Mąątɛ̨nɛ̨ 7:17 - Yálá laawoo hɛɓɛ (dc)

¹⁷ Nwɔ ɲɛ̨nį mɛ̨nį, a pənə ə lɛɛ nwuɔ̨, nwɔ wɛa mɛ̨nįi tii ə pənə ə yɛɛ a nwun.

Yálá laawoo hɛɓɛ

¹⁷ Nwɔ ɲɛ̨nį mɛ̨nį, a pənə ə lɛɛ nwuɔ̨, nwɔ wɛa mɛ̨nįi tii ə pənə ə yɛɛ a nwun.

Bible

¹⁷ Ŋa pâi sɛɣɛ-fei tɛɛ̂i Yâwɛɛ pɔ́, kpɛ́ni fêi, a mɛni ŋá tèe a tɔ̃yâ-pere. Ŋa pâi laa ma tɛ wule toôi Ŋ̀ála Kɛ́tɛi Yâwɛɛ ma.

Mąątɛ̨nɛ̨ 7:17 Referans Kwoze

Mąątɛ̨nɛ̨ 9:2

Yai-Laa, gáá ə́ hɛɠɛɛɓoi, gwə́i tɔ̨nɔ̨ mɛ̨i, gaa pai ə́ kɛ mɛ̨nį ɲɛ̨i kɛnɛ̨ɛ̨ɠaa kəlee hu kulɔ.

Mąątɛ̨nɛ̨ 98:2

Yai-Laa aa nwɔ ɓalo mɛ̨nįi lɛ, aa nwɔ tələnmolaa too pɔ̨nɔ̨ ɲą, yɛnɛ̨ɛ̨ nuą diɛ.

Mąątɛ̨nɛ̨ 111:3

Gɛ mɛ̨nį kəlee lɛlɛɛi ɲɛ̨i pɔ̨nɔ̨ɔ̨, nwɔ tələnmolaa ə ɓo laa a yələ kəlee mɛ̨nį.

Danîa 4:34

Yii hu kɛa, ɲą́ą́ Nabukodonosorə, Yálái ŋɛ̨i gaa a yələkɔlɔn ɉu tɔɔmun, gáá mąąwiɛi, gɛ́ naa mąątɛ̨nɛ̨, gɛ kɛnɛ̨ laa tɛɛ bɔ. Yálái tii kɛ mɛ̨nįɠaa kəlee kaa a tɛ̨ą, nwɔ kpaaləɠaa kəlee haŋąąi. Nuąi da hiɛ a hu ɲąŋą kɛnɛ̨ pələ, a di mąąyɛɛ.

Mąątɛ̨nɛ̨ 92:8

Nwąnąlɔ nuą, di wɔ yɛnɛ̨ɛ̨ ɲąą ə mą nɛ̨ɛ̨ yɛ kala tiliin, mɛ̨nį ɲɔ̨n gɛ nuą kɛ mɛ̨nį hu ə mą kɛ nɛ̨ɛ̨i, gaa lɔ a di nwun na pili mɛ̨nį, ɲali bulu hvo mą.

Mąątɛ̨nɛ̨ 35:28

Nɛ̨́n a yɛ́ tələnmolaa hukulɔ, nááləi yɛ ə́ laa tɛ, a yələ kəlee da nwɔɔ.

Gɛlaɠaa 7:48

«Kɛlaa ə mą kɛ tii, hɛn gəlee mɛ̨imun, hva hee nu tɔɔ pɛlɛ́ mu. Yɛ bələi Yálá kwəi mɛ̨nį hukulɔ mun ə mo la, yɛ kɛ:

Mąątɛ̨nɛ̨ 51:14

'Málo mɛ̨nį ŋą kwəinɛ̨ɛ̨ too ɉú. 'Lii kpələ kili tɛɛ bɔ́.

Mąątɛ̨nɛ̨ 145:7

Mɛ̨inɛ̨ɛ̨ kpɛa kpɛai ə́ gɛ, di kaa pai kɛi mąą hɛli pui, diɛ ə́ wɔ tələnmolaa mąą kwəinɛ̨ɛ̨ kulɔ.

Mąątɛ̨nɛ̨ 92:1

Mąątɛ̨nɛ̨ wələ. A wələi da doo a túwɔ́ yələ.

Danîa 4:25

Mɛ̨nįɠaai tii kəlee laa ə hvɛɛ tɔɔmun Nabukodonosorə ɓa.

Danîa 4:17

Nwului tii ə́ gaa, yaai tii kɛ gɛnɛ̨i, nwalawalaa, gweaa yɛ tɛ yələkɔlɔn ma, yaai yɛnɛ̨ɛ̨ naakəlee nuą da pɛli kɛ gaai;

Nwun mąąɓo 9:24

Mɛ̨nį ɲɔ̨n ŋɛ̨i ə naa Yerubbalə lonnii pow mɛ̨ihvelɛi ɓa, mąą mɛ̨nį ɓa, di gɛ tii, ə gɛ, Abimelɛkə gaayɔwɔɠaai ŋɛ̨i ə di paa, di ɲąmą wulu ə lɛɛ nwuɔ̨; da Sisɛmə kalanɉonŋaai kpɔmąą tɛɛ bɔ, yɛ gaayɔwɔɠaa paa.

Nwun mąąɓo 9:57

Ɛlɛɛ, Yálá ə Sisɛmə nuą di wɔ túwɔ́ pələ ɲɔ̨n gwələ kulɔ diɛ. Yerubaalə lon Yotamə nwɔ nɛ̨ŋɛ̨n naai tii ə gɛ, pələ ɓə naa ə hon na.

Samia Veerɛi 3:29

Avnɛrə haa nwulu ə lɛɛ Ɉoabə da nwɔ pɛlɛ́i mu nu kəlee di nwuɔ̨. Ŋama kulɔ maa ɲɔ̨n, hvólóɲɔ̨n, luwɔlaa, mąąwɛli laa, mɛ̨nįɠaa tii maa hva kwɛa Ɉoabə nwɔ pɛlɛ́i ɓa, a wala kɛ tii, kɔ́ kɔ́ ɓɔwa.»

Tɔɔɓɛlaa dɔlɔɔ 2:32

Yai-Laa a Ɉoabə haa wulu lɛɛ Ɉoabə yaa kpinįi nwuɔ̨, yai tii nu hveelɛ paa, diɛi kɛ di haŋąą, di hviɛlaɓoɔ di tɛɛ mą, ə di paa a ɓɔwa, ną́n Davidə tɛɠii. Nu hveelɛi tii dɔ̨nɔ̨ ɓaa Nɛrə lon Avnɛrə, yai kɛ a Israɛlə kɔlaɠa nwun nąmu; veelɛnąą Yɛtɛrə lon Amasa, Ɉuda kɔlaɠa nwun nąmu.

Mąątɛ̨nɛ̨ 140:10

Nuąi daa kɔ́ hee mą́ą́, di hvo di nwun dɛ mą́ą́ mɛ̨nį hu, nwoo ɲɔ̨n da kɛ moi, 'ə yɛɛ a di nwun.