Mąątɛ̨nɛ̨ 60:1 - Yálá laawoo hɛɓɛ (dc)

¹ Nwələ ɲɛ̨itɔwɔmun. Yagbudɛn mɛ̨i wələ. Davidə nwɔ nu mąąkwɛli wələ woo.

Yálá laawoo hɛɓɛ

¹ Nwələ ɲɛ̨itɔwɔmun. Yagbudɛn mɛ̨i wələ. Davidə nwɔ nu mąąkwɛli wələ woo.

Bible

¹ Óo Ɣâla, ya íyee kúla kúmu ya kúkula maa kɛ́. Ya ílii ŋwána kûa a zu kɛ́tɛ. Kúmalôŋ káa í íyee sée kúmu.

Mąątɛ̨nɛ̨ 60:1 Referans Kwoze

Samia Veerɛi 8:3

Davidə ə pənə ə Sova tɔɔmun, Rehɔvə lon Hadadɛzɛrə hon a kɔ́; ɓɛlɔwai yili ə kɛ bɔ ə nwɔ ɲąąwooɓolaa hee la Eufratə ɲálee kwɛlɛ pələ.

Mąątɛ̨nɛ̨ 44:9

Ku kɛi tuwɔ Yálá mąątɛ̨nɛ̨ wələ tooi, kuɔ ə́ laa tɛ a wələ, a yələ kəlee.

Kɔlɔnikɔ Maa-ŋuŋ 18:3

Davidə ə pənə ə Hadadɛzɛrə ŋɛ̨i kɛ a Sova tɔɔmun ə ɉon a kɔ́, Hamatə pələ, nąą bələ ɓə Hadadɛzɛrə ə kɛi kɛ ə ŋą tɔɔlaai hee la, Eufratə ɲálee ɓa, di nąą kulɔ ɲəi.

Samia Veerɛi 5:20

Davidə ə həli Baalə-Perasimə, ɛlɛɛ, Davidə yee ə tɛɛ laa diɛ. Nąąlɔwai, yɛ diɛ: «Yai-Laa aa Yálá aa gɛ, ŋą́ą́ kwɛni kulɔ ɲówo kɔ́wɔ mu, yɛ bələi ya hɛnŋąą mukulɔ la.» Mɛ̨nįi gɛ, di gɛɛnąą tii laa hee a: Baalə-Perasimə yaa li, mukulaa ɓaa: «kwɛni kulɔ ɲówó kɔ́wɔ mu.»

Mąątɛ̨nɛ̨ 90:13

Yai-Laa! 'Yali ə́ pulu, ə́ pa ku pɔ! Mįnɛ̨ lɔwai ɓə ə́ wɔ liiholii kaa pai kpɛlai la mą? Ə́ wɔ tínuąi ɲɛ̨imąąwɛli kaa.

Mąątɛ̨nɛ̨ 85:4

Yáá ə́ wɔ liiholii kpɛla bələi, yáá ə́ wɔ liiholi kɛnɛ̨ɛ̨i yali bulu.

Tɔɔɓɛlaa veelɛ 14:7

Amasiasə yee ə tɛɛ Edɔmə ɓa gboloyá ɓoloon bɔ, nu waa pow ɓə lɛɛ gɔi tii hu. Ə Sela taa hon, ə nąą laa hee a Yokteɛlə, naai tii lɔ ɓə ni mą háá ɓa a háá.

Mąątɛ̨nɛ̨ 89:19

Ku mąąkpɛ gbala kaa ə́ yee, Yai-Laa! Ku wɔ tɔɔmun ə ɓo, Israɛlə nwɔ Mąąhəɠə mun yee kɔ́nma.

Mąątɛ̨nɛ̨ 89:3

A tɛ̨ą, gáá kpɔ moi, gɛ́ diɛ: «Ə́ wɔ mɛ́ni lɛlɛ pələ hvilɛn ŋąąi kpɔ tin tin, yá ə́ wɔ tɛ̨ą mɛ̨nį hee yələkɔlɔn ɉu a yələ kəlee.»

Mąątɛ̨nɛ̨ 80:3

Ə́ wɔ kuláálaai ə muhəɠə, ə tɔɔ, Ɛfraimə, Bɛnɉamɛn da Manase di tɔwɔ, 'pa ə́ ku ɓalo.

Mąątɛ̨nɛ̨ 79:5

Yai-Laa, niiholii tii kaa pai lɛɛi ɉu lə yələ ə həli, a doloi tii a nu líikələn gwəi yɛ nwɔ̨n?

Mąątɛ̨nɛ̨ 74:1

Asafə nwɔ nu mąąkwɛli woo. Yálá! Ə́ ku pili kpɔ ti kwɛaa la lə mɛ̨nį ɓa, lə liiholi ɓə ə́ ɉee ə́ wɔ lɔi hu taatɛlɛɛ kpului ɓa?

