛɛ takpɛli ɓə ɲə́i yələi pələ, ə kulɔ ə́ pulu? Ŋą́ kɛ ə́ yəi yɛnɛ̨ɛ̨ ɓɛi, lə kpɔ ɓə mąą kąnąn a hee mą́ą́?

Yálá laawoo hɛɓɛ

²⁵ Gbɛɛ takpɛli ɓə ɲə́i yələi pələ, ə kulɔ ə́ pulu? Ŋą́ kɛ ə́ yəi yɛnɛ̨ɛ̨ ɓɛi, lə kpɔ ɓə mąą kąnąn a hee mą́ą́?

Bible

²⁵ Gbɛ̂ɛ ƃé ŋ́gili káa ma ŋ̀elei su perei, yá fêi? Sɛŋ da fé naa nyii ŋ̀wɛli káa ḿâ ǹɔii mâ ƃɛ́ é tɛ́ɛ yâ.

Mąątɛ̨nɛ̨ 73:25 Referans Kwoze

Filipə 3:8

a tɛ̨ą, ŋą́ gíliɲąkiɛ Ną́mu Jesus Kristə kɔlɔn mɛ̨nį kɛnɛ̨ɛ̨ ŋɛ̨i ɓa, ŋą́ yili kəlee kaa a kpɛli. Mąą mɛ̨nį ɓa, ŋą́ą́ ɲéé kulɔ hɛn gəlee hu, ŋą́ą́ gəlee kaa yɛ tulun ŋą hɛn, ə gɛ, ŋą́ Kristə hɔlɔɓo,

Mąątɛ̨nɛ̨ 16:2

Ŋą́ kɛ Yai-Laa ɓa: «Yɛ́ ɓə a Ną́mu! Nwɔ́ nwun na nɛ̨ɛ̨ lɔ ɓaa a yɛ́! Da kpɛli hvo nąą pulu, ə kulɔ lɔ ə́ pulu!»

Mąątɛ̨nɛ̨ 63:3

Ə́ kaai ŋį́ mo ə́ hee pɛlɛ́ mu, náá taɠaai lɔ kɛ poo, ɲɛ̨́i həɛ kɛ ə́ hvąŋą, da ə́ wɔ mąąwiɛ ɓa.

Mąątɛ̨nɛ̨ 16:5

Yai-Laa, gwɛ́lin maa a yɛ́, nwɛ́i ɓaa a yɛ́! Nwɔ́ yɛnɛ̨ɛ̨ kaa ə́ yee-kɔnma.

Maafîu 10:37

Nui a nąn da nee di wɛli la kɛ ə tɛɛ mą́ą́, a kɛ tii hvo ɓaa nwɔ́ nui ta. Nui a non ɉulɔnu a wala kɛ tii non nɛ̨ɛ̨nu wɛli la kɛ ə tɛɛ mą́ą́, a kɛ tii hvo ɓaa nwɔ́ nui ta.

Mąątɛ̨nɛ̨ 104:34

Mąątɛ̨nɛ̨ wələi gáá dooi, ə nɛ̨ɛ̨ nwəlii! Ɛlɛɛ, Yai-Laai, 'ə kɛ lɔ a nwɔ kwəinɛ̨ɛ̨.

Mąątɛ̨nɛ̨ 37:4

Yai-Laa ə kɛ a ə́ wɔ kwəinɛ̨ɛ̨, mɛ̨nįi ə́ líí a vɛli, gaa pai dɛɛi ə́ pɔ.

Mąątɛ̨nɛ̨ 89:6

Yai-Laa, yələkɔlɔn ə Ə́ hɛɠɛɛɓo, mɛ̨nį ɲɛ̨i kɛnɛ̨ɛ̨i tii mąą mɛ̨nį ɓa; nu mąąhəɠɛɛɠaa di wɔ ɲąąkpɔn ɉu, di ə́ wɔ tɛ̨ą mɛ̨nį hukulɔ.

Mąątɛ̨nɛ̨ 43:4

Gáá pai həlii kpɔ Yálá kɔ́i, a Yálái tii a gɛ, gɛ́ mąną a kwəinɛ̨ɛ̨, gáá pai ə́ laa tɛi a wələ, a bɛlɛgwəi gwɛnįn nwoo, Yálá, yɛ́i a nwɔ̨ Yálá!

Mąątɛ̨nɛ̨ 16:11

Yá yɛnɛ̨ɛ̨ kɛ pələ lɛ mą́ą́, kwəinɛ̨ɛ̨ kɛnɛ̨ lɔ ɓə ə́ lííla; a mɛ̨nį ɲąąnɛ̨ɛ̨ɠaai kpɛɛ hvo mą, diɛ ɓə ə́ ɓa-mįi-yee hu.

M̀ɛni-lɛɛi 21:3

Ɛlɛɛ, ŋą́ woo kɛnɛ̨ ta mɛ̨n yɛ həɠə dɔɔkpəlin ɉu, yɛ kɛ mą: «Yálá heei ka, da nu kanŋaa! Da diɛni di kaa pai heei kɛɛnąą tanɔ̨n. Di kaa pai kɛi a nwɔ nu huwu, ɛlɛɛ, yaa kpinįi ə ɓo a di wɔɔ Yálá, yɛ ɓo di pɔ.

Zɔ̂ŋ Maa-ŋuŋ 3:2

Nwɛ́likɛmąą nuą, yiihu kɛa, gu kaa a Yálá lonnii, kɛlaa, bələi tínąą gwa kɛ la, hvo ni too li pono ɲą. Gu kili kaa ɉu, ɲələi gaa pai tooi la pono ɲą, gu kɛ pələ kaa pai kɛi yɛ, yaa, hvó gaai, gu ɲɛ̨i a tɔɔ mą, yɛ bələi gaa la.

Maafîu 5:8

Nwun na nɛ̨ɛ̨ nuą ɓaa nuąi di kwəi kwəlɛɛ Yálá ɓa. Mąąhɔlɔɓo, di kaa pai Yálá kaai!

Mąątɛ̨nɛ̨ 17:15

Nwɛ́i, tələnmolaa hu ɓə gáá pai ə́ ɲɛ̨ilai kaai laa, ŋą́ pa ŋį́nąą ɓoi, ŋą́ pilɛ a ə́ ɲɛ̨ilai.