Mąątɛ̨nɛ̨ 68:5 - Yálá laawoo hɛɓɛ (dc)

⁵ 'Ka wələ too Yálá ɓa, 'ka naa tɛ a wələ woo nɛ̨ɛ̨! Nui tii tɛɛi nɔiɠaa hu, hoo mɛ̨i, 'ka naa tɛ. Naa ɓaa a Yai-Laa! 'Ka pili yələi níila, a kwəinɛ̨ɛ̨!

Yálá laawoo hɛɓɛ

⁵ 'Ka wələ too Yálá ɓa, 'ka naa tɛ a wələ woo nɛ̨ɛ̨! Nui tii tɛɛi nɔiɠaa hu, hoo mɛ̨i, 'ka naa tɛ. Naa ɓaa a Yai-Laa! 'Ka pili yələi níila, a kwəinɛ̨ɛ̨!

Bible

⁵ Ɣâla káa ŋɔkwaa maa waai ma. Gbáaŋɔɔ̂i dee-noŋ-ŋai mɛni ma, gɛ́ bɔɔ-nɛyãai maa kɔ̃ɔ.

Mąątɛ̨nɛ̨ 68:5 Referans Kwoze

Mąątɛ̨nɛ̨ 10:14

Ə́ wɛi, yá nu ɲɛ̨iyá da nwɔ mɔ̨nɔ̨ kaa, yá di kaa, yɛ́ di laa ə́ yee kpala, ɛlɛɛ, nui a mɔ̨nɔ̨ laa lowo, a gilitɔɔ yɛ́, Yɛ́ ɓə a təli ɓalo.

Ɉeremi 49:11

'Hvó ə́ liihɛlɛn ə́ wɔɔ təlilɛa mąą mɛ̨nį ɓa, ɲą́ą́ ɓə pai di kulɔi ɉu. Ə́ wɔɔ kalaninŋaa da pɛli di di kilitɔɔ mą́ą́.»

Dutɛrɔnome 10:18

A təli lon da kalanen di wɔ tɛ̨ąą kulɔ pɔ̨nɔ̨ ŋą, a nwɛ̨ą wɛlila kɛ, yɛ kɔ̨nɔ̨n dɛɛ bɔ da həɠə.

Ɉeremi 5:28

Di ɲɛ̨i wulɔ yɛ kulɔ, di koo a hee, di yee laɠin ŋąą nu kəlee mɛ̨i mɛ̨nį ɲɔ̨n gɛɛ hu. Di hva kɛa tɛ̨ą mąąwiɛ kiti tee lɔwai, di hva təlilon nwɔ tɛ̨ą mɛ̨nį ɲɛ̨i kulɔ, ə gɛ lɔ di hɛn ɉɔlɔɓo. Di hva mąąwɛli mun mąą mɛ̨nį ɲɛ̨i kulɔ.

Mąątɛ̨nɛ̨ 146:9

Yai-Laa a nwɛ̨ąą mąąkɔ̨nwɔ̨, a ɲee hee təlilon da kalanin di mu. A mɛ̨nį ɲɔ̨n gɛmun dɛɛ kpaalə hu kala.

Azaya 1:23

Ə́ nwun nąmįną daa di pulu tɔɔ mą́ą́, da nwuɔ̨ kuláaɠaa daa di yee pili gee hu, di kəlee, nɔgwəi hɛn mə nwɛli kaa diɛ, di hvilɛn ŋąą nɔgwəi hɛn gɔw pulu diɛ gwɛli, di hva mɛ̨nį haŋąą kɛ a təlilon, kalanin a mąą kanąn naa həli diɛ, diɛ di yee lɔ di wəlii.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Mąątɛ̨nɛ̨ 72:4

Nɔi lonnii yiiɠaai kɔ́lɔn və diɛ, di mąą tɛ̨ą ɓo, ə kɛ a yeehowolo nuą ɓalomun; yɛ toomɛ̨i kɛ nuą huwolo.

Mąątɛ̨nɛ̨ 10:18

Yɛ́ təlilon nwɔ tɛ̨ą ɓo, da nui daa hee mɛ̨i, ɛlɛɛ, nui daa mɛlɛ kpɛɛmą; hva kɛa hvaa mą, nu kan hvo mɛlan mąąɲɔw!