Mąątɛ̨nɛ̨ 60:10

Moabə kaa a nwáá-hɛnɲąŋą, gɛ́ nwɔ́ kɔ́lɔi pili Edɔmə mɛ̨i, ɛlɛɛ yɛ́, Filisti lɔi, yá pɛli mɔ̨ɔ̨ tómąi, yɛ ə́ yee aa tɛɛ mą́ą́?

Mąątɛ̨nɛ̨ 59:11

Tələnmo Yálá ka tii pai náákwiɛn ɉi, A Yálái a gɛ gɛ́ gɔ́n gbɛlaan a mą́ą́hɛnŋį nuą.

Mąątɛ̨nɛ̨ 59:1

Nwələ ɲɛ̨itɔwɔmun: «'Hvó ɉu kala.» Davidə ɓə nwələi ŋɛ̨i too, ə kɛi doo kwəi pələ. Ɓɛlɔwai Saulə ə nuą tɔɔ la, diɛ li Davidə nwɔ pɛ́lɛ́i mąąhɛn ɉi, baa mɛ̨nį ɓa.

Kɔlɔnikɔ Veerɛi 25:11

Amasiasə vaŋą ə lɔ, nii ə kpələ; ə nwɔ kɔlaɠai həɠə diɛ li kɔ́ tooi gbolo lɔi hu. Lii ə mo, ə nu waa pow paa Seirə lonnii lɔwai.

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Samuɛlə dɔlɔɔ 13:11

Samuɛlə yɛ mą: «Lə ɓə ŋɛ̨i ə́ gɛi?» Saulə yɛ mą: «Ŋą́ą́ gaa nuą diɛ kulɔ búlu, diɛ taɠa taɠa; ə lɛɛ, yɛ́ kpɛli, hvo kɛi pa a guui gu ɉee, yili pulu, Filisti nuą daa kɛ di ŋąąkpɔn Mikmasə.

Samuɛlə dɔlɔɔ 4:17

Nwɛlɛɛ ɓomun yɛ mą: «Israɛlə nuą daa pu Filisti nuą tɔwɔ, nɔi nuą tamąą daa lɛɛ gɔ́ hu, ə́ lon ɉinąą hveelɛi: Hɔfni da Pinasə di lɛɛ gɔ́ hu, ɛlɛɛ, di Yálá nwɔ mįnɛ̨ kəhii hon.»

Mąątɛ̨nɛ̨ 108:11

Gbɛɛ ɓə pai lii a ɲą́ą́ guláá taa kɛnɛ̨i hu? Gbɛɛ ɓə pai lii a ɲą́ą́ Edɔmə lɔi?

Mąątɛ̨nɛ̨ 79:9

'Kpɔnmąą tɛɛ ku pɔ, ku ɓalo Yálá, ə́ laa mąąwiaai mąą mɛ̨nį ɓa; 'ku nwun mąąɓo, ku wɔ nɛ̨ŋɛ̨nŋaai waa, ə́ laa mąąwiaai mąą mɛ̨nį ɓa.

Samia Veerɛi 10:16

Hadadɛzɛrə ə nuą tɔɔ Aramə nuąi kpɔ tii Eufratə ya pulu pələ di pɔ, ə gəlee təli, di pa gɔ́ ɓa. Yiliɠaai di pa Helamə. Hadadɛzɛrə nwɔ kɔlaɠa nwun nąmu Sovakə ɓə kɛ di ɲɛ̨i tɔwɔ.

Zakari 10:6

Gáá pai Ɉuda nwɔ pɛlɛ́i hvaŋą tɛi, gɛ́ Ɉosɛfə nwɔ pɛlɛ́i nwun mąąɓo, Ŋą́ pənə ŋį́ di pu di nįnɛ̨ kɔ́lɔi, mąąhɔlɔɓo, gáá pai di mąąwɛli kaai, yɛ ŋą́ wala ta ɲə́ə́ kulɔ di mu, mąąhɔlɔɓo, gáá a Yai-Laa, a di wɔ Yálá. Gáá pai ɲə́ə́ heei di woo mu.

Mąątɛ̨nɛ̨ 89:38

gɛ pələ kaa pai kɛi yɛ ɲąnin, ə ɓo a nwɔ́ tələnmo kɛla yələkwəi.

Mąątɛ̨nɛ̨ 89:7

Gbɛɛ ɓə yələkɔlɔn ɉu da Yai-Laa di pɛliɛ-o? Yáláɠaa lɔwai, nɛlɛ ɓə gaa yɛ Yai-Laa?

Samia Veerɛi 8:14

Davidə ə lɔi ɲąąwooɓo nuą hee Edɔmə lɔi nwun na, ə nwun nąmįną hee Edɔmə lɔi kəlee nwun na. Edɔmə nuą kəlee di lɛɛ Davidə yee mu. Bələ ɓə Yai-Laa ə kɛi kɔ́ nɛ̨ɛ̨ la Davidə ɓa ɓɛi lɔpee a li laa.

Mąątɛ̨nɛ̨ 80:1

Nwələ ɲɛ̨itɔwɔ mun, Yágbudɛn vələ mɛ̨i. Asafə nwɔ kɛla hvaa a wələ.