Mąątɛ̨nɛ̨ 67:2 - Yálá laawoo hɛɓɛ (dc)

² Yálá, 'ku mąąwɛli kaa, ə́ lúwɔ́ too kuɔ! 'Ə́ ə́ ɲɛ̨i lɛlɛɛ hee kuɔ

Yálá laawoo hɛɓɛ

² Yálá, 'ku mąąwɛli kaa, ə́ lúwɔ́ too kuɔ! 'Ə́ ə́ ɲɛ̨i lɛlɛɛ hee kuɔ

Bible

² a gɛɛ ŋ̀éniɛi su-ƃelai kélee dí ítûa-pere lɛ́lɛɛi kɔ́lɔŋ, ǹɔii-ŋûŋ-ŋai su-ƃelai kélee dí íƃalo-laa wala-wala-laai kɔ́lɔŋ.

Mąątɛ̨nɛ̨ 67:2 Referans Kwoze

Taitɔ 2:11

Mąąhɔlɔɓo, Yálá ŋą mɛ̨inɛ̨ɛ̨ aa too pono ɲą, yai a nu kan gəlee ɓalo mɛ̨nį nwun gulɔi.

Gɛlaɠaa 18:25

Daa kɛ mąąkwɛli gu Ną́mu nwɔ pə́lə́i ɓa, ɛlɛɛ, kalan mɛ̨nį kɛ pələ níí hu, bələi mąn Ɉaan nwɔ Mąąwaa mɛ̨nį lɔ ɓə ə kɛ a gɔlɔnŋąą la, ə kɛli nuą mąąkwɛli, yɛ Jesus mąą mɛ̨nį hukulɔ kpɔ a ɉąŋąnŋąą.

Lukə 3:6

Yálá nwɔ nwun mąąɓo laa yii aa dɛɛ, nu kəlee kaa pai gaai.»

Azaya 52:10

Yai-Laa kaa nwɔ huwalawala mąąhəɠɛɛi kulɔi pɔ̨nɔ̨ ŋą lɔi kəlee ɲɛ̨i ɓa, lɔi wəlin na kəlee kaa pai Yálá nwɔ ɓalo mɛ̨nį kaai.

Mąątɛ̨nɛ̨ 43:5

Níi wolo, ə́ kaa mąąwɛli hee ɓoi, yɛ́ ə́ wóó laa mɛ̨́i, lə mɛ̨nį ɓa? Ə́ kilitɔɔ Yálá ɓa! A tɛ̨ą, gáá nwɔ̨nɔ̨ pai Naa tooi a wələ, yai a nwún mąąɓomun, da nwɔ́ Yálá!

Gɛlaɠaa 13:10

Hulɔnu yɛ́ ɓə! Yɛ́i ə́ laahvɛɛ a gbąną-gbąną huwu kəlee da nwąnąlɔɔ, ə́ nąnį lon tii, tələnmolaa ɲowo kɛnɛ̨, hvó mɔ̨ɔ̨ pai kpɛlai ku Ną́mu Yálá nwɔ pələ haŋąai hukpinįn ɉi, a bələ haŋąnŋąąi ti?

Azaya 49:6

Yɛ mą́ą́: «Ə́ kɛ mɛ̨nį ɲə́i a nwɔ́ tímun, yɛ́ Ɉakɔbə huwu muhəɠə, yɛ́ pənə, yɛ́ pa a Israɛlə huwu kpəli, yili kolɔɔ ɓə, Ŋą́ą́ nwɔ̨nɔ̨ ə́ kɛ a huwu takpɛliɠaa di wɔ kɛɛ pɔ̨nɔ̨, lɔi kpɛlai kəlee yɛ nwɔ́ ɓalo mɛ̨nįi hɔlɔɓo ə́ yə́i.»

Mąątɛ̨nɛ̨ 117:2

Mąąhɔlɔɓo, bələi gu wɛli kaa la mą, yili kɛnɛ̨i, ɛlɛɛ nwɛi, ɉaŋąąi lɔ a yələ kəlee. 'Ka gu Yai-Laa mąąwiɛ. 'Kánikookwəi!

Gɛlaɠaa 22:4

Nuąi kɛ di hvilɛnŋąą kɛ bələi mɛ̨i, ŋį́ kɛli di mɔ̨nɔ̨ɓo, gɛ́ daɠaa paa, ŋį́ kɛli hinąą da nɛ̨ąą di pu yɛli ɓa, gɛ́ di too gaho ŋą.

Gɛlaɠaa 9:31

Nąąlɔwai, ə gɔwɔ tɔɔ Ɉude lɔi hu, Galile lɔi da Samari lɔi hu, gbɔn ə kɛ liilaa hu nąą kəlee, ɉu yɛ walawala, diɛ lɛɛ gu Ną́mu Jesus woo mu, diɛ tɛ tɔwɔ Kili-Mąąhəɠɛɛ háálai.

Maafîu 28:19

'Ka li yɛnɛ̨ɛ̨ nąą kəlee, ka nu kəlee kalan, ka di kɛ a nwɔ́ kalan nɛa. Ka di mąąwaa Ną́n Yálá da Non da Kili-Mąąhəɠɛɛ laa hu.

Mąątɛ̨nɛ̨ 4:7

Nu tamąą da kɛ kɛi diɛ: «Gbɛɛ ɓə pai yɛnɛ̨ɛ̨ ɲąąnɛ̨ɛ̨ lɛi kuɔ?» Yai-Laa, 'Ə́ ɲɛ̨ilai kɛɛ pɔ̨nɔ̨ ɓɛla ku mɛ̨i!

Mąątɛ̨nɛ̨ 41:5

Ŋą́ kɛi kɛ diɛ: «Yai-Laa, ɲɛ̨́imąąwɛli kaa, Ə́ málo mąąhɔlɔɓo ŋą́ą́ nɛ̨ŋɛ̨n ɉəɠə yɛ́.»

Danîa 9:17

Ną́mu Yálá, nɛɛnaa ŋɛ̨i gáá vəi yɛ́, gɛ́ ə́ hvɛli, ə́ wəli tɔɔ nwóó ɓa. Ə́ laa mąą mɛ̨nį ɓa, Ną́mu Yálá, ə́ ɲɛ̨i lɛlɛɛ hee ə́ hee pɛlɛ́ ɓa, yii di kaa mɛlɛkpɛɛi mąą.