Mąątɛ̨nɛ̨ 55:13 - Yálá laawoo hɛɓɛ (dc)

¹³ Ə li kɛ ɲówo ɓə tii nálan ɉii, ŋį́ li kɛ níi laa yili hu, ə li kɛ nui nwɛ́li hvo mą, ya ɓə tii tɔɔi nái, ŋą́ li pu kɛ dɔwɔ.

Yálá laawoo hɛɓɛ

¹³ Ə li kɛ ɲówo ɓə tii nálan ɉii, ŋį́ li kɛ níi laa yili hu, ə li kɛ nui nwɛ́li hvo mą, ya ɓə tii tɔɔi nái, ŋą́ li pu kɛ dɔwɔ.

Bible

¹³ Kɛ́lɛ, íkaa a ńâoi lɛ́lɛɛ, kwa yá kúkaa kwa tɔ̂nɔ ma.

Mąątɛ̨nɛ̨ 55:13 Referans Kwoze

Mise 7:5

'Ka hvo laa ka kaayɔwɔ ta la, 'ka hvo ka kili lɛɛ ka ɓɛlamun da ɓa, ə mą kɛ nɛ̨ɛ̨nui laani ə́ kəŋə la ɲɛ̨i ɓa ɓə, ə́ hvaa woo yɛlɛ kɛ.

Samia Veerɛi 15:12

Ɓɛlɔwai Absalɔn ə kɛi ɉaláá laa həli la, ə nu tɔɔ Davidə nwɔ nwun dɔɔ hu mun Ahitofɛlə pɔɔli Gilo daai. Nɔgilii hu lɔ ɓə kɛi kɛnɛ̨, nuąi kɛ Absalɔn pulu, di kpulu ta lɔ ɓə kɛi pɛlɛ ma.

Ɉeremi 9:4

Diɛ di kee ni ɓowo. Nu ta hva tɛ̨ą ɓo, daa di nɛn mąą kwɛli lɛɛ kɛɛ ɓa. Daa kala, di hva kɛa pɛli pənəi di hvo pa bɔ́. Di hɔn mąą hva kɛa hvalin.

Mąątɛ̨nɛ̨ 41:9

Di woo laa diɛ: «Ɲɔ̨n ɲɔ̨nwɔ̨ɔ̨ ta tii aa yili mą, a nu yee kulɔ mu, mąą nu hva kɛa ɓalo.»

Samia Veerɛi 16:23

Liɛwooɠaai Ahitofɛlə ə kɛi gɛ nąąlɔwai, di kɛi di wəli tɔɔ gəlee ɓa yɛ Yálá lawoo. Ə ma kpɛli kɛ Absalɔn ɲɛ̨i ɓa, yɛ pələi Ahitofɛlə hvaa woo ə kɛ la Davidə ɲɛ̨i ɓa, yɛ Yálá lawoo.

Lukə 22:21

Kɛlaa, ya ka, nui pai ną́ą́ lɛi, gwa yaa ku yee kaa kɔ́wɔ tɔ̨nɔ̨ hu.

Ɉaan 19:13

Nwooi tii mɛ̨n Pilatə ə mo, ə Jesus kulɔ ɲɛnɛ̨ɛ̨, Pilatə kpinįi ə li ə hee kiti tee kpəlin ɉu, ɓɛi da kɛ mą: kɛɛnąą muhəɠɛɛ, Ɉuifə woo hu, da kɛ mą: Gabata.

Mąątɛ̨nɛ̨ 41:10

Ə mą kɛ, mɛ́lan kɛ gílitɔɔmą, yai kwa yaa ku kɛi ku yee lɔ kɔwɔ tɔ̨nɔ̨ hu, yili aa pɛlɛ mą́ą́ a kɔ́.