Mąątɛ̨nɛ̨ 72:17 - Yálá laawoo hɛɓɛ (dc)

¹⁷ Laa kɛnɛ̨ ə kɛ mą kpɛɛ hva kɛ mą, naa ə həli ɓɛi hvoló a hɔɔ laai; nuą diɛ lúwɔ kɛ di keeni diɛ naa hu, lɔi kəlee yɛ nwun na nɛ̨ɛ̨ mɛ̨nį ɓo.

Yálá laawoo hɛɓɛ

¹⁷ Laa kɛnɛ̨ ə kɛ mą kpɛɛ hva kɛ mą, naa ə həli ɓɛi hvoló a hɔɔ laai; nuą diɛ lúwɔ kɛ di keeni diɛ naa hu, lɔi kəlee yɛ nwun na nɛ̨ɛ̨ mɛ̨nį ɓo.

Bible

¹⁷ Tɔɔ núu da fé wɔ́lɔ ǹia gâloŋ láa ma. Tɔɔ ŋɔkɛ́tɛ-laai maa tûŋ é kɛ́ ɣele ma tãi nɔ́ vóloi káa la ɣele mai. Tɔɔ ǹɔii-ŋûŋ-ŋai su-ƃelai kélee dí Ɣâla marê kɛ́ a gɛɛ é lûwa láa dîa, yɛ̂ɛ berei a lûwa láa la gâloŋ mai.

Mąątɛ̨nɛ̨ 72:17 Referans Kwoze

Azaya 7:14

Yili mąą mɛ̨nį ɓa, Ną́mu yaa kpinįi gaa mɛ̨nį ta lɛi kaa, ya ɓaa: Nɛ̨ɛ̨non yii hvo hulɔnu mɛ̨nį hukɔlɔn, a koo həɠə, ə lon ɉulɔnu hɔlɔɓo, ə naa hee a Ɛmanuɛlə.

Maafîu 1:23

Ə mo yɛ: «Nɛ̨ɛ̨gbəla ta yii hvo hulɔnu mɛ̨nį hu kɔ́lɔn, gaa pai koo həɠəi, ə lon ɉulɔnu hɔlɔɓo, di naa hee a Ɛmanuɛlə (mukulaa ɓaa: Yálá kaa gu pɔ).»

Mąątɛ̨nɛ̨ 89:36

Ŋą́ą́ gwɛla mą a yələ kəlee mɛ̨nį, a nwɔ́ mąąhəɠəlaa; vá Davidə ɓowo kpɔ tanɔ̨n kpɛli.

Zɛnɛse 12:3

Nui a lúwɔ́ too yɛ́, ŋą́ lúwɔ́ too mą, nui a ə́ nɛ̨ŋɛ̨n nąą, ŋą́ mąą nu nɛ̨ŋɛ̨n nąą. Hį́i kəlee kaa pai lúwɔ́ hɔlɔɓoi ə́ haalai.»

Lukə 1:48

Mąąhɔlɔɓo, aa ɲɛ̨i lɛlɛɛ hee ɲą́ą́ ŋɛ̨i a nwɔ luwɔ nɛ̨ąąi mą́ą́ A tɛ̨ą, ə həɠə yiihu ɓa, ə lɛɛ la ɉu hąą, lɔi mɛ̨i nuą kəlee kaa pai kɛi mą́ą́: nwun na nɛ̨ɛ̨ nɛ̨ɛ̨nu

Filipə 2:10

ya ɓə a gɛ, Jesus laa hu, nu kəlee a pu nwungbə la, di gwɛli hvilɛn mą, yələkɔlɔn ɉu, lɔi mɛ̨i, da lɔi mu;

Zɛnɛse 22:18

Gáá pai lúwɔ́ tooi lɔi mɛ̨i nuą diɛ, ə́ huwu haalai, mąąhɔlɔɓo, yáá nwóó hon.»

Piɛrə dɔlɔɔ 1:3

Lúwɔ́ ə kɛ Yálá ɓa, yai a gu Nąmu Jesus Kristə Nąn: nwɔ ɲɛ̨imąąwɛli kaa laa kɛnɛ̨ɛ̨ hu, aa pənə aa gu kaa nwɔ̨nɔ̨ a nįnɛ̨, kilitɔɔmąą laa walawala mąą mɛ̨nį ɓa, a Jesus Kristə nwun ə mo haa nuą lɔwai,

Kolosə 1:3

Ɓɛlɔwai kwa kɛi Yálá hvɛlii la, kwa gu Ną́mu Jesus Kristə nąn Yálá hɛɠɛɛɓo ká mąą mɛ̨nį ɓa.

