Mąątɛ̨nɛ̨ 51:3 - Yálá laawoo hɛɓɛ (dc)

³ 'Mą́ą́wɛli kaa, nwɔ́ Yálá, yɛ bələ yá ɲɛ̨imąąwɛli kaai kaa la; nwɔ́ nɛ̨ŋɛ̨n nwaa, yɛ bələi yɛ́ wɛlikɛmąąlaa kaa lai.

Yálá laawoo hɛɓɛ

³ 'Mą́ą́wɛli kaa, nwɔ́ Yálá, yɛ bələ yá ɲɛ̨imąąwɛli kaai kaa la; nwɔ́ nɛ̨ŋɛ̨n nwaa, yɛ bələi yɛ́ wɛlikɛmąąlaa kaa lai.

Bible

³ Ŋá ŋásɔnyɔ̂ŋ kɔ́lɔŋ. Ŋásɔnyɔ̂ŋ kíli káa ŋá.

Mąątɛ̨nɛ̨ 51:3 Referans Kwoze

Azaya 59:12

Mąąhɔlɔɓo kuɔ túwɔ́ pələ ɲɔ̨n damąąi kaa tɔɔnin ə́ lííla, ɛlɛɛ kuɔ hɔn ɲɔ̨nŋąąi diɛ ku kalamąɓo, tɛ̨ą li, kuɔ kulɔ nwoomu laa kanąnŋąąi lɔ kuɔ, ɛlɛɛ ku ku hɔnŋąąi tii kɔ́lɔn.

Hanwon 28:13

Nui a ɉɔn noo, hva tɛ tɔwɔ. Kɛlaa, nui a hvaa ɉɔn ma, ə kpəla mą, mąą nu ɓə Yálá a ɲɛ̨imąąwɛli kaa.

Mąątɛ̨nɛ̨ 38:18

Ɲą́ą́ ka vúluun ŋąą gɛ́ li tooi, nwɔ́ mɔ̨nɔ̨i ka, kpɛɛ hvo mą háákələi.

Mąątɛ̨nɛ̨ 32:5

Ŋą́ą́ hvaa ɉɔn ma ə́ ɲɛ̨i ɓa, və́ nwɔ́ nɛ̨ŋɛ̨n loo li yɛ́, ŋą́ kɛ diɛ: «Gáá hvaai ɉɔ́n ma Ną́mu ɲɛ̨i ɓa», ɛlɛɛ, yɛ́n, yáá nwɔ́ nɛ̨ŋɛ̨n nwuɛ həɠə nwúɔ̨.

Ɉeremi 3:25

Ka gu pɛlɛ, mąąhɔlɔɓo, gwaa nwumɛ̨! Ka guɔ ɓɛlɛkpɛɛmąą túwɔ́ aa gu ɲɛ̨i paa! Hvo gaai, kwaa nɛ̨ŋɛ̨n ɉəɠə Yai-Laa kuɔ Yálái ɓa; kuɔ mąn, ku nąnni mąn, ə həɠə ku muhəɠə yələ ɓa, ə həli la háákələi ɓa. Ku hvo ku wəli tɔɔ li Yai-Laa kuɔ Yálái woo ɓa.

Mąątɛ̨nɛ̨ 40:12

Yɛ́ Yai-Laa, hvə́ ə́ wɔ wɛlikɛmąąlaa mąąkwɛa mą́ą́, ə́ wɔ wɛlikɛmąąlaa da ə́ wɔ tɛ̨ą da di yee kɛ mą́ą́ a yələ kəlee.

Zôo 33:27

Yɛ́ tomą nuą ɲɛ̨i ɓa, yɛ kɛ diɛ: «Ŋą́ kɛi nɛ̨ŋɛ̨n ɉəɠə, ŋą́ kɛi túwɔ́ pələ ɲɔ̨n gulɔ, Kɛlaa Yálá nwɛi, hvo ɉón ni yɛ pələi ŋą́ túwɔ́ la.

Nehemi 9:2

Nuąi kɛ a Israɛlə nu huwu, di kulɔ nwɛ̨ąą lɔwai di tɔɔ a di tee, diɛ hvaa di kɛ nɛ̨ŋɛ̨nŋąą diɛ da di nąnni di wɔ túwɔ́ pələ ɲɔ̨n.

Mąątɛ̨nɛ̨ 41:5

Ŋą́ kɛi kɛ diɛ: «Yai-Laa, ɲɛ̨́imąąwɛli kaa, Ə́ málo mąąhɔlɔɓo ŋą́ą́ nɛ̨ŋɛ̨n ɉəɠə yɛ́.»

Azaya 43:25

Kɛlaa, nwɛ́i, bələi gɛ́ pələ kaa la a wɛlikɛmąąlaa, yili ɓə a gɛ gɛ́ ə́ wɔ kulɔ nwoomuɠaai lɛɛ yɛ́ a kpɛli, ɛlɛɛ, vá ə́ wɔ túwɔ́ pələ ɲɔ̨nŋąąi kili lɛ ɲą́.