Mąątɛ̨nɛ̨ 65:13 - Yálá laawoo hɛɓɛ (dc)

¹³ Lɔi pun ɉu-kpomóɠaa laa hvɛɛi a hɛngɔw, yeeɠaa kəlee diɛ di mąą yili, a kwəinɛ̨ɛ̨ kala tiliin.

Yálá laawoo hɛɓɛ

¹³ Lɔi pun ɉu-kpomóɠaa laa hvɛɛi a hɛngɔw, yeeɠaa kəlee diɛ di mąą yili, a kwəinɛ̨ɛ̨ kala tiliin.

Bible

¹³ M̀ála-ŋai da ƃûu ƃôi gbalaŋ-ŋai ŋá, zí-sãai díkɛ kpɛ̀tɛ ǹyée-ŋai loai. Zãâi ŋí kélee da wule tôo, díkɛ lii-nɛ̃ɛ kùla, díkɛ sɛɣɛ-fei tɛ̀ɛ Ɣâla pɔ́ yɛ̂ɛ núu-kpune.

Mąątɛ̨nɛ̨ 65:13 Referans Kwoze

Azaya 55:12

Mąąhɔlɔɓo, ka káá pai kulɔi a ka kwəinɛ̨ɛ̨, kaa pənə kaa li a ka wəli pulu laɠiɛ, yee tɔɔɠaa da yee kpukpuɠaa, di kaa pai tómąi a kwəinɛ̨ɛ̨, ka tɛɛ pələɠaa hu, kpomó hu wuluɠaa kəlee diɛ di yee lɔwai kaa.

Gɛlaɠaa 14:17

Ə mą kɛ ti, hvo kɛli kpɛla nwɔ mɛ̨inɛ̨ɛ̨ɠaa kɛi diɛ, hvo gaai, ə kɛli túlɔ́ kulɔ yələi yɛ pu ka mɛ̨i, yɛ nɔi ɲąąnɛ̨ɛ̨, əgɛ ɉihɛnŋaa diɛ lɛlɛ, yɛ ká pilɛ a kɔ̨nɔ̨n da kwəinɛ̨ɛ̨.»

Azaya 44:23

Yələ kɔ́lɔn, 'tomą a kwəinɛ̨ɛ̨, mąąhɔlɔɓo, Yai-Laa aa gɛ mɛ̨nį kɛ, 'ka ɓələn a kwəinɛ̨ɛ̨, lɔi mu pələ lɔiɠaa, yeeɠaa, 'ka tómą a kwəinɛ̨ɛ̨, ə mą kɛ wɛla, da ɉu wuluɠaa, mąąhɔlɔɓo, Yai-Laa aa Ɉakɔbə nwun mąąɓo, ɛlɛɛ aa nwɔ mąąwiɛ lɛ Israɛlə lɔi hu!

Azaya 30:23

Gaa pai kɛi tulɔ pui ka wɔ tíi ɓa, yai ka káá pai gɛi, gɔ̨nɔ̨n lɔi kaa pai dɛɛi, a kɛnɛ̨, yɛ lɛlɛ. Nąąlɔwai tii, kala tiliin nɛlɛɛɠaa hu ɓə, ka wɔ taatɛlɛɛɠaa da di laa mįi laa.

Zakari 9:17

Ee kə! Di kaa pai kɛi di nɛ̨ɛ̨ hu tai! Di kaa pai lɛlɛi-yee! Mɔ̨nun da lɔɔ di lɛlɛ pələ kaa pai, ɉilɛlɛa, da nɛ̨ɛ̨lɛa di kwəi nɛ̨ɛ̨i.

Ɉeremi 48:33

Moabə, ə wɔ kwəinɛ̨ɛ̨ hu kɛnɛ̨i gaa ə́ yəi ɲɛa kɔ́ɔɠaa hu, viɲə yɛɛɠaa hu, gəlee kpɛɛ li. Nu huluun nwoo hva kɛa tɔɔ viɲə lɔɔɠaa pɛlii.

Azaya 52:9

'Ka tomą a gee a kwəinɛ̨ɛ̨ woo, kaai a Ɉerusalɛmə taa kpoloonŋaa, mąąhɔlɔɓo, Yai-Laa kaa nwɔ nu huwui liilaai, gaa Ɉerusalɛmə nwun mąąɓoi.

Azaya 35:10

Nuąi Yai-Laa ə di nwun mąąɓo, di kaa pənəi diɛ pa, di kaa pai kɛi lɔi Siɔn, diɛ tómą a kwəinɛ̨ɛ̨, diɛ yɛlɛ a kwəinɛ̨ɛ̨ huwu yii nu hva pɛli ɉukulɔi, nwun na nɛ̨ɛ̨ da kwəinɛ̨ɛ̨ di kaa pai di laa kwiɛn ɉii, liikələn gwəi da wɔlɔ woo diɛ pu a gilɛ.

Mąątɛ̨nɛ̨ 144:13

Ku wɔ mɔ̨nun gələɠaai laahvɛɛi, di laahvɛɛi kpɔ kɔ́n kɔ́n a kɔ̨nɔ̨ ɉuwu kəlee. Ku wɔ taatɛlɛɛɠaai diɛ di kaa a waa, di ɓo a waa kpulu tamąą ku wɔ yɛɛ kɔ́wɔɠaai hu.

Mąątɛ̨nɛ̨ 72:16

Nɔi ə lɛlɛ, tíi ə kɛ nąą kəlee gbɛlai hvo kɛ mą, mɔ̨nun gbala yɛ yee tɛ yɛ dumon, yɛ Liban yee; nu kan ɲąą ə nɛ̨ɛ̨ daa kwəi, yɛ kala tiliin.

Zôo 36:31

Di hu ɓə a yɛnɛ̨ɛ̨ nuą kiti tee laa, yɛ kɔ̨nɔ̨n dɛɛ nuą pɔ kɛnɛ̨ɛ̨.

Azaya 49:13

Yələ kɔ́lɔn, 'tómą a kwəinɛ̨ɛ̨, lɔi, 'ə́ mąną, yeeɠaa, 'ka tómą kpɔ a kwəinɛ̨ɛ̨ kɛnɛ̨, mąąhɔlɔɓo, Yai-Laa kaa nwɔ nuąi lii laai, di mąąwɛliɛi kɛ, aa di ɲɛ̨imąąwɛli kaa.

Zooɛ 2:22

Lɔwɔ huwɔɠaa! Ka hvo kɛa ɲɔw! Lɔwɛi kalaɠaa daa tɛlin wuluɠaa daa ɓa. Ɓɔɔlaa wulu da viɲəɠaa yeelaa aa hvólóon.