Mąątɛ̨nɛ̨ 72:19 - Yálá laawoo hɛɓɛ (dc)

¹⁹ Lúwɔ́ ə kɛ naa mąąwiai ɓa a yələ kəlee; lɔi kəlee laa ə hvɛɛ a nwɔ mąąwiɛ, kɛi a mo tii Yálá ə kɛ! Mįiną!

Yálá laawoo hɛɓɛ

¹⁹ Lúwɔ́ ə kɛ naa mąąwiai ɓa a yələ kəlee; lɔi kəlee laa ə hvɛɛ a nwɔ mąąwiɛ, kɛi a mo tii Yálá ə kɛ! Mįiną!

Bible

¹⁹ Lûwa é kɛ́ ŋɔláa kɛ́tɛi ma wɔ́lɔ-wɔlɔ da wɔlɔ-wɔlɔ. Tɔɔ ŋɔfólo-laai é ǹɔii lá fɛ́ɛ. É kɛ́ tí. É kɛ́ tí.

Mąątɛ̨nɛ̨ 72:19 Referans Kwoze

Lonon mo 14:21

Kɛlaa, akɛ kpɔ gáá a vúlú, akɛ nwɔ mąąwiɛ aa lɔi mɛ̨i kəlee laa hvɛɛ,

Maafîu 6:10

Ə́ wɔ tɔɔlaa ə pa. Ə́ liiɓa ə kɛ lɔi mɛ̨i yɛ bələi gaa kɛi la yələkɔlɔn ɉu.

Habakukə 2:14

A tɛ̨ą, Yai-Laa, nwɔ mąąwiɛ kɔ́lɔn ŋąą a lɔi mɛ̨i kəlee laahvɛɛ, yɛ pələi yaɠaa da gboloyá hu hvɛɛ la.

Mąątɛ̨nɛ̨ 41:13

Nwɛ́i, yáá ə́ yee hee mú, yáá gɔ́lɔi pɔ̨nɔ̨, Ə́ ɲɛ̨i kaa mą́ą́ a yələ kəlee da wɔɔ.

M̀ɛni-lɛɛi 5:13

Pɛli hɛn gəlee, yɛ ə kɛ, yələi pələ, yɛ ə kɛ, lɔi mɛ̨i, yɛ ə kɛ, lɔi mu, ɛlɛɛ, gboloyá ɲą, hɛn kpɔ gaa gɛɛnąąɠaa tii ɓa, ŋą́ gəlee woo mɛ̨n, diɛ kɛ: «Nui gaa heeni dɔɔkpəlin ɉu, da Mɛlaa Lon, di pɔɔ ɓaa a mąątɛ̨nɛ̨laa, ɓɛlɛlaa, mąąwiɛlaa, da hvaŋąlaa, ɲɛ̨n deei hvo mą!»

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Azaya 6:3

Di kɛi pələ pili di kee ɓa, diɛ kɛ mą: «Yai-Laa Mɛ̨nį Kəlee ŋą Hééɓomun, ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, ə́ wɔ mąąwiɛ aa lɔi mɛ̨i nąą kəlee laahvɛɛ!»

Azaya 11:9

Kɛɛ kala mɛ̨nį da mɛ̨nį ɲɔ̨n nɔpee hva kɛa kɛ, nwɔ́ yee mąąhəɠɛɛi nwuɔ̨, mąąhɔlɔɓo, nɔi laahvɛɛi a Yai-Laa kɔ́lɔn gili, yɛ bələi yaɠaa kəlee kaa la gboloyá mu, bɛlɛɛ di mɛ̨i.

Nehemi 9:5

Yili pulu, Levi lonnii, Yesua, Kadmiɛlə, Bani, Hasavneya, Serevia, Hodiya, Sevania, da Petahia, diɛ nuą diɛ: «Ka ka waa, ka Yai-Laa ka wɔ Yálá mąątɛ̨nɛ̨, yələ kəlee da nwɔɔ. «Ka mąątɛ̨nɛ̨! Ka naa tɛ! Naa kɛnɛ̨i dɛɛ laa kəlee ɓa.

M̀ɛni-lɛɛi 22:20

Nui mɛ̨nįi tii ɓoi, yɛ diɛ: «A tɛ̨ą, gáá pai ɉu hvo kwɛa li.» Amįįną! 'Pá, ku Nąmu Jesus!

Mąątɛ̨nɛ̨ 89:52

Yai-Laa, ə́ yowoɠaa daa mɔ̨nɔ̨ lɔ bɔ, nui ə́ ɉəɠə ɉu, a kɛi tɛɛ, diɛ di laayá pili gɔwɔ pɔɔ hu.

Zakari 14:9

Mąą yələi tii, Yai-Laa a gbɔwɔ lɛ a yɛnɛ̨ɛ̨ kəlee nwɔ tɔɔmun, a kɛ tii, Yai-Laa yaa tanɔ̨n mə a kɛ laa, naa ə ɓo tanɔ̨n.

M̀ɛni-lɛɛi 1:18

Ɛlɛɛ, a Vúlúmąą; ŋą́ wɔlɔ haa, kɛlaa yiihu, 'ɓɛ káá, gáá kɛa a vúlú a yələ kəlee da nwɔɔ, ɛlɛɛ, ɲą́ą́ ɓə haa ŋą kpon gwɛliɠaa kaa ɲə́i, ɛlɛɛ da ɲąmuątaa.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Ɉeremi 28:6

«Mįįną lúwɔ́; Yai-Laa əgə tii wɛ! Mɛ̨nįɠaai kpɔ ŋɛ̨i ə́ di lɛɛ kwɛa la yɛ́ mo a Yai-Laa laa, ə gəlee kɛ-oo! Yálá hee pɛlɛ́ mu hɛnŋaa da nəɠiɠaa kəlee, ə di kulɔ Babilonə, ə pa a diɛ gɛɛnąąi ŋɛ̨i ɓa-oo!

Tɔɔɓɛlaa dɔlɔɔ 1:36

Yehoyada lon Benayahu yɛ tɔɔmun ma: «Yai-Laa yai gaa a nwɔ́ mɛ̨nį nąmu nwɔ Yálá, yɛ diɛ: Ə kɛti!

Lonon mo 5:22

Ɲái ŋɛ̨i nɛ̨ŋɛ̨n naa kaa ɉu, gaa pai yɛɛ ə́ kwəi, ə ə́ koo tɛ ə́ ɲą, ə ə́ kwəi paa. Nɛ̨ɛ̨nui tii a mu hon, yɛ mą: ‹Mįiną! Mįiną!›