Mąątɛ̨nɛ̨ 59:1 - Yálá laawoo hɛɓɛ (dc)

¹ Nwələ ɲɛ̨itɔwɔmun: «'Hvó ɉu kala.» Davidə ɓə nwələi ŋɛ̨i too, ə kɛi doo kwəi pələ. Ɓɛlɔwai Saulə ə nuą tɔɔ la, diɛ li Davidə nwɔ pɛ́lɛ́i mąąhɛn ɉi, baa mɛ̨nį ɓa.

Yálá laawoo hɛɓɛ

¹ Nwələ ɲɛ̨itɔwɔmun: «'Hvó ɉu kala.» Davidə ɓə nwələi ŋɛ̨i too, ə kɛi doo kwəi pələ. Ɓɛlɔwai Saulə ə nuą tɔɔ la, diɛ li Davidə nwɔ pɛ́lɛ́i mąąhɛn ɉi, baa mɛ̨nį ɓa.

Bible

¹ Óo Ŋáɣâlai, ŋ́uŋ ma ƃó ŋ́gbɔara-ƃelai yêei. Ŋ́uŋ ma ƃó diai yêei da gbã tèe ḿberêi.

Mąątɛ̨nɛ̨ 59:1 Referans Kwoze

Mąątɛ̨nɛ̨ 18:48

Ɲálái tii ɓə a gɛ gɛ́ nwąną kulɔ, yɛ lɔiɠaa lɔ ɲéé mu.

Mąątɛ̨nɛ̨ 57:1

Nwələ ɲɛ̨itɔwɔmun: «'Hvó ɉu kala.» Davidə ɓə nwələi ŋɛ̨i too, ə kɛi doo kwəi pələ; a ɓɛlɔwai ə kɛi pu la Saulə tɔwɔ.

Azaya 33:16

Mąą nu ɓə pai ɉeei hɔlɔɓoi yələi pələ, gaa pai mąąkilɛi kwɛni kpuwuluɠaa mɛ̨i, yiiɠaai di mąą tínɛ̨n ŋąą a hį́i; di kaa pai kɔ̨nɔ̨n dɛɛi bɔ, yá hvo pai kpɛɛi ɲəi.

Mąątɛ̨nɛ̨ 143:9

Yai-Laa, 'gúlɔ ɲówoɠaa yəi, ə́ pɔ pələ ɓə a mą́ą́kilɛi.

Mąątɛ̨nɛ̨ 71:4

Nwɔ́ Yálá! 'Gúlɔ ɲówo yəi, 'gúlɔ nu paa nuą da wɛa nuą yəi mu.

Mąątɛ̨nɛ̨ 143:12

Ə́ wɔ wɛlikɛmąąlaa haalai, ə́ kaa pai ɲówoɠaa paai, Nuąi kpɔ daa hee mɛ̨́i, yɛ́ di nwunna pili. Mąąhɔlɔɓo ə́ wɔ tímun maa a ɲą́ą́.

Mąątɛ̨nɛ̨ 91:14

Yii kpɔ aa kanąn mą́ą́, ŋą́ gulɔ ɲəi kɛ, ŋą́ mąąkɔ̨nwɔ̨, mąąhɔlɔɓo ə gɔ́lɔn.

Mąątɛ̨nɛ̨ 20:1

Nwələ ɲɛ̨itɔwɔ mun. Davidə nwɔ wələ.

Mąątɛ̨nɛ̨ 12:5

A nuą tii da kɛ kɛi diɛ: «Ku laaləi a mɛ̨nį nɛ̨ɛ̨ kuɔ, ku nɛ̨n dɔɔi ku pulu, gbɛɛ ɓə ɲee a pɛli kuɔ, ə hee ku mɛ̨i?»

Mąątɛ̨nɛ̨ 58:1

Nwələ ɲɛ̨itɔwɔmun: «'Hvó ɉu kala.» Davidə ɓə nwələi ŋɛ̨i too, ə kɛi doo kwəi pələ.