Ɉeremi 4:2

Akɛ, yá ə́ woo kwɛlɛ mɛ̨nį ta hu a Yai-Laa, ə́ gɛ a tɛ̨ą, a tələnmoɔ laa, a ə́ kwəi kwɛlɛɛ; lɔiɠaa kaa pai lúwɔ́ tooi di kpɔɔ ɓa náá hu, diɛ di kpɔɔ mąątɛ̨nɛ̨ náá hu.

Ifisiɛŋ 3:14

Yili mąą mɛ̨nį ɓə gɛi, ŋą́ kɛ pui la nwúngbə la Ną́n Yálá ɲɛ̨i ɓa,

Ifisiɛŋ 1:3

Lúwɔ́ ə kɛ gu Ną́mu Jesus Kristə Nąn Yálá ɓa, yai aa yələkɔlɔn ɉu lúwɔ́ɠaa kəlee too guɔ Kristə hu.

Galatə 3:14

Yili ə kɛ ti, ə gɛ, núwɔ́i Yálá ə naakwɛlanmo Abrahamə ɓa, huwu takpɛliɠaa di da hɔlɔɓo, Jesus Kristə hu pələ, ɛlɛɛ, a kɛ tii, laa na laa háálai, Gilii kɛ naakwɛlanmo, gu ɉɔlɔɓo.

Gɛlaɠaa 3:16

Ku kilitɔɔ mɛ̨nį Jesus laa ɓa ɓə gɛ, Naa ti yɛ ɉulɔnui ŋɛ̨i ɓalo, yaai ka káá gaai, kaa ɓo a gɔlɔnŋąą. Nu kilitɔɔ mɛ̨nį Jesus laa ɓa ɓə gɛ ɉulɔnui ŋɛ̨i kɔ́lɔi yɛ pono kpɔ la tɛ̨ɛ̨tɛ̨ɛ̨, yɛ bələi ka káá gaai la.

Maafîu 1:21

Gaa pai lon ɉulɔnu hɔlɔɓoi, ə́ naa hee a: Jesus. Mąąhɔlɔɓo, ya ɓə pai nwɔ nuąi kulɔi di kɛ nɛ̨ŋɛ̨n ɲəi.»

Mąątɛ̨nɛ̨ 45:17

Ə́ lonnii kaa pai kɛi a ną́nni mąąhvalin, yɛ́ di kɛ a lɔi ɲɛ̨itɔwɔ nuą lɔi mɛ̨i nąą kəlee.

Lɛɛ gbɔwɔ ɓa 3:15

Yálá yɛ́ nwɔ̨nɔ̨ Moisə ɓa: «Lii ə́ kaa moi yá kɛ Israɛlə lonnii diɛ: Yai-Laa, ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ya ɓə dɔ́ɔ́ ka pɔ. Náá ka tii a yələ kəlee mɛ̨nį, ya ɓə da vɛ́li ɉu.

M̀ɛni-lɛɛi 15:4

Ną́mu, gbɛɛ ɓə hva pɛli ɲɔwi yɛ́, ɛlɛɛ, hvo mąąwiɛlaa tɛɛ ə́ laa pɔ? Mąąhɔlɔɓo, yɛ́ kɔw tanɔ̨n gbən mə ə́ mąąhəɠɛɛ. Hįi lɔi kəlee kaa pai pai, ɛlɛɛ, di gwɛli hvilɛn yɛ́, mąąhɔlɔɓo, ə́ wɔ kitiɠaai daa too pono ɲą.»

Samia Veerɛi 7:13

Ə́ lon tii ɓə pai pɛlɛ tɔɔi mą́ą́, ɲą́ą́n, ŋį́ nwɔ heeɓolaa kɔ́wɔ hvilɛn gbɔ tin-tin a yələ kəlee mɛ̨nį.

Samia Veerɛi 7:16

Ə́ wɔ pɛlɛ́i da ə́ wɔ tɔɔlaai di kaa pai kɛi ɲɛ̨́i mu a yələ kəlee. Ə́ wɔ tɔɔ kpəlin a kɛ a ɉeɛ kpɔ a gbilin yələ kəlee mɛ̨nį.»

Kɔlɔnikɔ Maa-ŋuŋ 17:12

Ə́ lon tii ɓə pai pɛlɛ tɔɔi mą́ą́, ɲą́ą́n, ŋį́ nwɔ heeɓolaa kɔ́wɔ hvilɛn gbɔ tin-tin a yələ kəlee mɛ̨nį.

Mąątɛ̨nɛ̨ 21:7

Yáá gɛ a lúwɔ́lon, a yələ kəlee mɛ̨nį, a kɛ ə́ ɲɛ̨i mu, yá gɔ́ a kwəinɛ̨ɛ̨.