Mąątɛ̨nɛ̨ 62:5 - Yálá laawoo hɛɓɛ (dc)

⁵ Mąąhɔlɔɓo, di kwəi kiliɠaa kaa lɔ a nu ɓowo mɛ̨nį, di liiɓa ɓaa diɛ lɛɛ kɛ, da lúwɔ́ too a di laaləi, diɛ nɛ̨ŋɛ̨naa kɛ, di kwəi pələ.

Yálá laawoo hɛɓɛ

⁵ Mąąhɔlɔɓo, di kwəi kiliɠaa kaa lɔ a nu ɓowo mɛ̨nį, di liiɓa ɓaa diɛ lɛɛ kɛ, da lúwɔ́ too a di laaləi, diɛ nɛ̨ŋɛ̨naa kɛ, di kwəi pələ.

Bible

⁵ Ɣâla ǹyaa tɔ̂nɔ nɔ́ ƃé ŋ́gili tɔɔ̂i ma. Kili kɛ-zu káa ńyêei m̀ɛni ma.

Mąątɛ̨nɛ̨ 62:5 Referans Kwoze

Mise 7:7

Kɛlaa nwɛ́i, ɲɛ̨́i kaa Yai-Laa tɔwɔ, gílitɔɔi ɓə Yálá ɓa, málomun ni. Nwɔ́ Yálá kaa pai nwóó mu hon ɉii.

Mąątɛ̨nɛ̨ 42:11

Gɔ́lɔ́ kəlee aa kpɔną mą́ą́, ɲówóɠaa diɛ nálán, da tuwɔ lɔ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 71:5

Yɛ́ ɓə gílitɔɔ yɛ́, Yai-Laa Nąmu Yálá, ə həɠə múhəɠə yələ ɓa, yɛ́ ɓə ya nwéli pulu lɛɛ a naɠiɛ.

Mąątɛ̨nɛ̨ 104:35

Nɛ̨ŋɛ̨n ɉəɠə nuą 'di kpɛɛ lɔi mɛ̨i, nuąi di hva kulɔ di woo ɓa, 'di hvo lɛɛ yɛnɛ̨ɛ̨! 'Lúwɔ́ kɛ Yai-Laa ɓa, nį́į́ wolo! 'Kánikookwəi!

Mąątɛ̨nɛ̨ 104:1

Nį́i, Yai-Laa mąąwiɛ, Yai-Laa nwɔ́ Yálá! Ə́ kɛnɛ̨ɛ̨i tai! Ə́ mąąyiliɛ a lɛlɛ da ɲɛ̨ipono.

Mąątɛ̨nɛ̨ 43:5

Níi wolo, ə́ kaa mąąwɛli hee ɓoi, yɛ́ ə́ wóó laa mɛ̨́i, lə mɛ̨nį ɓa? Ə́ kilitɔɔ Yálá ɓa! A tɛ̨ą, gáá nwɔ̨nɔ̨ pai Naa tooi a wələ, yai a nwún mąąɓomun, da nwɔ́ Yálá!

Filipə 1:20

Yɛ bələi ɲɛ̨́i kaa la dɔwɔ a nwalawalaa, gílitɔɔ la mą, və́ pai nwumɛ̨i, kəlee, nwɔ́ kilitɔɔmąą laa kaa kpɔlɔɔ ɲee tɔ̨nɔ̨ mɛ̨i, yiihu, ə mą kɛ, a yələ kəlee, Kristə laa kaa pai tɛi ŋą́ yɛnɛ̨ɛ̨ hu, a pɛli ə kɛ, vúlú kɔwɔ ɲą, awala kɛ tii, a ɉáá mɛ̨nį.

Habakukə 2:3

Mɛ̨nįɠaa ŋɛ̨i ŋį́ nɛ yɛ́ nąąlɔwai hvo ni həli li. Kɛlaa, lɔwai yii bɛliɛ mą a həli, nwɔ tɛ̨ą kaa pai kɔ́lɔn ɉi. Ə́ liikpələ, ə́ nąą mąąkpɔn a kilitɔɔ mąą laa. Ə mą kɛ ɉu kwɛai ə́ ɲɛ̨i ɓa. Mɛ̨nįi ŋį́ mo, a kɛ. A kɛ, a tɛ̨ą ɉu hva kwɛa.

Mąątɛ̨nɛ̨ 146:1

'Kánikookwəi! Nį́į́ wolo, Yai-Laa mąątɛ̨nɛ̨.

Mąątɛ̨nɛ̨ 37:34

'Ə́ kilitɔɔ Yai-Laa ɓa, lɛɛ nwɔ pələi mɛ̨i; gaa pai ə́ kɛnɛ̨i, yɛ́ lɛɛ a nɔi nąmu, ə́ kaa pai nu ɲɔ̨nwɔ̨ɔ̨ɠaa kaai diɛ di kulɔ a di nwun.

Sofoni 3:8

Yili ɓa, ka mą́ą́ kpɔn! Ɲələi gáá pai múhəɠəi la, ŋą́ tɔɔ yɛ kɛla, gɛ́ ka hɔn doo, ka nąą mąą kpɔn! Gáá pai lɔiɠaa hukalai, gɛ́ tɔɔɓɛlaa di wɔ lɔiɠaa pu gee mɛ̨i, ŋą́ nwɔ́ liihvoli hee diɛ. Mąąhɔlɔɓo, gáá pai lɔi kəlee pilɛɛ gee mɛ̨i kələn ɉii, a nwɔ́ tolo nwɔ̨n. Yai-Laa wóó li!

Ɉeremi 17:17

Hvó ə́ yee wiɛ mɛ̨́i, ə́ hvaŋan mu ɓə ŋį́ mą́ą́kilɛ laa a mɛ̨nį nwąnąą yələ.

Mąątɛ̨nɛ̨ 39:7

A tɛ̨ą, nu a kɛ lɔ lii, yɛ pa, kɛlaa, gaa lɔ yɛ nįnįn! A tɛ̨ą, gɛ mɛ̨nį kaa lɔ a hvąŋą! A hɛn gwɛli ə dɛ gee ɓa, nui pai dɔlɔ kulɔi, hvo gɔlɔn.

Mąątɛ̨nɛ̨ 42:5

Ɲələɠaai ŋį́ kɛi li la Yálá yəi bɛlɛ́n, a kwəinɛ̨ɛ̨ wələɠaa, da mąątɛ̨nɛ̨ wələɠaa, kwa nu kpulu kɛnɛ̨, ŋą́ gíliɲąhiɛ di hu, níí a kɛ lɔ ə ɓɛla gwə́i.

Ɉeremi 9:7

Di nɛn gaa yɛ tonwą ɓaɠaa! Di hvaa woo ə ɓo a lɛɛ, diɛ di kee ni liilaa woo ɓo lɔ a di laaləi. Kɛlaa, ya lɔ di kwəi pələ, hɛlɛn mə di kaa dɛ pələ kwɛli dɔwɔ.

Ɉeremi 9:8

Yili a kɛ tii, mąą hvo mɔ̨ɔ̨ nɛ̨ɛ̨li və́ di hutɔɔ? Vá mɔ̨ɔ̨ pɛli nwąną kulɔi nu huwu taaləi ŋɛ̨i ɓa? Ɲą́ą́ Yai-Laa nwóó li.