Mąątɛ̨nɛ̨ 57:3 - Yálá laawoo hɛɓɛ (dc)

³ Gáá nwóo tɛi Yələkɔ́lɔn ɉu Yálá pɔ pələ, a Ɲálái tii a mą́ą́ mɛ̨nį kəlee ɲɛ̨i kulɔi.

Yálá laawoo hɛɓɛ

³ Gáá nwóo tɛi Yələkɔ́lɔn ɉu Yálá pɔ pələ, a Ɲálái tii a mą́ą́ mɛ̨nį kəlee ɲɛ̨i kulɔi.

Bible

³ A pâi lɛɛ̂i ɣâla-taa é ŋ́oo su too é ḿalo. A pâi ŋ́gbɔara-ƃelai yée mɛi ɣâlei. Ɣâla a pâi ŋɔwɛli-kɛ maai da ŋɔteniŋ ƃô-laai lɛ̂i ḿâ wɔ́lɔ-wɔlɔ.

Mąątɛ̨nɛ̨ 57:3 Referans Kwoze

Mąątɛ̨nɛ̨ 40:11

Və́ ə́ wɔ tələnmolaa lɛɛ li gwə́i və́ hee mɛ̨i, bələi yá kulɔ la ə woo ɓa, ŋį́ yili hukulɔ, da ə́ wɔ nu ɓalo mɛ̨nį, və́ ə́ wɔ wɛlikɛmąąlaa da ə́ wɔ tɛ̨ą loo li ɲąąkpɔn gɛnɛ̨ɛ̨ hu.

Mąątɛ̨nɛ̨ 43:3

Yɛ́ kɛɛponoi da yɛ́ tɛ̨ąi tɛɛ, diɛ dɛ̨́nɛ̨n dɔɔ, diɛ li a ɲą́ą́ ə́ wɔ yee mąąhəɠɛɛi nwuɔ̨, ə́ yəi bɛlɛ́n.

Gɛlaɠaa 12:11

Nąąlɔwai mɛ̨nį ti di gɛ, Piɛrə ə gbaɠala kaa kɛa yɛ kɛ: «Yiihu ŋą́ą́ gbaɠala kaa, ŋą́ą́ gbaɠala kɔlɔn gɛ́ kɛ, Ną́mu aa nwɔ malaka tɔɔ, aa gúlɔ Herodə yəi da Ɉuifəɠaai kɛ bɔ di mɛ̨nį ɲɔ̨n gɛ a ɲą́ą́.»

Mąątɛ̨nɛ̨ 61:7

Tɔɔmun nwɔ yɛnɛ̨ɛ̨ ta pɛlɛ nwɔ̨nɔ̨ mą, kpɛɛ hvo kɛ nwɔ kwɛlanŋąą diɛ.

Lonon mo 23:24

Nu huwu ka tii, a muhəɠə yɛ yala, a haŋą ə tɔɔ yɛ yala hilɛ, hva pɛlɛ akɛ hvo huwɔ hon ni yɛ ɉu ɓɛla. Yii hvo huwɔ hon ni, yɛ ɲąmą kpələ.»

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Zôo 31:31

Mą́ą́ nwɛ̨ąą di hvo kɛi kɛ diɛ, Gbɛɛ nuą ɓə di hvo pilɛ li huwɔ hu?

Mąątɛ̨nɛ̨ 138:8

Yai-Laa kaa pai mą́ą́ mɛ̨nį kəlee kɛi, Yai-Laa! Ə́ wɔ ɲɛ̨imąąwɛli kaa ɲɛ̨n deei hvo mą! Hvó ə́ kili kulɔ ə́ kɛ kóloɠaa hu.

Azaya 26:12

Yai-Laa! Yáá ku kɔ́ a liilaa yɛnɛ̨ɛ̨, mɛ̨nįi lɔpee ku kaa gɛi, Yɛ́ lɔ ɓə gɛi kuɔ.