Mąątɛ̨nɛ̨ 6:2 - Yálá laawoo hɛɓɛ (dc)

² Yai-Laa, 'hvo ɉútɔɔ a ə́ líiholiɛ ə́ kwəi, 'hvó hąŋąn mą́ą́, a ə́ líikələnŋąą ə́ kwəi.

Yálá laawoo hɛɓɛ

² Yai-Laa, 'hvo ɉútɔɔ a ə́ líiholiɛ ə́ kwəi, 'hvó hąŋąn mą́ą́, a ə́ líikələnŋąą ə́ kwəi.

Bible

² Óo Yâwɛɛ, ḿalôŋ káa, kɔlɔ aâ gbâa kpɛɛ ḿâ. Pɔri mâa da fé ŋɔ́nɔ mî, wála-wala-laa tɛɛ ḿbɔ.

Mąątɛ̨nɛ̨ 6:2 Referans Kwoze

Osia 6:1

'Ka pa ka gu pənə gwəli Yai-Laa pɔ, ya ɓə ɲɔ̨n bɛlɛ guɔ, ya ɓə pai gu kɔ́lɔi pɔ̨nɔ̨i, ya ɓə gu kɛlɛ, ya lɔ ɓə nwɔ̨nɔ̨ pai bala halii.

Mąątɛ̨nɛ̨ 31:10

'Mą́ą́wɛli kaa Yai-Laa, mɔ̨nɔ̨ aa lɔ bɔ́, liikələn gwəi aa ɲɛ̨́i kɔ́w kpɔlu, gwą́ną aa kpala, níi mɛ̨i aa kələn.

Mąątɛ̨nɛ̨ 30:2

Gáá ə́ laa tɛi Yai-Laa, mąąhɔlɔɓo yaa ə́ yee pu mú, Hvó ɲówoɠaa lɛɛ li laa diɛ yɛlɛ kulɔ ɉú.

Ɉeremi 17:14

Yai-Laa, ɉálə kɛ, ŋį́ ɓalo, nwún mąąɓo, nwún gulɔ mɛ̨nįi; Mąąhɔlɔɓo, yɛ́ ɓə gílitɔɔ yɛ́.

Mąątɛ̨nɛ̨ 51:8

Kɛlaa ə́ kaa bɔ, tɛ̨ą ə kɛ nu koo kpala, yɛ́ ɉú tɔɔ a ə́ wɔ kilii, loo pələi.

Dutɛrɔnome 32:39

Ka ka ɲɛ̨i hee kani, yiihu, ɲą́ą́ lɔ ɓə, ɲą́ą́ dɔ̨nɔ̨ gbən nɔ ɓə, kwa hɛn da ku hvo kpɔn ni ma. Ɲą́ą́ ɓə ŋą́ nu paa, Ɲą́ą́ ɓə ŋą́ nu lɛɛ yɛnɛ̨ɛ̨. Ŋą́ nwolo, ɲą́ą́ ɓə ŋą́ dɔɔ; Nu hvo mą, yii a gulɔ ɲə́i.

Mąątɛ̨nɛ̨ 38:7

Aa níí too pulu, víi aa kpɛɛ, ɉú aa haa, gáá lɔ kɛa a gɔ́lɔ́ haa mą́ą́ a yələ kəlee.

Mąątɛ̨nɛ̨ 38:3

Yɛ́ mɛ̨ɛ̨kɔwɠaai daa pu mɛ̨́i, gɛ́lɛi ə́ mo, ə́ yee kpolo aa gúlɔ.

Mąątɛ̨nɛ̨ 32:3

Ɓɛlɔwai mɛ̨́i haai kɛ la, kulɔ lɔ ɓə ŋį́ kɛi mo nwúlui, gɛ́ ɲįŋɛ̨.

Zɛnɛse 20:17

Abrahamə ə Yálá hvɛli Abimelɛkə mąą mɛ̨nį ɓa, Yálá ə kɔ́lɔi pɔ̨nɔ̨ tɛɛ Abimelɛkə pɔ, da nɛ̨ą ə mą kɛ da nwɔ luwɔ nɛaɠaai, gəlee kwəi ə nwun, diɛ lon gaa kɛa.

Maafîu 4:24

Mąą tin ə too Siri lɔi hu nąą kəlee, diɛ pa bɔ a ɲɔ̨n ɉuwu lɔpee gəlee kɛ nuą, yɛ di kɔ́lɔi pono. Yiiɠaai ɲį́nɛ̨n ə kɛ di pulu, ə mą kɛ, hvɛli-hvɛli ɲɔ̨n gɛ nuą, da kpɛɠi ɲɔ̨n gɛ nuą, ə mą kɛ, kpɛlɛɠɛlɛn ɲɔ̨n gɛ nuą.

Mąątɛ̨nɛ̨ 22:14

Di kaa di laa taɠai mą́ą́, nu huɓɛla yalaɠai tii, di kaa hvuluun ɉi.

Zôo 5:18

Yálá ɓə a mɔ̨nɔ̨ laa nu mɛ̨i, yɛ ɉəɠə mɛ̨i; Yaai a kɛ hɛn dɔɔi yɛ a kɛi nwolo.

Lonon mo 12:13

Moisə ə nɛɛ mą ə wɔlɔ Yai-Laa ɓa, yɛ mą: «Ee kə Yálá, gáá nɛ̨ɛ̨mąą hvəi Yɛ́, kɔ́lɔi pɔ̨nɔ̨ tɛɛ bɔ.»

Lɛɛ gbɔwɔ ɓa 15:26

Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Zôo 19:21

Ka mą́ą́ wɛli kaa, kaai ɓaa mɛ́laa, mąąhɔlɔɓo, Yálá aa ɲee pɛlɛ mą́ą́.

Mąątɛ̨nɛ̨ 38:2

Yai-Laa hvó ɉón a líikələn gwəilaa! Ɉútɔɔ a wɛlikɛmąąlaa.

Ɉeremi 10:24

Ɉútɔɔ, Yai-Laa, Kɛlaa bɛli mą́ą́; hvó gɛ a liiholi, ə gɛ hvó pa ɉú kala.