Mąątɛ̨nɛ̨ 72:15 - Yálá laawoo hɛɓɛ (dc)

¹⁵ Tɔɔmun ɲii ə kwɛa! Di kaa pai Saba hɛni tɛɛi bɔ; diɛ Yálá hvɛli mą a hvaŋąlɔ, diɛ túwɔ lúwɔ kɛi mą.

Yálá laawoo hɛɓɛ

¹⁵ Tɔɔmun ɲii ə kwɛa! Di kaa pai Saba hɛni tɛɛi bɔ; diɛ Yálá hvɛli mą a hvaŋąlɔ, diɛ túwɔ lúwɔ kɛi mą.

Bible

¹⁵ Tɔɔ gâloŋ é kɛ́ ɣele ma wɔ́lɔ-wɔlɔ da wɔ́lɔ-wɔlɔ. Tɔɔ Siba gooi da é kɛ́ a bɔ́ɔ. Tɔɔ nûa díkɛ Ɣâla-fɛli m̀ɛni ma a ɣele kélee. Tɔɔ Ɣâla ŋɔlûwai kɛ́ ƃò m̀a ƃɛ́i kélee a lî naai.

Mąątɛ̨nɛ̨ 72:15 Referans Kwoze

Tɔɔɓɛlaa dɔlɔɔ 10:14

Ɉɛnii Salomɔn ə kɛi ɉɔlɔɓo kwɛlan dɔ̨nɔ̨ yee mu, ə kɛ a hɛni kilə waa pow hveelɛ.

Zûu 1:25

Yálá kɔw tanɔ̨n tii a gu ɓalomun, gu Nąmu Jesus Kristə laa hu, mąąwiɛ, kɛnɛ̨ laa, huwalawala da heeɓolaa ə kɛ mą, yiihu ə lɛɛ ɉu wɔ, Yálá ə kɛ!

M̀ɛni-lɛɛi 1:18

Ɛlɛɛ, a Vúlúmąą; ŋą́ wɔlɔ haa, kɛlaa yiihu, 'ɓɛ káá, gáá kɛa a vúlú a yələ kəlee da nwɔɔ, ɛlɛɛ, ɲą́ą́ ɓə haa ŋą kpon gwɛliɠaa kaa ɲə́i, ɛlɛɛ da ɲąmuątaa.

Zɔ̂ŋ Maa-ŋuŋ 1:2

gbala ə tɔɔ yɛnɛ̨ɛ̨ ə too pono ɲą, ɛlɛɛ, ku gaa, ɛlɛɛ, kuɔ mąą kɛla hvaaɓo, ɛlɛɛ, kuɔ yɛnɛ̨ɛ̨ hva kpɛɛ laa həli káá, a yai kɛ ɲɛ̨i tínɛ̨nŋąą Nąn bɔ pələ ɛlɛɛ, ə gbɔwɔ lɛ kuɔ,

Piɛrə veelɛ 3:18

Kɛlaa, ka tɛ tɔwɔ gu Ną́mu Yálá da gu Nwun mąąɓomun Jesus Kristə kɔ́lɔn ŋąą hu, da nwɔɔ mɛ̨inɛ̨ɛ̨ hu. Ə həɠə yiihu ɓa, ə lɛɛ la ɉu lɔwai kəlee, mąąwiɛ ə kɛ Jesus Kristə ɓa. Yálá ə kɛ ti!

Timote veelɛ 4:22

Gu Ną́mu ə lɛɛ ə́ pɔ. Ŋą mɛ̨inɛ̨ɛ̨ ə kɛ ká kəlee ka pɔ. Amįįną.

Tɛsalonikə dɔlɔɔ 3:11

Yálá kpinįi, gu Ną́n, ɛlɛɛ, gu Ną́mu Jesus di pələ kulɔ a kuɔ, ku pa ká pɔ.

Filipə 2:11

ɛlɛɛ, hįi kəlee diɛ mo, diɛ kɛ: Jesus Kristə ɓə a Ną́mu, Ną́n Yálá ŋą mąąwiɛlaa hu.

Azaya 60:6

Ɲɔ̨ɔ̨mɛ̨ɛ̨ kpulu kaa pai kɛi ə́ wɔ lɔi hu kpɔ kɛnɛ̨, diɛi a Madian da Eifa ɲɔ̨ɔ̨mɛ̨ɛ̨ɠaa, Saba nuą kəlee diɛ pa, diɛ pa a hɛni da lansan, diɛ Yai-Laa mąątɛ̨nɛ̨ wələɠaa too.

