Mąątɛ̨nɛ̨ 56:4 - Yálá laawoo hɛɓɛ (dc)

⁴ Ɲələi ɲɔw a kɛ la gɔ́lɔi, yɛ́ ɓə ŋą́ gílitɔɔ yɛ.

Yálá laawoo hɛɓɛ

⁴ Ɲələi ɲɔw a kɛ la gɔ́lɔi, yɛ́ ɓə ŋą́ gílitɔɔ yɛ.

Bible

⁴ Ŋ́gili tɔɔ̂i Ɣâla ma nyii ńâai lai, ǹyaŋ fé pâi yaôi. Ŋa ǹáa ma tɛ̀ gono-teei è gɛ̀i mɛ̂ni ma. Lé ƃé núu-kpune kpɛ́ni-kpɛni a pɔ̂ri gɛ̂i a ńyãa?

Mąątɛ̨nɛ̨ 56:4 Referans Kwoze

Hebreu 13:6

Yili ɓa, gwa pɛli gu mo kpɔ a kilitɔɔmąą laa, guɔ mą: «Ną́mu kaa a dɔ́ɔ́ búlú, vá ɲɔw hɛn nɔpee ta ɓa. Lə kpɔ ɓə nu kan a pɛli gɛi a ɲą́ą́?»

Mąątɛ̨nɛ̨ 118:6

Yai-Laa kaa búlu, va ɲɔw, lə kpɔ ɓə nukan a pɛli gɛi a ɲą́ą́?

Mąątɛ̨nɛ̨ 27:1

Davidə nwɔ wələ woo. Yai-Laa ɓə a nwɔ́ kɛɛ pɔ̨nɔ̨, da málomun. Gbɛɛ ɓə ŋą́ pɛli ɲɔwi mą? Yai-Laa ɓə a mą́ą́ kɔ̨nwɔ̨ hį́i. Gbɛɛ ɓə mą́ą́ a kpɛlin ɲɛ̨i ɓa?

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Azaya 31:3

Eziptə mun gaa lɔ a nu, yálá hvə li, nwɔ hooɠaai di kaa lɔ a huwɔ, malakaɠaa hvə li. Ɓɛlɔwai Yai-Laa kaa pai ɲee haŋąi la, mąąkɔ̨nwɔ̨ kɛ mun gaa pai kalin ɉii, nui di mąąkɔ̨nwɔ̨i yɛ too; di kəlee di nwun na a pili a gee.

Mąątɛ̨nɛ̨ 119:160

Wooi a kulɔ ə́ la, gaa lɔ a tɛ̨ą, mɛ̨nįi lɔpee ə́ wɔ kiti wooi a mo, gaa a tɛ̨ą a yələ kəlee.

Mąątɛ̨nɛ̨ 12:6

Ya ɓə Yai-Laa a kɛ diɛ: «Mąąwɛli nuą laanɔ̨nwɔ̨ ɓo pələ, da yeehvowolo nuą wɔlɔ pələ, múhəɠə hiɛ kpɔlɔ li. Nui di kɛi di lɛayá pili mą, gɛ́ ɉee liilaa hu.»

Mąątɛ̨nɛ̨ 138:2

Gáá kwɛli hvilɛn ɉii yɛ́, ɲɛ̨́i heɛ ə́ wɔɔ pɛlɛ́ mąąhəɠɛɛi ɓa. Ə́ haŋą pələ da ə́ wɔ mɛ̨nį lɛlɛ pələ ɓa. Hvó gaai, mɛ̨nįɠaai ə́ naakwɛlanmo, gɛnɛ̨i dɛɛ yiiɠaa ku mɛ̨n ə́ laa mɛ̨i diɛ.

Ɉaan 10:35

Ku gɔlɔn gbɔ yii Yálá laawoo a mo, mąą hvo nɛ̨ɛ̨li ku hvo ɉəɠə ma. Nuą ŋɛ̨i Yálá laawoo ə həli diɛ, ə di laa hee a Yálá pɛlɛɛɠaa.

Samuɛlə dɔlɔɔ 30:6

Davidə kwəi pilɛɛ kɛ mą, mąąhɔlɔɓo, nuą di kɛi baa mɛ̨nį ɓo a kwɛni. Nu kəlee liikələn ŋąą kɛ gwəi, da kɛi di kiliŋąhiɛ di lonnii hinąą da di lonnii nɛ̨ąą diɛ. Kɛlaa Yai-laa haalai, Davidə ə nii kpələ.

Kɔlɔnikɔ Veerɛi 20:3

Ɉosafatə ə ɲɔw, ə tinɛ̨n yɛ li Yai-Laa mąąnin gɛi; ə hin nolo ɓo Ɉuda lɔi hu nąą kəlee, di hin nɔ.

Kɔlɔnikɔ Veerɛi 20:4

Ɉuda nuą di di ɲąąkpɔn, əgɛ, di Yai-Laa hvɛli. Nuą di həɠə kpɔ Ɉuda taaɠaa kəlee hu, əgɛ, di pa, di Yai-Laa hvɛli.