Mąątɛ̨nɛ̨ 60:2 - Yálá laawoo hɛɓɛ (dc)

² Ɓɛlɔwai Aramə nuąi kɛ Mesopotami, da Sova nuą, da diɛni di kɛi kɔ́ kɔ́ la. Ɛlɛɛ, ɓɛlɔwai Ɉoabə ə pɛ̨nɛ̨ la, ə Edɔmə hon a kɔ́, di kɛi kɛ nąą laa ɓa kpolo yɛɛ kɔwɔ hu.

Yálá laawoo hɛɓɛ

² Ɓɛlɔwai Aramə nuąi kɛ Mesopotami, da Sova nuą, da diɛni di kɛi kɔ́ kɔ́ la. Ɛlɛɛ, ɓɛlɔwai Ɉoabə ə pɛ̨nɛ̨ la, ə Edɔmə hon a kɔ́, di kɛi kɛ nąą laa ɓa kpolo yɛɛ kɔwɔ hu.

Bible

² Ya ǹɔii túmo, ǹá a ƃó. Gɛ́ ŋɔ́nɔ é pá gîe ma, kpɛ́ni fêi, a kula-kulâi gîe ma, gɛ́ tàa-taa.

Mąątɛ̨nɛ̨ 60:2 Referans Kwoze

Kɔlɔnikɔ Veerɛi 7:14

ɛlɛɛ akɛ, ŋį́ nu huwui diɛi da náá hvɛli di mɛ̨i, da di kpɔɔ mąąyɛɛ, da vɛ́li, diɛ ɲɛ̨́ilaa gwɛli, da həɠə di túwɔ́ pələ ɲɔ̨nŋąą pulu, ŋį́ lɛɛ yələ kɔ́lɔn ɉu, ŋį́ wə́li tɔɔ di woo ɓa, ŋį́ di kɛ nɛ̨ŋɛ̨n mąąhvaalɛɛ, ŋį́ nɔi kɔ́lɔi pɔ̨nɔ̨.

Osia 6:1

'Ka pa ka gu pənə gwəli Yai-Laa pɔ, ya ɓə ɲɔ̨n bɛlɛ guɔ, ya ɓə pai gu kɔ́lɔi pɔ̨nɔ̨i, ya ɓə gu kɛlɛ, ya lɔ ɓə nwɔ̨nɔ̨ pai bala halii.

Azaya 30:26

Ɲąnin gaa pai kɛi lən ɉi yɛ hvóló, hvóló lən yɛ kɛnɛ̨ geemɛ̨i mɛ̨ihveelɛ, yɛ kɛ yɛ hvóló mɛ̨ihveelɛ ŋą kɛɛ pɔ̨nɔ̨ a pɛlɛ gee ɓa, gaa pai kɛi tii a ɓɛlɔwai Yai-Laa kaa pai nwɔ nuąi di wɔ palaɠaai hali kɛi la, di haɠai di mo, yɛ bala hali kɛ.

Izikiɛ 34:16

Daatɛlɛɛ yii aa pili, gáá pai gwɛlii; yii aa kulɔ mɛlaa pɔ, gáá pai gɛi ə pənə ə pa. Yii gɔwɔ tɔ̨nɔ̨ yaliɛ, gáá pai taɠá tɛi mą; yii ɲɔ̨n gɛi, gɛ́ vaŋa lɔ. Kɛlaa, daatɛlɛɛ yii a nwulaa, daatɛlɛɛ yii ɉuwala walaa, gáá pai ɲɛ̨́i kɛi ma a nɛlɛɛ, gáá pai nwɔ́ taatɛlɛɛ kpului ɲąąkɔn ɉii tələnmolaa hu.»

Ɉeremi 48:38

Moabə pɛlɛ́ kəlee mu, gwəli kəlee hu, wɔlɔ woo lɔ ɓə laa, diɛ kɛ mą: «Daa Moabə wolo yɛ kɔ́wɔ haɠa. Ɲą́ą́ Yai-Laa nwóó li!»

