Mąątɛ̨nɛ̨ 63:1 - Yálá laawoo hɛɓɛ (dc)

¹ Davidə nwɔ wələ. Ɓɛlɔwai ə kɛ la Ɉuda lɔi pun ɉu.

Yálá laawoo hɛɓɛ

¹ Davidə nwɔ wələ. Ɓɛlɔwai ə kɛ la Ɉuda lɔi pun ɉu.

Bible

¹ Óo Ɣâla, Ŋáɣâlai nɔ́ ƃa yá. Yá nɔ́ ƃé ŋà í fɛ̀lîi. Ímaa mɛni kpanaŋɔɔ̂i ḿâ, yɛ̂ɛ lɔii kpâla mà ƃɛ́i yá fé naai.

Mąątɛ̨nɛ̨ 63:1 Referans Kwoze

Mąątɛ̨nɛ̨ 143:6

Gáá ɲə́ə́ hąŋąi ə́ pɔ pələ, ɲą́ą́ ka ɲɛ̨i ə́ lííla, yɛ lɔi ɉu aa kpala a yá wɛli.

Mąątɛ̨nɛ̨ 84:2

Yai-Laa Mɛ̨nį Kəlee ŋą Hééɓomun, ə́ wɔ pɛlɛ́ɠaai wɛli kaa nuą diɛ kɛnɛ̨!

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Mąątɛ̨nɛ̨ 91:2

Ŋą́ kɛ Yai-Laa ɓa, «Yɛ́ ɓə a mą́ą́kilɛi, mą́ą́kpɛ taa ɓaa Yɛ́, Yɛ́ ɓə a nwɔ́ Yálái, gílitɔɔi mą!»

Lɛɛ gbɔwɔ ɓa 15:2

Yai-Laa ɓə gaa a nwɔ́ huwalawala da nwɔ́ wələ, gaa a málomun, gaa a nwɔ́ Yálá, Ya ɓə ŋą́ Naa tɛ. Ną́n nwɔ Yálá li, gáá mąą wələ tooi.

Mąątɛ̨nɛ̨ 5:3

Ə́ təlii gáá moi, ə́ wəli tinɛ̨n bɔ́ pələ, nwɔ́ tɔɔmun, nwɔ́ Yálá! Yɛ́ ɓə gáá ə́ təlii.

Azaya 41:18

Lɔiɠaai kɛ di hu kpalaa, gáá pai ya kpɛa-kpɛa laai laa, gɛ́ lɔi pun mąąpənə a powa, gɛ́ yá nwun gulɔiɠaa kɛ ɓoloonŋąą hu, gɛ́ lɔi hu kpalaa mąąpənə a ya lɔi.

Ɉaan 7:37

Ɉɛli hvóló kpəli, ɓə kɛ a volói tii ɓə kɛ mąą mɛ̨nį nwąnąą; Jesus ə haŋą ə tɔɔ nu kpului tii kəlee ɲɛ̨i ɓa, yɛ diɛ: «Nui kpələ wɛli kaa mą, ə pa bɔ́ ə gbələ.

Mąątɛ̨nɛ̨ 118:28

Yɛ́ ɓə ə́ kaa a nwɔ́ Yálá, ŋą́ ə́ laa mąąwiɛ, nwɔ́ Yálá, ŋą́ ə́ laa tɛ.

Hanwon 8:17

Nuąi da nwɛ́lilakɛ, diɛ gwɛ́li a di lii kəlee, da gáá.

Mąątɛ̨nɛ̨ 143:10

Mą́ą́kwɛli a ə́ liiɓa kɛ pələ, mąąhɔlɔɓo yɛ́ ɓə a nwɔ́ Yálá, ə́ wɔ Líinɛ̨ɛ̨gwəi laa, ə də́nən dɔɔ pələ lɛlɛɛ mɛ̨i.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Osia 5:15

Gáá pai lií, gáá pənəi ŋį́ li bɔ́ɔ́li, ə lɛɛ ɉu, di hvaa di hɔn ma, ɛlɛɛ, diɛ ɲɛ̨ilai gwɛli. Mɔ̨nɔ̨ kaa pai wiɛi diɛ, di kaa pai hvilɛn ɉii, diɛ gwɛ́li.

Mąątɛ̨nɛ̨ 78:34

Yálá a kɛi di paa ti, di kɛi gwɛli, diɛ di hɔn mąąpənə, diɛ tinɛ̨n bɔ pələ.

