Mąątɛ̨nɛ̨ 68:13 - Yálá laawoo hɛɓɛ (dc)

¹³ Tɔɔɓɛlaa diɛ tɛɛ a gilɛ, kɔlaɠaɠaa diɛ di pu, di yəi bɛlɛ́n ɉɛngɔwɠaai ə́ di hon kɔ́ hu, Yɛ́ di ɲąąkwɛlɛ.

Yálá laawoo hɛɓɛ

¹³ Tɔɔɓɛlaa diɛ tɛɛ a gilɛ, kɔlaɠaɠaa diɛ di pu, di yəi bɛlɛ́n ɉɛngɔwɠaai ə́ di hon kɔ́ hu, Yɛ́ di ɲąąkwɛlɛ.

Bible

¹³ Zãâi ŋí da-ŋa ƃa tòloŋ pɔkɔɔŋ-ŋa mɛi pɛlɛ́ɛ a káne da gôo, goôŋ kɛ́ kɛ̀ yɛ̀rɛŋ-yɛrɛŋ yɛ̂ɛ gôo lɛ́lɛɛ-ŋa. Lé mɛni ƃé Ɣâla ŋɔnûai da-ŋa dí lɛ̀ɛ la m̀ala koraŋ lá a gɔ́i kɔ́ ɣelei?

Mąątɛ̨nɛ̨ 68:13 Referans Kwoze

Mąątɛ̨nɛ̨ 105:37

Ə nwɔ nuąi kulɔ laa, a di yeelaholoon ŋąą, hɛni da wali di ɓo di yəi, ɛlɛɛ, nu tai lɔpee hvo kalin, nwɔ nu huwui lɔwai.

Zɛnɛse 49:14

Isakarə kaa yɛ hoohvaalən, dɔ̨nɔ̨ɔ̨ ɉuwɔ ɓa, yɛ ɓo pɛlɛ́ni gala hveelɛ tinɛ̨ŋąą mą.

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Lukə 15:22

Kɛlaa, nąn ə mo nwɔ koló kɛ nuą diɛ, yɛ diɛ: ‹Ka pa a gbaawi lɛlɛɛ ɉa-ɉa ka doo gwaną, ka gbono too ɲee ɓa, ka kɔ́lɔ lɛlɛɛ lɔ gɔwɔ ŋą.

Lukə 15:16

Ə kɛ bɔ, gɔ̨nɔ̨n tii moiɠaa di kɛi mį́į́, yaa kpɛli ə da mį́į́, kɛlaa, nu ta hvo kɛi da tɛɛ bɔ.

Mąątɛ̨nɛ̨ 149:4

Mąąhɔlɔɓo Yai-Laa a tɔɔ nwɔ nuąi pulu, nuąi hvaŋą hvo di yəi, a kɔ́ nɛ̨ɛ̨ diɛ.

Mąątɛ̨nɛ̨ 81:6

Yɛnɛ̨ɛ̨ yíi ɓo bələ ta ka ti ə naa Ɉosɛfə nwuɔ̨, ɓɛlɔwai ə pɛlɛ la Eziptə lɔi ɓa, woo ta kaa tooi nwə́lii və́ gɔlɔn.

Mąątɛ̨nɛ̨ 74:19

'Hvó ə́ wɔ tonwələn tɛɛ lɔwɔi huwɔ pɔ, 'hvó ə́ kili kulɔ ə́ wɔ nuąi di wɔ mɔ̨nɔ̨i hu, di wɔ yɛnɛ̨ɛ̨ hu a yələ kəlee.

Nwun mąąɓo 5:16

Lə mɛ̨nį ɓa ka lɛɛ ka yei daatɛlɛɛ gala hu? Kaa ka wəli tɔɔ daatɛlɛɛɠaa təli túlu woo ɓa? Kɛlaa, Rubɛn nu huwu lɔwai, di kɛi mɛ̨nį hu yala di kee lɔwai, a ɉu kwɛaa.

Lɛɛ gbɔwɔ ɓa 1:14

Di yii kpəlin di la, a kóló walawalaɠaai di kɛi naa diɛ; diɛ ləɠi-pɔlɔ kulɔ diɛ gɛ a pɔlɔkɔw, diɛ ɓə kɛi di yəi ɲɛa kɛ, diɛ kóló huwu lɔpee laa di mɛ̨i a nwąnąlɔ pələ.

Korɛntə dɔlɔɔ 12:2

'Ká kili kaa ɉu, káá, ká kɛɛ hali yíi hu, ká kɛli lɔ li ká nwun ɉu kun ma, ɉaliɠaa tii di hva hvaa, di pɔ pələ.

Lonon mo 31:27

Ɉɛnŋąąi di di hon, di di ɲąąkwɛlɛ, bələ tɔ̨nɔ̨ ə lɛɛ nuąi li gɔ́ ɓa di yəi, bələ tɔ̨nɔ̨ ə lɛɛ nuąi lɛɛ nɔi di yəi.

Zasua 10:16

Dɔɔɓɛlaa lɔɔlii tii di pu, di di loo kwɛni wolo hu Makeda.

Nwun mąąɓo 5:19

Kanaan tɔɔɓɛlai kɛ a di yowoɠaa, di kɔ́ pɛlɛ Tanaakə ɓa, ɲá tonŋaai ŋɛ̨i kɛ Megido lɔi hu, di kwɛlɛ. Kɛlaa, di hvo kɔ́ hon nɔpee ta hɔlɔɓo, ə mą kɛ a wali.

Tɔɔɓɛlaa veelɛ 7:16

Gɛɛ tii, nuą di kulɔ Samari, diɛ li Aramə nuą di wɔ kɔ́ɓuwui la, diɛ hɛnŋąą həɠə. Yɛ bələi Yálá nwɔ nui ə mo la, di kɛi lɛɠɛ hunwɔ̨ kilə pow kɔ́w hveelɛ ya a walilə kwələ tɔ̨nɔ̨, diɛ kpai kilə pow hveelɛ kɔ́w nąąn ɲa a wali kwələ tɔ̨nɔ̨ yɛ bələi Yai-Laa ə mą la.

Azaya 33:23

Ə́ wɔ yɛliɠaa hu aa haa, di hvo kɛa gələn ɉiɛ hɛn ɉon ɉii a nwala walaa, di hvo kɛa húú pilii, nąąlɔwai, di kaa pai doomɛ̨i hɛn gɔwɠaa ɲąąkwɛlɛi la a gbulu kɛnɛ̨ɛ̨; kpɛlɛɠɛlɛn ɲɔ̨n gɛ nuą kəlee di kaa pai kɔ́ hon ɉɔlɔɓoi;