Mąątɛ̨nɛ̨ 55:21 - Yálá laawoo hɛɓɛ (dc)

²¹ Ɉulɔnui tii ə kɛi mɛlaa kɛlɛ, nwooi ə gwɛlɛ, ə yili mąą kala.

Yálá laawoo hɛɓɛ

²¹ Ɉulɔnui tii ə kɛi mɛlaa kɛlɛ, nwooi ə gwɛlɛ, ə yili mąą kala.

Bible

²¹ Ŋ̀óo kɔlɔ saâi ma yɛ̂ɛ núu ƃé wúlɔ kpelêi, kɛ́lɛ gáa a ƃɛlɛ-kpɛɛ goi-nuu ǹíi su. Ŋ̀óo è kɛ̀ a gɔlɔ saa mà yɛ̂ɛ núu ƃé wúlɔ kpelêi, kɛ́lɛ gɛ́ sɛŋ su tèe yɛ̂ɛ ƃóa-sɔ̂kpɔ ŋá-liɛɛ-ŋa.

Mąątɛ̨nɛ̨ 55:21 Referans Kwoze

Mąątɛ̨nɛ̨ 57:4

Ee kə! Yálá 'ə hvaa mą, ə lɛɛ yələi pələ, 'ə málo wɛ! Nui vánąi, ə ɲɛ̨i paa! Yálá ə nwɔ wɛlikɛmąąlaa da nwɔ tɛ̨ąi tɛɛ kuɔ wɛ!

Mąątɛ̨nɛ̨ 28:3

Hvó ɉón yɛ bələi yá liiɲɔ̨n gwəi nuą hon nai, ə mą kɛ, túwɔ́ pələ ɲɔ̨n gulɔ nuą, da kɛ liilaa mɛ̨nį ɓoi di ɓɛlaa diɛ, Kɛlaa, di lii laa hvɛɛ a mɛ̨nį ɲɔ̨n gɛ kili.

Hanwon 26:28

Lɛɛmun a wɛlikpɛɛmąąlaa kulɔ a nuąi a lɛɛ pɛlɛ di nwuɔ̨. Woo hveelɛ laa a nu nwun na pili.

Mąątɛ̨nɛ̨ 64:3

Nóó ɲɛ̨nikɛ-nuąi da ɲabalɔ mą́ą́, diɛ, Mą́ą́ kwɛa mɛ̨nį ɲɔ̨n gɛ nuąi di nwun dɔɔi, diɛ.

Mąątɛ̨nɛ̨ 12:2

Yai-Laa, 'pa kilɛ-mą́ą́! Tələnmo nuą daa kpɛɛ, tələnmo mɛ̨nį aa kpɛɛ nu kanŋaa lɔwai.

Maafîu 26:25

Ɉudasə ŋɛ̨i nɔwɔtɔɔ, yaa kpɛli yɛ mą: «Ną́mu, akɛti, ɲą́ą́ ɓə mɔ̨ɔ̨?» Jesus yɛ mą: «Yaa kɛ tii yaa mo.»

Hanwon 12:18

Hvaa pulu-pulu a kɛɛ kala lɔ yɛ ɓɔwa kwɛa, Kɛlaa, kilimąą nuą woo kaa a kɔ́lɔi pɔ̨nɔ̨ hali.

Mąątɛ̨nɛ̨ 62:4

Ka káá pai lɛɛi kpuluun ɉi, ka kəlee, nu tɔ̨nɔ̨ paa mɛ̨nį ɓa, ə lɛɛ ɉu mįnɛ̨ lɔwai ə həli la? Yɛ pɛlɛ́ nwąnąi aa hviən, da kɛi bu, a wala kɛ tii, yɛ kumún yɛ ə pui?

Ɉaan 13:2

Ɓɛlɔwai di kɛi yələ wilii kɔ̨nɔ̨n mį́i la, nąnį aa gbɛa kɛ Jesus lɔwɔ́tɔɔ mɛ̨nį giliŋąhiɛ lɔ Simɔn lon Ɉudasə hu, yai a Iskariɔtə mun.

Mąątɛ̨nɛ̨ 59:7

Yələ wilii pɔ, da kɛi pai, diɛ hvaa nwɔ̨ɔ̨, yɛ yilɛlɛa, diɛ lia tɛɛ daa pɔ.

Samuɛlə dɔlɔɔ 18:22

Saulə yɛ ɲee pɔ nuą diɛ; yɛ diɛ: «Ka mo Davidə ɓa, kaa mą: ‹Ə́ wɛli kaa Saulə ɓa, gaa ə́ wɔ́ mɛ̨inɛ̨ɛ̨ pɔ, ə lɛɛ ə́ wɛli kaa ɲee pɔ nuą diɛ, hvaa mą, ə́ kɛ a mɔlɔ.›»

Samia Veerɛi 16:19

Yili a həɠə laa gbɛɛ ɓə gáá pai tíi ma? Kɛlɛi mɛ́lan mun non mə? Bələi lɔ ŋą́ kɛ la ə́ ną́n nwɔ kóló ɓa, bələ lɔ ɓə gáá kɛi la yɛ́ kóló ɓa.»

Zôo 41:3

Gbɛɛ ɓə nwɔ kwələ kaa mą́ą́? Hɛn kpɔ yələ kɔ́lɔn mu, gəlee kaa a nwɔ́.