Ɉeremi 10:10

Kɛlaa, Yai-Laa nwɛi, yaa ɓə a Yálá; yii gaa a vulú, yɛ ɓo a tɔɔmun a yələ kəlee. A níiholi, lɔi a kpɛlin, yɛnɛ̨ɛ̨ lɔi ta hva pɛli tɔɔi nwɔ liiholi tɔwɔ.

Ɉeremi 4:24

Ŋą́ ɲɛ̨i hee ɲeeɠaa diɛ; di kaa kpɛli ɉii. Ɲee kpu kpuɠaa kəlee diɛ gɛ ɉuwu-ɉuwu.

Azaya 5:25

Yili mąą mɛ̨nį ɓa, Yai-Laa lii aa holi nwɔ nuąi pɔ, aa ɲee tɛ mɛ̨i di kɛlɛ mɛ̨nį ɓa, yeeɠaa diɛ kpɛlin, di powaɠaa di ɓo gwəli hɛ̨ąiɠaa yɛ tulun ŋą, kɛlaa ə mą kɛ tii, nii hvo nii laa li, ɲee tɛɛ lɔ ni mɛ̨i.

Mąątɛ̨nɛ̨ 18:7

Gɛ́ɛ́ mɔ̨nɔ̨i tii hu, ŋą́ Yai-Laa təli, ŋą́ nwóó tɛ nwɔ́ Yálái pɔ pələ, ə lɛɛ nwɔ pɛ́lɛ́i mu, ə nwóó mu hon, tomąi tii ŋį́ mo, nwóó ə too nwəlii.

Maafîu 27:51

Nąąlɔwai ɉəɠə ɓɛla ŋɛ̨i kɛ Yálá hee pɛlɛ́ mu, ɉu ə ɓɛla ə həɠə yələi ə yɛɛ gɔwɔ la. Lɔi ə kpɛlin, kwɛni kpɛa-kpɛaɠaa diɛ ɓɛla.

Habakukə 3:10

Yeeɠaa da ə́ kaa, di mąą a kpɛlin. Tulɔ kpɛa kpɛa diɛ lɔi yɔwɔ. Yaɠaa kəlee di lee yɛ huluun, yɛ tɛ kpɔ yələ liiɓa.

Amɔsə 8:8

Yili ɓə gaa mą, lɔi hvo mɔ̨ɔ̨ pai kpɛlin ɉii? Ɉu nuą kəlee di hvo mɔ̨ɔ̨ pai mąąwɛli hee ɓo? Nɔi nąą kəlee kaa pai kɛi hvɛɛ yɛ wolo yɛ ɲa lee ŋɛ̨i Eziptə lɔi hu, diɛ kɛ mą: Nilə.

Ɉeremi 30:17

Ə́ wɛi ŋą́ą́ gɔwɔ tɔɔ gɛ́ kɔ́lɔi pɔ̨nɔ̨ tɛɛ ə́ pɔ, gɛ́ ə́ wɔ palaɠaai hali kɛ. Hvo gaai, di kaa kɛa kɛi yɛ́: «Daa gulɔ lɔwɛi», Siɔn ka tii nu ta ɲɛ̨i hvo kulɔi bɔ. Yai-Laa woo li.

Ɉeremi 14:17

«Ə́ kaa pai nwoo ŋɛ̨i ɓoi diɛ, yɛ́ diɛ: «Ɲɛ̨́iya kpoloon gaa laai a hvoló da kpinį, mąąhɔlɔɓo, mąąwɛli mɛ̨nį kɛnɛ̨ aa ɉəlakpəla huwolo, yai a nwɔ́ nu huwui, nwun na aa pili.

Mąątɛ̨nɛ̨ 114:7

Lɔi, 'kpɛlin 'ə́ pɛlimun tɔwɔ, yai a Ɉakɔbə nwɔ Yálái, tɔwɔ.