Mąątɛ̨nɛ̨ 42:11

Gɔ́lɔ́ kəlee aa kpɔną mą́ą́, ɲówóɠaa diɛ nálán, da tuwɔ lɔ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 31:14

Náá kala nuą woo kaa tooi nwə́lii, yili yɛ gwɛ́lɛ nuą mąąɲɔw; daa pɛli mɛ̨nį tɔ̨nɔ̨ hu náá ɓa, diɛ di nwundɔɔ a mą́ą́ mɛ̨nį, diɛ di nwɔ́ yɛnɛ̨ɛ̨ kulɔ ɲə́i.

Zôo 8:5

Akɛ ə́ wɛi ə́ kaa Yálá kwɛlii, yɛ́ nɛ̨ɛ̨mą hvə Huwalawala Kəlee Nąmu ɓa,

Samuɛlə dɔlɔɔ 22:5

Yələ ta, Yálá kwəi mɛ̨nį hukulɔ mun Gadə yɛ Davidə ɓa: «Hvo lɛɛ ə mąąkilɛ pələi, pənə ə́ li Ɉuda lɔi hu.» Davidə ə pənə ə lɔ Ɉuda lɔi hu, ə li ə hee Hɛrɛtə nwɛla hu.

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Ɉeremi 31:1

Yai-Laa woo ka, yɛ diɛ: «Ɲələ a pa həlii, gáá pai kɛi a Israɛlə pɛlɛ́ɠaa kəlee di wɔ Yálá, diɛn, di ɓo a nwɔ́ nuą.»

Azaya 35:7

Powa yɛ hee ɓɛi kɛ nąą kpalaa kpɔ kən kən, yánwun ɲɛ kulɔ ɓɛi kɛ a kpələ wɛli lɔi, ɓɛi kɛ a kwɛni lɔi, mąą kaa pai pənəi a wɛla lɔi.

Lɛɛ gbɔwɔ ɓa 17:3

Kpələ wɛli ə nuą hon gɛɛnąą tii ɓa, diɛ hvaa di nwun ɉu Moisə ɓa, diɛ kɛ mą: «Ə́ ku kulɔ Eziptə lɔi hu lə mɛ̨nį ɓa? Akɛti, ku lɛɛ mɛ̨nį laa kuɔ haa a kpələ wɛli ɓə, kuɔ, ku lonnii da ku wɔ taatɛlɛɛɠaa?»

Ɉaan 20:17

Jesus yɛ mą: «Hvó kanąn mą́ą́, mąąhɔlɔɓo, və́ nii tɛ li Ną́n bɔ yələi. Kɛlaa, li ya Ną́n nonnii kaa ə́ mo diɛ, yɛ diɛ: Gáá li Ną́n da ka Nąn bɔ, nwɔ́ Yálá da ka wɔ Yálá pɔ.»

Mąątɛ̨nɛ̨ 119:81

Ɲɛ̨́i aa lɛɛ málo yələ tɔwɔ ə́ yəi! Vį́į́ kəlee aa kpɛɛ! Kɛlaa, gílitɔɔi lɔ ə́ woo ɓa.

Maafîu 12:43

«Akɛ ɲį́nɛ̨n ɲɔ̨nwɔ̨ɔ̨ a həɠə nu ta pulu, a li yɛ kɛɛnąą lɛlɛɛ ta kwɛli ɓɛi mąąnɛ̨ɛ̨ ə vįitɔɔ laa. Akɛ a wala kɛɛnąą ta hɔlɔɓo,

Azaya 32:2

Di tɛi tɛi kaa pai kɛi a nu mąąkilɛi, hvaŋą tɔwɔ; di ɓo a tulɔ teen ɉii. Di kaa pai kɛi yɛ tɛɛyáɠaa gbáli kələn ɉu; yɛ kwɛni kɛnɛ̨ɛ̨ nįnį́n lɔi hukpalaa hu.

Wɛli 5:8

Ə həli kaa Ɉerusalɛmə nɛ̨ɛ̨lɛa! Nwą́nąi ka ŋɛ̨i gaa moi kaa-o; Ka li ka nwɔ́ wɛlii kaa, ka kɛ mą lə? Ka kɛ mą: Wɛlikɛmąą ka ŋɛ̨i aa ɲɔ̨n bɛlɛ mą́ą́. Ka gaa ka mo tii mą.

Samia Veerɛi 15:28

Hvo gaai, gáá pai lamuni woloɓo nɔi pun ɉu, gɛ́ nąą mąąkpɔn, ə lɛɛ la ɉu, gɛ́ ka wɔ wɛlɛɛ hɔlɔɓo.»

Kɔlɔnikɔ Maa-ŋuŋ 16:14

Ya ɓə gaa a Yai-Laa, gu wɔɔ Yálá, Ya ɓə a lɔi kəlee ɲąąwooɓomun.