Mąątɛ̨nɛ̨ 55:14 - Yálá laawoo hɛɓɛ (dc)

¹⁴ Kɛlaa, yɛ́ ɓə, yɛ́i gwa yɛ́ gu tɔɔ gaa tanɔ̨n, yɛ́i a níiɓamun, ə́ ɓo a gwə́i mɛ̨nį kɔ́lɔnmun.

Yálá laawoo hɛɓɛ

¹⁴ Kɛlaa, yɛ́ ɓə, yɛ́i gwa yɛ́ gu tɔɔ gaa tanɔ̨n, yɛ́i a níiɓamun, ə́ ɓo a gwə́i mɛ̨nį kɔ́lɔnmun.

Bible

¹⁴ Kwa yá kwa laoi-laa zɛ̀pɛ pù gîe ma, kúkɛ Ɣâla fɛ̀li gîe ma Ŋ̀âla-pɛrɛ Kɛ́tɛi mu.

Mąątɛ̨nɛ̨ 55:14 Referans Kwoze

Mąątɛ̨nɛ̨ 42:4

Kpinį da hvóló, gáá lɔ ɲɛ̨́iyá hu, gɔ̨nɔ̨n nɔ li, a yələ kəlee; da kɛ kɛi mą́ą́: «Ə́ wɔ Yálái kaa mįnɛ̨?»

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Azaya 2:3

Lɔi tamąą hu nuą kaa pai pai bɔ, di kaa pai kɛi diɛ: «Ka tɛɛ, gwə li Yai-Laa nwɔ yee ɓa, Ɉakɔbə nwɔ Yálá nwɔ pɛ́lɛ́i mu, ə gu kalan a mɛ̨nįi mąąnɛ̨ɛ̨ gu gɛ, kpaalə yii a vaa ɓo, gu tɛɛ la.» A tɛ̨ą, Siɔn daai ɓə Yai-Laa nwɔ tɔ́n nwoo ə həɠə laa, A tɛ̨ą, Ɉerusalɛmə daai ɓə nwoo a həɠə laa, yɛ həli guɔ.

Mąątɛ̨nɛ̨ 122:1

Ɲee mąąhəɠɛɛ tɛ wələ. Davidə nwɔ wələ. Da kɛ mą́ą́: «'Gwə li Yai-Laa yəi bɛlɛn!» Gwə́i a nɛ̨ɛ̨!

Zôo 19:19

Nwɛ́li aa kpɛɛ nwɛ́li kɛ mąą nuą kəlee diɛ, Yiiɠaai mąn ŋį́ di wɛli la kɛ, gəlee daa di ɲɛ̨i ɲɔ̨nwɔ̨ɔ̨ hee mą́ą́.

Mąątɛ̨nɛ̨ 41:10

Ə mą kɛ, mɛ́lan kɛ gílitɔɔmą, yai kwa yaa ku kɛi ku yee lɔ kɔwɔ tɔ̨nɔ̨ hu, yili aa pɛlɛ mą́ą́ a kɔ́.