Zôo 9:6

Yɛ lɔi kpɛlin naai, Dɔɔmuɠaa diɛ kpɛlin.

Azaya 7:8

Mąąhɔlɔɓo, Aramə lɔi daa lee ɓaa Damasə, ɛlɛɛ, Resin nwɔ tɔɔlaa kɛi lɔ ɓaa Damasə daai; aa lɛɛ a kwɛlan bow mɛ̨ida kɔ́w lɔɔli, Ɛfraimə kaa pai woloi, nu huwu hvo kɛa pai kɛi laa.

Mąątɛ̨nɛ̨ 104:32

A ɲɛ̨i pili lɔi mɛ̨i, lɔi mąą a kpɛlin, A tunwɔ̨n yeeɠaa diɛ, di mɛ̨i lulu yɛ tɛ.

Mąątɛ̨nɛ̨ 89:40

Mįnɛ̨i ká ə́ wɔ tímun ka ɉəɠə, yáá lənə mą; yáá nwɔ tɔɔ ɓɔlɔi too lɔi ɓa, yaa mɛlɛkpɛɛ mą.

Zôo 5:18

Yálá ɓə a mɔ̨nɔ̨ laa nu mɛ̨i, yɛ ɉəɠə mɛ̨i; Yaai a kɛ hɛn dɔɔi yɛ a kɛi nwolo.

Woolaa 2:13

Lə kpɔ ɓə ŋą́ ə́ kɔ́ɔn mą? Lə kpɔ ɓə gulaa yɛ́; Ɉerusalɛmə, taalee lɛlɛɛ? Gbɛɛ ɓə pai ə́ mąąkɔ̨nwɔ̨i, ə́ ə́ laapilɛ, taalee lɛlɛɛ? Mɛ̨nii naai yɛ́, ɉu kɛnɛ̨i yɛ gboloyá; Gbɛɛ ɓə a pɛli ə́ ɓaloi?

Samia Veerɛi 22:8

Ɓɛlɔwai Yai-Laa ə Nii holi la, lɔi hu ə pu mą, maa ə kpɛlin, yələkɔlɔn vilɛn ɉɛn ə kpɛlin.

Lɛɛ gbɔwɔ ɓa 15:11

Yai-Laa, yáláɠaa lɔwai gbɛɛ gaa yɛ Yɛ́? Gbɛɛ ɓə gaa yɛ Yɛ́ mąąhəɠəlaa hu! Gɛ mɛ̨nįɠaa kɛnɛ̨ pələ mąąɲɔwuɔi, yɛ pɛli kwɛlɛɛn mɛ̨nįɠaa kɛi?

Samia Veerɛi 8:1

Mɛ̨nįɠaa tii tɛɛ pulu, Davidə ə Filisti nuą hon a kɔ́, ə di nwun nɔ ɲee mu. Davidə ə nɛɛ mą Filisti nuą di wɔ heeɓolaa kulɔ di yəi.

Kɔlɔnikɔ Maa-ŋuŋ 18:3

Davidə ə pənə ə Hadadɛzɛrə ŋɛ̨i kɛ a Sova tɔɔmun ə ɉon a kɔ́, Hamatə pələ, nąą bələ ɓə Hadadɛzɛrə ə kɛi kɛ ə ŋą tɔɔlaai hee la, Eufratə ɲálee ɓa, di nąą kulɔ ɲəi.

Kɔlɔnikɔ Maa-ŋuŋ 18:5

Aramə nuąi kɛ Damasə, di pa kpɔnmąą tɛɛ Sova tɔɔmun Hadadɛzɛrə pɔ. Kɛlaa Davidə ə nu waa pow hveelɛ kɔ́w hveelɛ paa Aramə nuą lɔwai.

Kɔlɔnikɔ Maa-ŋuŋ 18:12

Seruya lon Avsai yee ə tɛɛ Edɔmə nuą diɛ gbolo yee koo mu; ə nu waa pow kɔ́w mɛ̨ihaaɓa paa laa.