Mąątɛ̨nɛ̨ 60:6 - Yálá laawoo hɛɓɛ (dc)

⁶ Yáá ɉilɛyilí tɛɛ nuąi da ɲɔw yɛ́ di pɔ, əgɛ di tɔɔ tɛ̨ą mɛ̨i kpąą, di yowoɠaa di wɔ mɛ̨ɛ̨kɔw tɔwɔ.

Yálá laawoo hɛɓɛ

⁶ Yáá ɉilɛyilí tɛɛ nuąi da ɲɔw yɛ́ di pɔ, əgɛ di tɔɔ tɛ̨ą mɛ̨i kpąą, di yowoɠaa di wɔ mɛ̨ɛ̨kɔw tɔwɔ.

Bible

⁶ Kúɣâlai, í íkono tèe íkwaa maa waai ma yɛ̂i, “Ŋa pâi Sɛkɛŋ taa-leei ŋáa kɔlɛ̂i a wála-wala, ŋá Sukɔ tiŋ-tiŋ ŋáa kɔ́lɛ.

Mąątɛ̨nɛ̨ 60:6 Referans Kwoze

Zasua 13:27

Nɛ̨ŋɛ̨ hu pələ, Bɛtə-Haramə, Bɛtə-Nimra, Sukotə, Safɔn, Hɛsbɔn tɔɔmun Sihɔn nwɔ lɔi gbəli, ɛlɛɛ, ə pɛlɛ la Ɉurdɛn da gwɛlɛ lɔiɠaa diɛ, Kinerɛtə gboloyá gbɛlai pələ, Ɉurdɛn pulu voló ɓɛlai pələ.

Zɛnɛse 12:6

Abramə ə nɔi tii hu ɓɔ, ə li ɓɛi ŋɛ̨i a More ɲeeɠaa ɓa, Sisɛmə daai. Kanaan nuą ɓə ni kɛ heeni nɔi tii hu.

Mąątɛ̨nɛ̨ 89:35

Və́ pai nwɔ́ mįnɛ̨i həɠəi mą, mɛ̨nįi kulɔ ná, vá yili mąąhvalin.

Amɔsə 4:2

Yaan, Ną́mu Yai-Laa aa gwɛla a gbɔwɔ, yɛ diɛ: Hvoló ta kaa pai ɉəlii, di kaa pai ka tooi, diɛ ka yala nɔi ɓa yɛ hɔ̨nwɔ̨lee a kɛ kwɛli ɓa, di ka lonni hon a hɔ̨nwɔ̨lee kwɛli,

Mąątɛ̨nɛ̨ 119:162

Gwə́inɛ̨ɛ̨i, ə́ wooi ə́ gwɛlɛ mąą mɛ̨nį ɓa, lɔ yɛ, nu a kulɔ hɛn gɔw kɛnɛ̨ mɛ̨i ə́ tɛɠii.

Mąątɛ̨nɛ̨ 56:4

Ɲələi ɲɔw a kɛ la gɔ́lɔi, yɛ́ ɓə ŋą́ gílitɔɔ yɛ.

Zasua 17:7

Manase nwɔ lɔi ɲɛn ə kɛi həɠə Asɛrə, yə həli Mikmetatə, Sisɛmə tənən ma; ə kɛi ɉaŋąą Yamimə tənən ma pələ, Ein-Tapua pɔ pələ.

Zasua 1:6

Ə́ liikpələ, ə́ ə́ huwalawala; mąąhɔlɔɓo, yɛ́ ɓə pai nɔi tii tɛɛi nuąi ŋɛ̨i pɔ a di kwɛlin, yɛ bələi ŋį́ gwɛ́la la di nąnni diɛ, gɛ́ diɛ: ‹Ŋą́ dɛɛ ka pɔ.›

Ɉeremi 23:9

Yii hvilɛn na Yálá kwəi mɛ̨nį hukulɔ nuą diɛ: Níí aa yali gwə́i. Gɔ́lɔ kəlee yɛ kpɛlin mą́ą́, gáá yɛ lɔɔ hon, yɛ nui lɔɔ aa gɛlɛ, Yai-Laa da nwoo mąąhəɠɛɛ tii mąą mɛ̨nį ɓa,

Mąątɛ̨nɛ̨ 132:11

Yai-Laa ə nwoo kwɛlɛ Davidə ɓa, tɛ̨ą li, hvo pai həɠəi nwoo pulu, ə kɛ mą: «Ə́ kwəi lon da ɓə, gáá pai ɉeei ə́ wɔ tɔɔkpəlin mɛ̨i,

Mąątɛ̨nɛ̨ 89:19

Ku mąąkpɛ gbala kaa ə́ yee, Yai-Laa! Ku wɔ tɔɔmun ə ɓo, Israɛlə nwɔ Mąąhəɠə mun yee kɔ́nma.

Samia Veerɛi 3:18

nąąlɔwai aa həli, mąąhɔlɔɓo, Yai-Laa ə mo Davidə laa mɛ̨i, yɛ kɛ: ‹Nwɔ́ tí mun Davidə yee hu ɓə gáá pai nwɔ́ nu huwui kulɔi la Filisti nuą yəi, da di yowoɠaa kəlee yəi.›»

Zasua 24:32

Ɉosɛfə kɔ́wɠaa tii Israɛlə lonnii di həɠə la Eziptə lɔi hu, di gɔwɠaa tii loo, díi tii wɔlɔ Ɉakɔbə ə ɲa Hamɔrə lonnii yəi a wali kwələ nwundɔ̨nɔ̨, nąą ɓə di noo laa. Hamɔrə ə kɛ a Sisɛmə nąn. Ɉosɛfə lonnii di gɛɛnąą tii hɔlɔɓo, a di kwɛlin da.

Zasua 24:1

Ɉosue ə Israɛlə lonnii kəlee təli, di di ɲąąkpɔn Sisɛmə daai, ə mą kɛ, Israɛlə kalanɉonŋąą, da nɔi ɲąąwooɓo nuą, bɛlɛɛ, giti tee nuą diɛ, da ɉɛɓɛ́ kɛ nuą. Di pa di tɔɔ Yálá lííla.

Zasua 20:7

Israɛlə lonnii di Kɛdɛsə taa həɠə ɉu, Galile lɔi hu, Nɛftali yee ɓa, da Sisɛmə, Ɛfraimə yee ɓa, da Kiriatə-Arba yai a Hebrɔn laa ta, Ɉuda yee ɓa.