Ɉaan 14:19

Ɉu hvo kɛa kwɛa li, yɛnɛ̨ɛ̨ nuą di hvo pai kɛa gáái, kɛlaa, ka wɛi, ka káá pai gáái mąąhɔlɔɓo, gáá a vúlú, kaa kpɛli ka káá pai kɛi a ka hulu.

Ɉaan 11:25

Jesus ə mo Martə ɓa yɛ mą: «Ɲą́ą́ ɓə gáá a haaɓɛlaa muhəɠə mɛ̨nį, ə lɛɛ, gɛ́ ɓo a yɛnɛ̨ɛ̨ kpɛɛ hvo mą. Nui a laa na, ə mą haa, a pənə ə kɛ a vulu.

Ɉaan 5:23

Yili ɓə a gɛ, nu kəlee diɛ Non mąąwiɛ, yɛ bələi da Nąn mąąwiɛ la. Nui hva Non mąąwiɛ, hva Nąn gbɛli mąn mąąwiɛ, yai Non dɔɔi.

Maafîu 21:9

Nu kpului tii kɛ bulu pələ da dɔwɔ pələ di kɛi tómą diɛ kɛ mą: «Mąąwiɛ ə kɛ Davidə Lon ɓa. Nui ŋɛ̨i gaa pai Ną́mu laa hu, lúwɔ́ ə kɛ mą. Mąąwiɛ kaa Yálá ɓa yələkɔlɔn ɉu!»

Maafîu 6:10

Ə́ wɔ tɔɔlaa ə pa. Ə́ liiɓa ə kɛ lɔi mɛ̨i yɛ bələi gaa kɛi la yələkɔlɔn ɉu.

Maafîu 2:11

Di lɔ bɛlɛ́n, di nokoloi da nee Mari di kaa. Di pu di nwungbəla, di kwɛli hvilɛn mą. Yili pulu, di di tiɛ̨ hvoloon. Di ɉamą a: hɛni, lansan, da mirə wulɔ.

Mąątɛ̨nɛ̨ 72:19

Lúwɔ́ ə kɛ naa mąąwiai ɓa a yələ kəlee; lɔi kəlee laa ə hvɛɛ a nwɔ mąąwiɛ, kɛi a mo tii Yálá ə kɛ! Mįiną!

Mąątɛ̨nɛ̨ 45:4

Ee kə! Kuláá kpəɠɛ! 'Kɔ-kɔ-ɓɔwa kpulɔn ə́ ləŋəi, ə́ mąąɲinɛ̨n ni, ə́ ɲɛ̨i pɔ̨nɔ̨ hɛn ni.

Mąątɛ̨nɛ̨ 21:4

Yá laa nąą tɔwɔ, Ə́ naakwiɛn a lúwɔ́ da mɛ̨inɛ̨ɛ̨ɠaa, yɛ́ hɛni lɔ nwuɔ̨.

Kɔlɔnikɔ Veerɛi 9:1

Saba tɔɔ nɛ̨ɛ̨nui ə Salomɔn laa pələ mąn. Nɛ̨ɛ̨nui tii ə pa Ɉerusalɛmə, Salomɔn hukɔɔn mɛ̨nį ɓa, a hanwon ɉukpinɛ̨ɛ̨ɠaa, nu kpulu kɛnɛ̨ ə ɓo bɔ da ɲɔ̨nwɔ̨mɛ̨ɛ̨ɠaa. Di tiɛ̨ ə kɛ a hɛn gunnɛ̨ɛ̨ɠaa, hɛni kpɔ kɛnɛ̨ da Kuɔkwɛni lɛlɛɛɠaa. Ɉəliɛ Salomɔn ɓa, mɛ̨nįi kpɔ kɛ gwəi, ə gəlee ɓo mą.

Tɔɔɓɛlaa dɔlɔɔ 10:10

Nɛ̨ɛ̨nui tii ə hɛni kilə waa haaɓa pulu nwun mɛ̨ida tɛɛ tɔɔmun Salomɔn pɔ, da wulɔ kun nɛ̨ɛ̨ɠaa kpɔ kɛnɛ̨, da Kúwɔ́-kwɛni lɛlɛɛɠaa, nwulɔ kun nɛ̨ɛ̨ tii ta hvo ta kɛ pa li nɔi tii hu, yɛ bələi Saba tɔɔ nɛ̨ɛ̨nui tii ə paa la tɔɔmun Salomɔn pɔ.