Mąątɛ̨nɛ̨ 69:33 - Yálá laawoo hɛɓɛ (dc)

³³ Kpɔwɔ mąą yɛɛ nuą da yili nąą kaa, da di kwəinɛ̨ɛ̨, Kaai Yálá kwɛlii, ka yíi ə kwɛa.

Yálá laawoo hɛɓɛ

³³ Kpɔwɔ mąą yɛɛ nuą da yili nąą kaa, da di kwəinɛ̨ɛ̨, Kaai Yálá kwɛlii, ka yíi ə kwɛa.

Bible

³³ Yâwɛɛ a ŋ̀oli tɔ̀ɔ diai dîa kpɔ̂ŋ mâa wɛ̂lii. Va ǹîa diai dîa kpini-pɛrɛ mui.

Mąątɛ̨nɛ̨ 69:33 Referans Kwoze

Mąątɛ̨nɛ̨ 68:6

Təlilɛa di Nąn ni, kalanįnŋaa di wɔ tɛ̨ą ɓomun ni, Yálá li! Bələ ɓə gaa la, nwɔ pɛlɛ́ mąąhəɠɛɛi mu.

Mąątɛ̨nɛ̨ 146:7

Nuąi daa hee di mɛ̨i a di wɔ tɛ̨ą ɓo, a kɔ̨nɔ̨n dɛɛ pulu lɛɠɛɠaa pɔ, Yai-Laa a gaho nąmįną lɛɛ di kpɔwɔ ɓa.

Mąątɛ̨nɛ̨ 12:5

A nuą tii da kɛ kɛi diɛ: «Ku laaləi a mɛ̨nį nɛ̨ɛ̨ kuɔ, ku nɛ̨n dɔɔi ku pulu, gbɛɛ ɓə ɲee a pɛli kuɔ, ə hee ku mɛ̨i?»

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

Ifisiɛŋ 3:1

Yili mąą mɛ̨nį ɓə, ɲą́ą́ Polə, a Jesus Kristə ŋą gaho nąmu, káái a huwu takpɛliɠaa, ká mąą mɛ̨nį ɓa.

Lukə 4:18

«Ną́mu nwɔ Kilii laai mɛ̨́i, aa ɉə́ɠə́ ɉu, əgɛ, ŋą wɛlɛɛ lɛlɛɛ laa həli mąąwɛli nuą diɛ. Ə dɔ́ɔ́, əgɛ, ŋą gaho nąmįną di wɔ nwun mąąɓo mɛ̨nį laa həli diɛ, əgɛ, ŋą ɲɛ̨ipu nuą ɲɛ̨i hvólón, əgɛ, nuąi di laanɔ̨nwɔ̨ ɓoɔ ŋą di nwun mąąɓo,

Mąątɛ̨nɛ̨ 102:20

Yai-Laa yɛ lɛɛ ɲəi bɛ́lɛ́n yələ kɔlɔn ɉu, yɛ nwun mąą ląŋąn, yɛ lɛɛ yələi, yɛ ɲɛ̨i pili lɔi mɛ̨i.

Mąątɛ̨nɛ̨ 102:17

Ɲələi Yai-Laa kaa pai pənəi yɛ Siɔn tɔɔ la, nuą da gaa mąąwiɛ̨ pələ hu.

Mąątɛ̨nɛ̨ 34:6

Nuąi da di ɲɛ̨i tinɛ̨n Yai-Laa pɔ pələ, di ɲɛ̨i a pɔ̨nɔ̨; nwumɛ̨ hva kɛa tɛ diɛ.

Mąątɛ̨nɛ̨ 10:17

Yai-Laa, yá mąąwɛli nuą liiɓa mɛ̨nį kɛ; yá di liikpələ, yɛ́ ə́ wəli tɔɔ di woo ɓa.

Azaya 66:2

Ɉɛnŋąąi tii kəlee di kulɔ ɲéé ŋą, gəlee kaa a nwɔ́ɔ́, Yai-Laa woo li, yɛi: Nui ŋą ɲɛ̨́i pili mɛ̨i ya ká: Kpɔwɔ mąąyɛɛmun, a yai tii nii yaliɛ gwəi, yai tii, nwóó a mąą kpɛlin.

Mąątɛ̨nɛ̨ 107:10

Daɠaa di kɛ kpinį hu, haa yeekɔn ma, di ɓo laanɔ̨nwɔ̨ hu kpɔnɔ̨ ŋą!

Mąątɛ̨nɛ̨ 22:27

Kpɔwɔ mąąyɛɛ nuą da kɔ̨nɔ̨n mįi, di pilɛ ɉu. Diɛi da Yai-Laa kwɛlii, da Yai-Laa laa mąątɛ̨nɛ̨. «Yíipoo, da yɛnɛ̨ɛ̨ ɲąąnɛ̨ɛ̨, 'di kɛ kaa!»

Mąątɛ̨nɛ̨ 34:3

Gwə́i kpɔ-kpɔɔ nɛ̨ɛ̨i Yai-Laa mąą mɛ̨nį ɓa, kpɔwɔ mąą yɛɛ nuą, ka nwóó mɛ̨n, 'ka kwəinɛ̨ɛ̨ kulɔ.

Amɔsə 5:4

Mɛ̨nį Yai-Laa ə mo Israɛlə nu huwu diɛ, ya ka, yɛ diɛ: Akɛ ka hvo bɔ ka hvo haa, ɲą́ą́ ɓə mąąnɛɛ ka pa bɔ́.

Amɔsə 5:6

Akɛ ka káá bɔ ka lɛɛ yɛnɛ̨ɛ̨, Yai-Laa ɓə mąąnɛ̨ɛ̨ ka pa bɔ. Ka wala yili kɛ tii, kaai ɓaa Ɉosɛfə huwuhu nuą, Yálá kaa pai mɛ̨nį laa kaa yɛ nwɔ̨n. Nwɔ̨n tii, a Betɛlə taa kəlee kələn. Nu ta hva pɛli nwɔ̨n tii luwun ɉi.