Mąątɛ̨nɛ̨ 51:17 - Yálá laawoo hɛɓɛ (dc)

¹⁷ Ną́mu Yálá, 'náá hvaa, náálee yɛ pɛli ə́ mąątɛ̨nɛ̨i a ɉələwoo.

Yálá laawoo hɛɓɛ

¹⁷ Ną́mu Yálá, 'náá hvaa, náálee yɛ pɛli ə́ mąątɛ̨nɛ̨i a ɉələwoo.

Bible

¹⁷ Óo Ɣâla, zâlai nyii a ílii laai ƃa núu tûaa a maa yêŋ-pere. Ífa íyee kùla ǹúui mù nyii a ǹíi pène, m̀aa yeŋɔɔi.

Mąątɛ̨nɛ̨ 51:17 Referans Kwoze

Mąątɛ̨nɛ̨ 34:18

Tələnmo nuą da wɔlɔ, Yai-Laa a di wɔlɔ woo mu hon, yɛ di kulɔ di kanąn mɛ̨nįɠaa kəlee hu.

Azaya 66:2

Ɉɛnŋąąi tii kəlee di kulɔ ɲéé ŋą, gəlee kaa a nwɔ́ɔ́, Yai-Laa woo li, yɛi: Nui ŋą ɲɛ̨́i pili mɛ̨i ya ká: Kpɔwɔ mąąyɛɛmun, a yai tii nii yaliɛ gwəi, yai tii, nwóó a mąą kpɛlin.

Lukə 15:10

Gáá moi kaa, akɛ nɛ̨ŋɛ̨n ɉəɠəmun dɔ̨nɔ̨ kpɛli a hvaa mą ə bulu tɔɔ gɛ nɛ̨ŋɛ̨n ma, pələ kpɔlɔɔ ɓə kwəinɛ̨ɛ̨ a kɛ la Yálá nwɔ malakaɠaa yəi.»

Mąątɛ̨nɛ̨ 147:3

Nuąi di lii yalia di kwəi, a di ɓalo, yɛ di wɔ palaɠaai waa.

Markə 12:33

Yálá wɛli la kɛɛ a nu lii kəlee, da nu nwɔ kiliŋąhiɛ kəlee, ə mą kɛ nu nwɔ huwalawala kəlee; əlɛɛ, nu ə́ ə́ ɓɛlan gaa lon nwɛli la kɛ yɛ ə́ kpinį, yili hviɛlaɓoɔ ə tɛɛ haláá yii da gələn da haláá takpɛliɠaa kulaa ɓa.»

Maafîu 5:3

«Nwun na nɛ̨ɛ̨ nuą ɓaa nuąi da di kpɔɔ mąą yɛɛ. Mąąhɔlɔɓo, Yálá-taa tɔɔlaa kaa a di wɔ!

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Hebreu 13:16

'Ká gu hvo lɛ̨ą mɛ̨nį lɛlɛɛ kɛɛ ɓa, ɛlɛɛ, guɔ kpɔnmąą tɛɛ gbɔn ɉu lonnii pɔ, mąąhɔlɔɓo, ɉaláá hɛn taaləi tii ɓə a Yálá liihon.

Mąątɛ̨nɛ̨ 102:17

Ɲələi Yai-Laa kaa pai pənəi yɛ Siɔn tɔɔ la, nuą da gaa mąąwiɛ̨ pələ hu.

Mąątɛ̨nɛ̨ 107:22

Di ɉɛɠɛɛɓo haláá kulɔ kan, di gɛ mɛ̨nįɠaa loloɓo a kwəinɛ̨ɛ̨.

Tɔɔɓɛlaa veelɛ 22:19

yii kpɔ ə́ lii ə too pulu, ə́ ə́ mąą həɠə huɓɛla, yɛ́ wɔlɔ nííla, yili ɓa, ɲą́ą́ gbɛli mąn, ŋą́ą́ mɛ̨n, Yai-Laa nwóó li.

Amɔsə 5:21

Ka wɔ hɛliɠaai wɛli hvo mą́ą́, di ɓɛlɛ hvo gwə́i. Ka wɔ ŋąąkpɔn, naa wɛli hva ɉón.

Lomaŋ 12:1

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Mąątɛ̨nɛ̨ 22:24

Kaai kpɔ ka ɲɔw Yai-Laa ɓa, 'ka mąątɛ̨nɛ̨! Kaai kpɔ a Ɉakɔbə huwu, 'ka naa tɛ! Kaai kpɔ a Israɛlə nu huwu, 'ka ɲɔw mą!

Filipə 4:18

Hɔlɔɔmun, yii a pɛli mą́ą́, gaa ɲə́i, da laa mɛ̨i. Ɉamą pilɛi ká dɛɛ Epafroditə pɔ, yɛ paa la, aa nwɔ̨nɔ̨ da kɛ mą, aa kɛ a wulɔ kun nɛ̨ɛ̨, a hálaai nwɛlikaa Yálá ɓa

Izikiɛ 9:6

Ə kɛ a hulɔngolo, ə kɛ a ląŋąlon, ə kɛ a halakpɛla, lɛapɛlɛɛ mąn, nɛ̨ąą mąn; ka gəlee paa, ə lɛɛ ɉu, di kpɛɛ kpɔ tɛ̨ɛ̨ tɛ̨ɛ̨. Kɛlaa, nui lɔpee, nui ɲɛ̨i pɔɔ a kɛ mą, 'ká hvo tunwɔ̨n mą. 'Ká gbala tɔɔ Yálá hee pɛlɛ́ ɓa. Di gbala tɔɔ kɛa ɉulɔngoloɠaai ti kɛ Yálá hee pɛlɛ́ laaləi diɛ.»

Lɛɛ gbɔwɔ ɓa 37:22

Gbini, gɔnŋąą da gbulɔnŋąą kəlee, di di pu lɔ tanɔ̨n a hɛni huwaa hva-hva.