Mąątɛ̨nɛ̨ 64:5 - Yálá laawoo hɛɓɛ (dc)

⁵ Diɛ kwəi kwələmun mon na dɛɠii. Da di wɔ tɔ́nwąɠaai pili nu tɛɠii, ɲɔw kpɛli hva kɛ di hu.

Yálá laawoo hɛɓɛ

⁵ Diɛ kwəi kwələmun mon na dɛɠii. Da di wɔ tɔ́nwąɠaai pili nu tɛɠii, ɲɔw kpɛli hva kɛ di hu.

Bible

⁵ Da díkîe-ni líi kùla mɛni nyɔ́mɔɔ kɛ́ mɛ̂ni ma. Da kɛ̂ mɛni kpɛtɛɛ kɛ̂i é pîlaŋ ƃɛ́i ma da pâi dí loo-ƃarei tɛ̂i naai, gɛ́ ƃò díkili ŋá a gɛɛ núu da fé pâi dí kâai.

Mąątɛ̨nɛ̨ 64:5 Referans Kwoze

Mąątɛ̨nɛ̨ 140:5

Yai-Laa, gúlɔ nwąnąlɔmun ɲəi, mą́ą́kɔ̨nwɔ̨ wɛamun ɲəi a diɛi tii dóó mɛ̨nį mąą kiliŋąhiɛ lɔ ɓə diɛ.

Mąątɛ̨nɛ̨ 10:11

Yɛ kɛ gwəi pələ: «Yálá aa lɛ̨ą yili ɓa, aa ɲįnąą kpulu, hvo mɛ̨nį lɔpee ta kaai.»

Izikiɛ 8:12

Yɛ mą́ą́: «Hulɔnu lon, mɛ̨nįi Israɛlə pɛlɛ́ mu kalanɉonŋąą kaa gɛi kpinįi, nu kəlee ə ɓo ɲəi bɛlɛ́n yɛ kwɛli hvilɛn ŋą hali ɓa, yaa naa kaa? Da kɛ kɛi diɛi; Yai-Laa hva pɛli ku kaai. Yai-Laa aa kulɔ nɔi.»

Mąątɛ̨nɛ̨ 94:7

Diɛ kɛ diɛ: «Yai-Laa hvo nąą kaai, Ɉakɔbə nwɔ Yálái kili hvo mɛ̨nį ta hu!»

Mąątɛ̨nɛ̨ 59:7

Yələ wilii pɔ, da kɛi pai, diɛ hvaa nwɔ̨ɔ̨, yɛ yilɛlɛa, diɛ lia tɛɛ daa pɔ.

Zôo 22:13

Yá kɛ diɛ: «Lə ɓə Yálá ə gɔlɔn? A pɛli mɔ̨ɔ̨ ə kiti tee tulɔ kpinįn bulu?

Azaya 41:6

Nuą diɛ kpɔn mąą tɛɛ di kee pɔ, diɛ kɛ di kee ni diɛ: «'Gɛ a hulɔnulaa.»

Mąątɛ̨nɛ̨ 124:7

Yɛ bələi nwɛ̨nį a ɓɔ la nwɛ̨nįkpɛmun nwɔ diŋɛ̨n nwolo ɓa, bələ kpɔlɔ ɓə ku kulɔ la ɉu, diŋɛ̨n nwolo ə tee mą, ku pu.

Lonon mo 22:6

Nɛ̨ɛ̨ yɛ́ nąn! Pa, ə́ nu huwui tii nɛ̨ŋɛ̨n naa; mąąhɔlɔɓo, di hvaŋą kɛnɛ̨i di tɛɛ kuɔ. Akɛ yá di nɛ̨ŋɛ̨n naa, ɲéé a pɛli tɛɛi diɛ, ŋą́ di kpɛ nɔi. Mąąhɔlɔɓo, ŋį́ gɔlɔn gɛ́, nui yá lúwɔ́ too mą, doɔ li mą; nui yá nɛ̨ŋɛ̨n naa, nɛ̨ŋɛ̨n naa li.»

Lɛɛ gbɔwɔ ɓa 15:9

Ku yowoɠaa di kɛ diɛ: «Ku kaa hvilɛn ɉii di pulu, ku di hon, ku kaa lii ku wɔ kɔ́ pulu hɛn ɉəɠəi, yɛ bələi ku kaa la bɔ, ku kaa ku wɔ kɔ́-kɔ ɓɔwai yalai daa hu, ku yee kaa pai pɛli diɛ.»

M̀ɛni-lɛɛi 11:10

Lɔi mɛ̨i heeɓo nuą di kaa pai kwəinɛ̨ɛ̨ kulɔi di haa mɛ̨nį ɓa, da kɛ kwəinɛ̨ɛ̨ hu, diɛ mɛ̨inɛ̨ɛ̨ kɛ di kee ɓa, mąąhɔlɔɓo, Yálá kwəi mɛ̨nį hukulɔ nuą hveelɛi tii, di kɛli mɛ̨nį laa diɛ.

Maafîu 23:15

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, ka hiɛ lɔi mɛ̨i nąą kəlee da gboloyá ŋą nąą kəlee, ə gɛ, ka nu tɔ̨nɔ̨ hɔlɔɓo ə kɛ a ka wɔ kalan non. Ka ɉɔlɔɓo, ka galan ə kɛ nui da tinąą bili ɉahanąmą nwɔ̨n ɉu, nwɔ mɔ̨nɔ̨i ə kɛnɛ̨ a ɉeei hveelɛ, ə tɛɛ ka wɛi ɓa.

Zɛnɛse 20:13

Ɓɛlɔwai Yálá ə gúlɔ la ną́n ɲəi bɛlɛ́n, ə vílɛn lɔi mɛ̨i, Nąąlɔwai, ŋį́ kɛ nɛ̨́ą ɓa: ‹Ɓɛi lɔpee gwa li laa, kɛ diɛ gáá a ə́ mąąhulɔnu.›»

Nwun mąąɓo 20:22

Israɛlə nuą di di lii kpələ, ɓɛi lɔ tii di kɛ laa a voló dɔlɔɔ, di lɛɛ laa, di hvo pu.