Kɔlɔnikɔ Veerɛi 6:2

Ɲą́ą́n, ŋą́ą́ pɛlɛ́ tɔɔ yɛ́, a tɔɔ pɛlɛ kpɔ-kpɔ, a pɛlɛ́i yá pɛli kɛi mu a yələ kəlee.»

Ifisiɛŋ 5:1

'Ká Yálá pɔɔ kɔɔn, hvo gaai, ká káá a nwɛlikɛmąą lonnii;

Azaya 66:1

Yai-Laa woo ka, yɛ diɛ: Yələ kɔ́lɔn mə gaa a nwɔ́ tɔɔ kpəlin, lɔi ə ɓo a gɔ́wɔ tɔɔi. Pɛlɛ́ lə kɛɛ kpɔ ɓə kɛa ka pɛli dɔɔi mą́ą́? Kɛɛnąą wolo lə kɛɛ kpɔ ɓə, ŋą́ pɛli vįi tɔɔi laa?

Mąątɛ̨nɛ̨ 72:2

Yɛ pɛli ə́ wɔ lɔi lonnii ɲąąwooɓoi la a tələnmolaa, ə mą kɛ mąąwɛli nuą, tɛ̨ą pələ mɛ̨i.

Mąątɛ̨nɛ̨ 33:14

Ɓɛi nwɔ tɔɔ kpəlin kaa laa, a lɛɛ laa, yɛ lɔi mɛ̨i nuą kəlee mąąkpɛɛ.

Kɔlɔnikɔ Veerɛi 30:27

Yili pulu, ɉaláá laa həli nuą da Levi lonnii di di muhəɠə, di lúwɔ́ too nɔi lonnii diɛ, di woo mąn, di wɔɔ hvɛliɓo ə həli yələ kɔ́lɔn mą, Yálá nwɔ mąąhəɠə laa hee pɛlɛ́.

Osia 14:3

'Ka woo lɔ ka la, 'ka pənə ka pa Yai-Laa pɔ, 'ka kɛ mą: «Ku ɲɛ̨imąąwɛli kaa, ə́ ə́ yee hee ku mu, nɛ̨ŋɛ̨n gəlee kulɔ kuɔ; nįŋɛ̨ hilɛɠaa hvə ku kaa pai gulɔi yɛ a haláá, Kɛlaa nwooɠaai lɔ da kulɔ ku la diɛ lɔ ɓə.

Dutɛrɔnome 26:15

Yili ɓa, yɛi tii ə́ kaa yələkɔlɔn ɉu, ə́ ɲɛ̨i lɛlɛɛ hee ə́ wɔ pɛlɛ mąąhəɠɛɛ ɓa. Yɛ́i ə́ kaa yələi, lúwɔ́ too Israɛlə ɓa. Ə́ wɔ nu huwui da nɔi ŋɛ̨i ə́ dɛɛ ku pɔ, yɛ bələi ə́ ə́ kwɛla la ku nąnni diɛ, nɔi ŋɛ̨i ɲįnįyá da kwɛi nwulɔ di kpoloon naai ɉu yɛ yá.

Lɛɛ gbɔwɔ ɓa 3:15

Yálá yɛ́ nwɔ̨nɔ̨ Moisə ɓa: «Lii ə́ kaa moi yá kɛ Israɛlə lonnii diɛ: Yai-Laa, ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ya ɓə dɔ́ɔ́ ka pɔ. Náá ka tii a yələ kəlee mɛ̨nį, ya ɓə da vɛ́li ɉu.

Mąątɛ̨nɛ̨ 118:19

'Ka tələnmo kponŋaa laa ɓo dɔ́wɔ, ŋį́ lɔ laa, ŋį́ Yai-Laa laa mąąwiɛ.

Mąątɛ̨nɛ̨ 150:6

Hɛn kpɔ a nɔ̨ɔ̨, 'ə Yai-Laa mąątɛ̨nɛ̨! 'Kánikookwəi!

Azaya 12:4

Mąą yələi tii, ka káá pai kɛi diɛ, 'Ka Yai-Laa hɛɠɛɛɓo, ka Naa tɛ, ka gɛ mɛ̨nį noloɓo yɛnɛ̨ɛ̨ nuą diɛ, 'Ka pənə nwɔ̨nɔ̨ kaa diɛ; Naa tɛɛi kpɔ ɓəɠə-ɓəɠə.