Mąątɛ̨nɛ̨ 66:3 - Yálá laawoo hɛɓɛ (dc)

³ 'Ka kɛ Yálá ɓa: «Ə́ kɛ mɛ̨nįɠaa ɲɛ̨i mąą ɲɔwuɔi! Ə́ hvąŋą kɛnɛ̨ pələ, ə́ yowóɠaa daa di kpɔwɔ kɛ, a ə́ mąątɛ̨nɛ̨ nuą.

Yálá laawoo hɛɓɛ

³ 'Ka kɛ Yálá ɓa: «Ə́ kɛ mɛ̨nįɠaa ɲɛ̨i mąą ɲɔwuɔi! Ə́ hvąŋą kɛnɛ̨ pələ, ə́ yowoɠaa daa di kpɔwɔ kɛ, a ə́ mąątɛ̨nɛ̨ nuą.

Bible

³ Ka m̀ó Ɣâla ma kâai, “Íkɛ mɛni-ŋai mĩli-mĩliɛɛi. Wála-wala kpanaŋ káa íyêei. Íkpɔara-ƃelai dí tòo íkɔɔ mu a yao maa-pere.

Mąątɛ̨nɛ̨ 66:3 Referans Kwoze

Mąątɛ̨nɛ̨ 18:44

Yá gúlɔ nuą di wɔ ɲąąhɛn mɛ̨nįɠaa yee mu, yɛ́ ɉéé lɔiɠaa nwun na; nuąi kɛ və́ di kɔ́lɔn, diɛ tí mą́ą́.

Mąątɛ̨nɛ̨ 65:5

Nui yá dəli, a ə́ liiɓamun, nwun na nɛ̨ɛ̨i, gaa pai kɛi ə́ yəi bɛlɛ́n. Ku wɛi, ku kaa pai pilɛi, ə́ yəi bɛlɛ́n mɛ̨inɛ̨ɛ̨ɠaa hu, Yɛ́ pɛ́lɛ́i mu hɛnŋaa mąąhəɠɛɛɠaai hu.

Mąątɛ̨nɛ̨ 81:15

ŋą́ą́ mą kɛ nɛɛ mą, ŋą́ą́ ɲowoɠaa ɲɛ̨i paa, gɛ́ ɲéé pɛlɛ nuąi daa hee di mɛ̨i, diɛ.

Mąątɛ̨nɛ̨ 47:2

Nu kanŋaa, 'ka ka yee lɔwa, 'ka tómą Yálá pɔ pələ a kwəinɛ̨ɛ̨.

Ɉeremi 10:10

Kɛlaa, Yai-Laa nwɛi, yaa ɓə a Yálá; yii gaa a vulú, yɛ ɓo a tɔɔmun a yələ kəlee. A níiholi, lɔi a kpɛlin, yɛnɛ̨ɛ̨ lɔi ta hva pɛli tɔɔi nwɔ liiholi tɔwɔ.

Azaya 2:19

Ka lɔ gwɛni woloɠaa hu, ka lɔwa tee ka lɔ ɉu, ə gɛ, Yai-Laa nwɔ liiɲąnwąnąai pai, ka pu ka həɠə dɔwɔ, ka ka mąąkilɛ nwɔ nwąną kulɔ vaŋąi tɔwɔ, ɓɛlɔwai gaa pai muhəɠəi la, lɔi hutɔɔ mɛ̨nį ɓa.

Azaya 64:3

Mɛ̨nįi tii kɛ, di hvo ta bələ mąn ni, bələ hvo ta too li wəli ta hu, ɲɛ̨i kɔ́w hvo ta gaa li; ə kulɔ Ə́ pulu, yálá ta a ta aa mɛ̨nį taaleei tii kɛ, nui a gilitɔɔ mąą, yɛ mąą mɛ̨nį ɲɛ̨i kulɔ.

Mąątɛ̨nɛ̨ 76:12

Ka mɛ̨nįɠaa laakwɛlanmo, Yai-Laa ka wɔ Yálái ɓa, ka di pɔ mɛ̨nį kɛ; 'ka pa a ka wɔ hąmą pilɛɠaai Yálá mąąɲɔwuɔ pɔ, kaai kpɔ ti a gwɛlɛ nuąi.

Mąątɛ̨nɛ̨ 68:30

Tɔɔɓɛlaa daa pa, Ə́ wɔ tɔɔ pɛlɛ́i mąą pui, yai nwun nąŋąą Ɉerusalɛmə taa mɛ̨i.

Lɛɛ gbɔwɔ ɓa 15:21

Miriamə yɛ nwələ pili mą, mɛlaa diɛ hvaa mu; yɛ kɛ mą: Ka Yai-Laa mąą wələ too. Aa yeetɛɛmąą kɛ, Aa gbɔwɔ ɲɛ̨i pɔ̨nɔ̨. Ɉoo da mɛ̨i nuą, Aa di pili gboloyá hu.

Zôo 25:2

Yálá ɓə yeetɛɛmąą kaa ɲəi, da ɲɔw mąą laa. Ya ɓə a liilaa nwɔ yələkɔlɔn hu.

Mąątɛ̨nɛ̨ 18:45

Ŋą́ hvaa kpɔlɔ, diɛ lɛɛ nwoo mu, nwɛ̨ą diɛ pa diɛ di nɛ̨ɛ̨i gwɛli ɲə́i.

Azaya 25:3

Yili mąą mɛ̨nį ɓə nu huwu huwala walaai kaa Ə́ mąąwiɛi la, lɔi ɲąąwooɓo nuą di wɔ taai yɛ ɲɔw Yɛ́.

Azaya 40:26

'Ka ka ɲɛ̨i muhəɠə kpɔ ɲələi pələ, ka nąą kaa, gbɛɛ ɓə ɉɛnŋąąi tii pɛli? Ya ɓə di kpulu kəlee ɲąąkpɔn, yɛ di tɛi tɛi di təli a di laa, vaŋą kɛnɛ̨ pələ, ɉuwala wala pələ, ɉɛnŋąąi tii ta lɔpee hvo lɛɛ pulu.