Mąątɛ̨nɛ̨ 7:6 - Yálá laawoo hɛɓɛ (dc)

⁶ Ɲówo ə hvilɛn búlu, ə ɉón, ə nwɔ́ yɛnɛ̨ɛ̨ kiin nɔi ɓa, ə gbóyɛli kəlee pu pɔlɔ hu!

Yálá laawoo hɛɓɛ

⁶ Ɲówo ə hvilɛn búlu, ə ɉón, ə nwɔ́ yɛnɛ̨ɛ̨ kiin nɔi ɓa, ə gbóyɛli kəlee pu pɔlɔ hu!

Bible

⁶ Óo Yâwɛɛ, ímu-siɣe, í ŋ́gbɔara-ƃelai kula maa kɛ́ a lii ŋwâna pere. Óo Ŋáɣâlai, ímu-siɣe í kpɔ́ŋ ḿâ. Gɛ́ tɔ̃yâ mɛni é kɛ́.

Mąątɛ̨nɛ̨ 7:6 Referans Kwoze

Mąątɛ̨nɛ̨ 44:23

Ə́ mąą mɛ̨nį ɓə da tuwɔ ku paai la, diɛ ku hon yɛ ɓɛlaa lonnii di kaa lii di paai.

Mąątɛ̨nɛ̨ 35:23

'Ə́ ɲįnąąɓo, 'ə́ muhəɠə, 'nwɔ́ tɛ̨ą mąąkɔ̨nwɔ̨, 'ə́ nwɔ́ tələnmolaa too pɔ̨nɔ̨ ɲą yɛ́i a nwɔ́ Yálá, da Ną́mu!

Mąątɛ̨nɛ̨ 3:7

Nu kpulu kɛnɛ̨i kpɔ ɲɛ̨i daa mą́ą́ tinɛ̨n, və́ ɲɔwi diɛ.

Azaya 33:10

Yai-Laa yɛ diɛ; múhəɠə hiɛ li kɛa, gáá kɛa haŋąi ŋį́ tɔɔ, Náá mąą kaa kɛa pai wiɛi.

Mąątɛ̨nɛ̨ 138:7

Ŋą́ kɛ laanɔ̨nwɔ̨ kɛnɛ̨ hu, yá pənə ə́ nwɔ́ yɛnɛ̨ɛ̨ pu nįnɛ̨ koloi, yá ə́ yee hulɔ pɛlɛ ɲówóɠaa diɛ, ə́ ɓa-mįi-yee yɛ málo.

Mąątɛ̨nɛ̨ 44:26

Hvó mɔ̨ɔ̨ ku kaai, ku ɓo puuni munuun ɉu, ku laa pɛlɛɛ pɔlɔ ɓa?

Azaya 51:9

'Ə́ muhəɠə, 'ə́ muhəɠə, ə́ wɔ huwala walai ɲąątɛ, Yai-Laa yee kɔ̨nwɔ̨n ɉu kɛnɛ̨ɛ̨, 'ə́ muhəɠə yɛ bələi wɔlɔ ə́ kɛi gɛ la, a tɔwɔ tɔwɔ yələɠaai tii, kɛlɛi yɛ́ ɓə Rahabə hu tee-ee, yɛ́ ɓɔ gboloyá hu kaalə kɛnɛ̨i hu,

Azaya 37:20

Kɛlaa, Ə́ wɛi, Yai-Laa, ku wɔ Yálá, ku kulɔ ɲəi, ə gɛ yɛnɛ̨ɛ̨ tɔɔlɔiɠaa kəlee di pɛli ɉu kɔ́lɔn ɉi diɛ kɛ, yɛ́ tɔ̨nɔ̨ lɔ ɓaa a Yai-Laa.»

Azaya 3:13

Yái-Laa aa pa gití haɠa ɓa, aa haŋą aa tɔɔ nu kanŋaa kiti tee mɛ̨nį ɓa.

Mąątɛ̨nɛ̨ 103:6

Yai-Laa a túwɔ́ a tələnmolaa, nuąi kpɔ da di yee pənə di hui, a di wɔ tɛ̨ą ɓo.

Mąątɛ̨nɛ̨ 78:65

Ną́mu ə muhəɠə yɛ nu a kɛi háá yíi, yɛ kɔ́kuláái lɔɔ yee aa pɛli mą.

Mąątɛ̨nɛ̨ 74:3

Daa kpoloonŋaa ŋɛ̨i lii vɛ-vɛ, 'pa, ə́ ə́ ɲɛ̨i pili di mɛ̨i; ə́ yowo aa bɛlɛ́ mąąhəɠɛɛ mu hɛn gəlee kala.

Mąątɛ̨nɛ̨ 73:20

Ną́mu yáá di mąąnįnįn gəlee kpɛɛ daa kwəi, kpɔlɔ yɛ nu a hįį kaa.

Mąątɛ̨nɛ̨ 59:5

Və́ ɉɔ́n gɛ li; ə mą kɛ tii, di kaa gilɛ həɠəi, diɛ di hee dɔ́wɔ́. 'Ə́ ɲįnąąɓo! 'Pá ə́ náá kwiɛn, Ee, ɓɛ kaa li!

Mąątɛ̨nɛ̨ 35:1

Davidə nwɔ wələ woo. Ee kə Yai-Laa! Nuąi ɉɔ́n moi, 'di hɔn nɛ, nuąi kɔ́ pɛlɛi mą́ą́, 'kɔ́ pɛlɛ diɛ.

Mąątɛ̨nɛ̨ 12:5

A nuą tii da kɛ kɛi diɛ: «Ku laaləi a mɛ̨nį nɛ̨ɛ̨ kuɔ, ku nɛ̨n dɔɔi ku pulu, gbɛɛ ɓə ɲee a pɛli kuɔ, ə hee ku mɛ̨i?»

Samia Veerɛi 17:14

Absalɔn da Israɛlə kalanɉonŋaa kəlee diɛ mą: «Arki mun Husai nwɔ liɛwooi aa lɛlɛ, aa tɛɛ Ahitofɛlə nwɛi ɓa.» Yai-Laa ə hvaa mą, ə Ahitofɛlə nwɛi hu kala, yai kɛ viɛlaɓoɔ, ə gɛ, Yai-Laa ə Absalɔn nwun na pili.

Mąątɛ̨nɛ̨ 143:3

Ɲówo aa kɔ́ pɛlɛ mą́ą́, aa dóó, aa gíin-gíin, aa bíli haa nwɔ kpinį hu, yɛ nuąi wɔlɔ daa haa.