Mąątɛ̨nɛ̨ 63:9 - Yálá laawoo hɛɓɛ (dc)

⁹ Ŋą kanąn yɛ́ a níi kəlee, Yɛ́n, yáá ə́ ɓa-mįi-yee too ɉú.

Yálá laawoo hɛɓɛ

⁹ Ŋą kanąn yɛ́ a níi kəlee, Yɛ́n, yáá ə́ ɓa-mįi-yee too ɉú.

Bible

⁹ Diai kɔ̂i a gɛɛ dí ŋáfulu-laai su karai, da pâi saâi.

Mąątɛ̨nɛ̨ 63:9 Referans Kwoze

Mąątɛ̨nɛ̨ 55:15

Nɛ̨ɛ̨laa ɲąąnɛ̨ɛ̨ aa kɛ gu yili gu kee ɓa, gu ɓo gu kee pɔ Yálá yəi bɛlɛ́n guɔ hiɛ gu kee pɔ.

Mąątɛ̨nɛ̨ 40:14

Yai-Laa, hvaamą ə́ gúlɔ ɉu, 'pa kilɛ mą́ą́, Yai-Laa.

Mąątɛ̨nɛ̨ 9:17

Yai-Laa aa gbɔwɔ lɛ, aa gití hu woo ɓo, nui hva kulɔ nwoo ɓa, gbɔwɔ kpįnįi hɛlɛn lɔ ɓə, yá ɉon na.

Mąątɛ̨nɛ̨ 86:13

Mąąhɔlɔɓo yáá nwɛ́lilakɛ kɛnɛ̨, ɛlɛɛ, yáá gúlɔ ɲąmuątaa yəi.

Samuɛlə dɔlɔɔ 25:29

Nuą daa di muhəɠə nwɔ́ mɛ̨nį Nąmu laa ɓa, di hvilɛnŋaa bulu, ə gɛ di baa, kɛlaa di ma gɛ tii, nwɔ́ mɛ̨nį Nąmu nwɔ yɛnɛ̨ɛ̨ a lɛɛ Yai-Laa ə́ wɔ Yálá yəi, ə naa hɔn mo. Kɛlaa, ə́ yowoɠaa di wɔ yɛnɛ̨ɛ̨ nwɛi, Yai-Laa a naa vingwɛni hu, ə bili kpɔ kwɛa la.

Azaya 14:19

Kɛlaa ə́ wɛi, daa ə́ pili kwɛaa la, hvó ə́ wɔ kámąi kwɛlɛ, yɛ yəikalalon a nu lii muhəɠə, yɛ nui di baa a ɓɔwa kwɛaa, diɛ ɓɔ di hu, diɛ di pili kwɛni woloɠaa hu, gəlee daa pu ə́ mɛ̨i, yɛ nu powai di kaa dan ɉii a di kɔ́wɔ.

Azaya 14:15

Gɛ pələ kaa ləi yai, yáá yɛɛ lɔi mu pələ, yáá yɛɛ kpɔ ɲɔ̨muątaa kpon ɉu.

Azaya 14:9

Ə́ pa mɛ̨nį bələ mɛ̨n ɲąmuątaa ə mo, níi kaa kulɔi mą, yɛ haa nuą nwun, ə́ laakwiɛn mɛ̨nį ɓa, yɛ yɛnɛ̨ɛ̨ tɔɔɓɛlaa kəlee həɠə di wɔ tɔɔkpəlin hu.

Mąątɛ̨nɛ̨ 70:2

Ee kə Yálá! 'Pa kilɛ mą́ą́! Yai-Laa, 'málo ɉa!

Mąątɛ̨nɛ̨ 55:23

Yɛ́ tiɛ̨i tɛ Yai-Laa nwuɔ̨, ə ə́ laa hon mu, yɛ ə́ hvąŋąlɔ, hva tələnmomun nɛɛ laa, a yələ ta, hvo too.

Mąątɛ̨nɛ̨ 38:12

Nwə́likɛmąą nuą, da nɛ̨́ɛ̨́yɔwɔɠaa, daa di mąąkwɛa nwóólaa woo ɓa, ŋą́ nuą daa di mąąkwɛa mą́ą́.

Mąątɛ̨nɛ̨ 35:26

Nuąi kpɔ nwɔ́ mɔ̨nɔ̨ kaa a di kwəinɛ̨ɛ̨ mɛ̨nį, 'nwumɛ̨ ə gəlee ɲɛ̨i paa a gee! Nuąi kpɔ tii kɛi di nwun dɛ, nwumɛ̨ da ɓáá-kulɔmąą, ə kɛ a di mąą həɠə!

Mąątɛ̨nɛ̨ 35:4

Nuąi di hvilɛnŋąąi nwɔ́ yɛnɛ̨ɛ̨ pulu, nwumɛ̨ ə di ɲɛ̨i paa, di ɓɛlɛ ə too! Nuąi di kiliŋąhiɛi mą́ą́ a ɲɔ̨nwɔ̨ɔ̨, ɓáá ə kulɔ diɛ! Di li di pulu pələ a nwumɛ̨.

Zôo 40:13

Ə́ gəlee lɔ pɔlɔ mu, ə́ gəlee too haa gaho ŋą.

Gɛlaɠaa 1:25

ə gɛ, mąą nu ə kɛ a Ɉudasə mąąhvalən, ə́ diɓoi ŋɛ̨i ə́ dɛɛ ku pɔ ɉu; yaai Ɉudasə ə nąą lɛɛ laa, yɛ li ɓɛi gaa bɔ.»

Samuɛlə dɔlɔɔ 28:19

Ə lɛɛ, Yai-Laa kaa pai yɛ́ ka Israɛlə ka lɔi Filisti nuą yee ŋą. Tínąą, yɛ́ ka ə́ lonnii ka káá pai kɛi bɔ́ haaɓɛlaa taa. Israɛlə kɔlaɠaɠaa diɛ kpɛli, Yai-Laa aa di lɔ Filisti nuą yee ŋą.»

Mąątɛ̨nɛ̨ 18:36

Ya yɛ́ kwɛli-gbalai tɛɛ bɔ́, yɛ́ ə́ ɓa-mįi-yee pu mú, yɛ́ gɛ́nɛ̨ a mą́ą́ mɛ̨nį ɲɛ̨i kulɔ pələ ə́ yəi.

Wɛli 8:5

Nɛ̨ɛ̨non nɛlɛ ɓə ŋɛ̨i həɠəi nɔi pun ɉu pələi, ɲee ə ɓo nwɛlikɛmąąmun ɲəi? Gu həliɛ mangolon nwulu mu, ɓɛi ə́ lee əí mąą koo həɠə laa, ɓɛi ə́ lee əí hɔlɔɓo laa, ŋą́ ə́ nwun naa.